Quraysh jome masjidi

Masjid
Quraysh jome masjidi Quraysh
Mamlakat	Oʻzbekiston
Hudud	Toshkent
Tuman	Zangiota
Yoʻnalishi	sunniy
Mulkdor	Oʻzbekiston Respublikasi Vazirlar Mahkamasi va Musulmonlar idorasi
Masjid turi	Jomeʼ-Masjid
Meʼmoriy uslub	Islom meʼmorchiligi
Soʻngi imom	Fazliddin domla Musoxov
Gumbazlar soni	1
Qurilish materiali	gʻisht, beton, marmar
Holati	amaldagi
Tarovih
Saharlik va iftorlik
Kutubxona

Quraysh jome masjidi – Oʻzbekiston Respublikasi Musulmonlar idorasi tasarrufidagi jome masjid boʻlib, Toshkent viloyati, Ohangaron tumanida joylashgan boʻlib, tuman masjid va madrasalar tarkibiga kiradi.

Joylashuvi va faoliyati

Quraysh jome masjidi Toshkent viloyati hududidagi Ohangaron tumani, Krasnogorsk-Parkent koʻchasida joylashgan. Mazkur masjidning bosh imom-xatibi Fazliddin domla Musoxov boʻlib, masjidga tashrif buyurgan mehmonlar, ziyoratchilar, namozxonlar bilan suxbatlar tashkil etib turadi. Mazkur masjid katta yoʻl boʻyida joylashganligini sababli, bu joyda yoʻlovchilar, ziyoratchilar uchun oʻziga xos boʻlgan qulayliklar yaratilgan. Qurashy masjidi joyashgan hududa aholi kam sonli boʻlganligi sababli qoʻshni mahala va qishloqlardan namozxonlar ham tashrif buyurib turishadi. Jumladan, Yangi qishloq mahalla fuqarolar yigʻini, Katarul koʻchasi , Tosh tepa qishloq fuqarolar yigʻini, Azorat tepa koʻchasi, Doʻstlik qishlogʻi, Tapyl mahalla fuqarolar yigʻini, Toshsoy koʻchasi, Porlisoy koʻchasi, Koʻmirsoy mahallasi, Qursoy koʻchasi, Jambul mahalla fuqarolar yigʻilari va boshqa joylardan mahalliy aholi vakillari tashrif buyurishadi.

Tarixi

Quraysh jome masjidi qachon tashkil etilganligi haqida yetarli manbalar mavjud emas. Masjid Oʻzbekiston Respublikasi Adliya vazirligi Toshkent viloyat adliya boshqarmasi tomonidan roʻyxatdan oʻtib, uning ustavi Toshkent viloyat adliya boshqarmasida roʻyxatga olingan. Masjid mahalliy aholi vakillari, homiylar, tadbirkorlar tomonidan xashar orqali bir necha marotoba qayta bunyod etilgan. Hozirda masjid binosi islom meʼmorchiligi asosida bunyod etilgan.