Oq ota jome masjidi
| Masjid | |
Oq ota jome masjidi
Oq ota | |
 | |
| Mamlakat |  Oʻzbekiston
|
| Hudud | Toshkent |
| Tuman | Boʻstonliq |
| Manzil | Qoramanas qishloq fuqarolar yigʻiniga qarashli boʻlgan Bobur mahalla fuqarolar yigʻini |
| Yoʻnalishi | sunniy |
| Mulkdor | Oʻzbekiston Respublikasi Vazirlar Mahkamasi va Musulmonlar idorasi |
| Masjid turi | Jomeʼ-Masjid |
| Meʼmoriy uslub | Islom meʼmorchiligi |
| Binokorlik | 2021-yil 24-fevral—2023-yil 3-fevral |
| Soʻngi imom | Faxriddin domla Mirzayev |
| Gumbazlar soni | 1 |
| Balandligi | 18-20 |
| Minoralar soni | 1 |
| Qurilish materiali | gʻisht, beton, marmar |
| Holati | amaldagi |
| Tarovih | 
|
| Saharlik va iftorlik |
|
| Kutubxona |
|
Oq ota jome masjidi – Oʻzbekiston Respublikasi Musulmonlar idorasi tasarrufidagi jome masjid boʻlib, Toshkent viloyati, Boʻstonliq tumanida joylashgan boʻlib, tumanning masjid va madrasalar tarkibiga kiradi[1].
Joylashuvi va faoliyati[tahrir | manbasini tahrirlash]
Oq ota jome masjidi Toshkent viloyati hududidagi Boʻstonliq tumani, Qoramanas qishloq fuqarolar yigʻiniga qarashli boʻlgan Bobur mahalla fuqarolar yigʻinida joylashgan.
Tarixi[tahrir | manbasini tahrirlash]
Oq ota jome masjidi Oʻzbekiston Respublikasi Adliya vazirligi Toshkent viloyat adliya boshqarmasi tomonidan roʻyxatdan 1998-yil 9-avgust kuni oʻtkazlib, uning ustavi Toshkent viloyat adliya boshqarmasida roʻyxatga olingan. Jome masjid Toshkent viloyatining bosh imom-xatibi Jasurbek domla Raupov ishtirokida 2021-yil 24-fevral kuni Boʻstonliq tumanida joylashgan Qoramanas qishloq fuqarolar yigʻini hududida yangi binosining qurilish ishlari boshlandi. 2023-yil 3-fevral qutlugʻ juma kuni ushbu jome masjidni yangi binosining ochilish marosimi boʻlib oʻtdi. Tadbirda Toshkent viloyati bosh imom-xatibi Jasurbek domla Raupov, mahalla faollari, tuman imomlari, nuroniy otaxonlar, mahalliy aholi vakillari, homiylar va saxovatpesha insonlar qatnashdilar. – Yangi masjidimizga ikki yil oldin ilk gʻisht qoʻyilgan edi, – deydi „Oq ota“ jome masjidi imom-xatibi boʻlgan Faxriddin domla Mirzayev. – Bugun bu jome moʻmin-musulmonlar ixtiyoriga topshirildi. Masjid xonaqohi 600 oʻrinli, gumbazi balandligi 18–20 metr. Oʻn oʻrinli zamonaviy tahoratxonada barcha namozxonlar uchun sharoitlar yaratilgan. Imom-xatib xonasi, majlislar zali ham juda goʻzal tarzda barpo etildi[2]. Yangi jome masjid zamon talablari asosida qurilgan boʻlib, yaratilgan imkoniyatdan namozxonlar toʻlaqonli foydalanishlari mumkin.
Manbalar[tahrir | manbasini tahrirlash]
- ↑ „ОҚ ОТА ЖОМЕ МАСЖИДИ“. masjid.uz. Qaraldi: 3-dekabr 2023-yil.
- ↑ „“Оқ ота” масжиди очилди“. www.vaqf.uz. Qaraldi: 3-dekabr 2023-yil.