Davron Hidoyatov

Vikipediya, ochiq ensiklopediya
Jump to navigation Jump to search
Davron Hidoyatov
Bayroq
Toshkent viloyati hokimi
2021-yil 19-martdan
Prezident: Shavkat Mirziyoyev
Oʻtmishdoshi: Rustam Xolmatov
 
Tavalludi: 1976
Toshkent, OʻzSSR
Maʼlumoti: Toshkent davlat iqtisodiyot universiteti, Bank-moliya akademiyasi
 
Mukofotlari:

Dustlik rib.png

Davron Abdulpattaxovich Hidoyatov (1976-yilda tugʻilgan, Toshkent, Oʻzbekiston SSR, SSSR) — oʻzbek iqtisodchisi va davlat arbobi, 2021-yil 19-martdan boshlab Oʻzbekistonning Toshkent viloyati hokimi.

Biografiya[tahrir]

Davron Abdulpattahovich Hidoyatov 1976-yilda Toshkent shahrida tugʻilgan. 1998-yilda Toshkent davlat iqtisodiyot universitetini, 2001-yilda Bank-moliya akademiyasini tugatgan[1]. 1996-2004-yillarda Oʻzbekiston Respublikasi Markaziy bankida ishlagan, 2004-2005-yillarda „Asia-Invest Bank“ (Moskva) boshqaruvi raisi boʻlgan. 2009-2012-yillarda GM Uzbekistan kompaniyasining moliya boʻyicha ijrochi direktori, 2012-2014-yillarda — MAN Auto-Uzbekistan QK bosh direktori lavozimlarida ishlagan[2].

2014-yil iyuldan 2017-yil 12-aprelgacha Xususiylashtirish, monopoliyadan chiqarish va raqobatni rivojlantirish qoʻmitasi raisi sifatida ishlagan[3].

2017-yil aprel oyidan boshlab Toshkent shahar Chilonzor tumani hokimi vazifasini bajaruvchi. 2018-yil 4-oktyabrda Toshkent shahar hokimining arxitektura, kapital qurilish va aloqalarni rivojlantirish boʻyicha birinchi oʻrinbosari lavozimini egalladi[4].

2021-yil 30-yanvarda Oʻzbekiston Prezidenti Shavkat Mirziyoyevning farmoni bilan Davron Hidoyatov ushbu lavozimda Rustam Xolmatov oʻrnini egallab Toshkent viloyati hokimi vazifasini bajaruvchi etib tayinlandi[5]. 2021-yil 19-martda xalq deputatlari viloyat kengashi sessiyasi tomonidan u lavozimiga tasdiqlandi[6].

Mukofotlar[tahrir]

Doʻstlik ordeni (29.08.2019)

Manbalar[tahrir]

  1. https://centrasia.org/person2.php?st=1538684660
  2. https://www.gazeta.uz/ru/2018/10/04/tashkent-hokimiyat/
  3. https://news.rambler.ru/politics/36594933-za-plohuyu-rabotu-mirzieev-uvolil-predsedatelya-goskomkonkurentsii/
  4. https://uzreport.news/politics/davron-hidoyatov-naznachen-io-hokima-tashkentskoy-oblasti
  5. https://www.gazeta.uz/ru/2018/10/04/tashkent-hokimiyat/
  6. https://news.rambler.ru/world/46038627-v-uzbekistane-smenili-glavu-tashkentskoy-oblasti/