Kobul Tursunov

Vikipediya, ochiq ensiklopediya
(Qobul Tursunovdan yoʻnaltirildi)
Jump to navigation Jump to search
Kobul Beknazarovich Tursunov
Bayroq
Navoiy viloyati hokimi
2016-yildan — hozirgi vaqtgacha
Prezident: Shavkat Mirziyoyev
Oʻtmishdoshi: Erkinjon Turdimov
Bayroq
Oliy Majlis Senatining byudjet va iqtisodiy islohotlar masalalari qoʻmitasi raisi
2016-yildan — 2016-yilgacha
Bayroq
Nurota tumani hokimi
2012-yildan — 2016-yilgacha
 
Tavalludi: 1964-yil
Navoiy tumani, Buxoro viloyati, OʻzSSR, SSSR
Maʼlumoti: Toshkent davlat texnika universitetining Navoiy filiali (1993)
Buxoro davlat universiteti (2004)
Oʻzbekiston Respublikasi Prezidenti huzuridagi Davlat va jamiyat qurilishi akademiyasi (2005)

Kobul Beknazarovich Tursunov (1964-yil, Navoiy tumani, Buxoro viloyati, Oʻzbekiston SSR, SSSR) — oʻzbek iqtisodchisi va davlat arbobi. Nurota tumani hokimi va Oliy Majlis Senatining byudjet va iqtisodiy islohotlar masalalari qoʻmitasi raisi boʻlib ishlagan. 2016-yil 25-dekabrdan Navoiy viloyati hokimi lavozimida ishlab kelmoqda[1]. 2015-yilda III chaqiriq Oʻzbekiston Respublikasi Oliy Majlisi Senatiga saylangan.

Biografiya[tahrir]

K. B. Tursunov 1964-yilda Buxoro viloyatining Navoiy tumanida (hozirda Navoiy viloyatida joylashgan) tavallud topgan[2].

1993-yilda Toshkent davlat texnika universitetining Navoiy filialini; 2004-yilda Buxoro davlat universitetini; 2005-yilda esa Oʻzbekiston Respublikasi Prezidenti huzuridagi Davlat va jamiyat qurilishi akademiyasini tamomlagan[2].

Faoliyatini Navoiy tumani 18-koʻchma mexanizatsiyalashgan kolonnasida boshlagan. Bu yerda ishchi, keyinchalik xaridlar boʻyicha iqtisodchi boʻlib ishlagan (1981—1986). 1986-yildan „Davlatagrosanoat“ qoʻmitasi bosh axborot-hisoblash markazining Navoiy shahridagi 41-boʻlimi etakchi muhandisi; 1989—yildan „Oʻzmatlubotqurilish“ trestiga qarashli „Navoiy“ koʻchma mexanizatsiyalashgan kolonnasi moliya-iqtisodiyot boʻlimi iqtisodchisi, boʻlim boshligʻi; 1996-yildan shu trest direktorining iqtisodiyot boʻyicha oʻrinbosari; 1997-yildan „Qizilqumsement“ aksiyadorlik jamiyati taʼminot boʻlimi etakchi mutaxassisi, moliya-iqtisodiyot boʻlimi boshligʻi oʻrinbosari; 2001-yildan shu AJ moliya-iqtisodiyot boʻlimi boshligʻi; 2006-yildan Navoiy shahar „Baxt-Textile“ qoʻshma korxonasi bosh direktori oʻrinbosari, keyinchalik direktori boʻlib ishlagan[2].

K. B. Tursunov 2012-yildan Nurota tumani hokimi va 2016-yilda Oʻzbekiston Respublikasi Oliy Majlis Senatining byudjet va iqtisodiy isloxotlar masalalari qoʻmitasi raisi lavozimlarida ishlagan[2].

2015-yilda III chaqiriq Oʻzbekiston Respublikasi Oliy Majlisi Senatining deputati, shuningdek Senatning Byudjet va iqtisodiy islohotlar qoʻmitasi raisi etib saylangan. 2016-yil 25-dekabrda Oʻzbekiston Prezidenti Shavkat Mirziyoyev Tursunovni Navoiy viloyati hokimi etib tayinladi[3][2].

Manbalar[tahrir]