Qobiljon Obidov

Qobiljon Obidov
Andijon viloyati hokimi
1997-yildan — 2004-yilgacha
Hukumat boshlig‘i:	Oʻtkir Sultonov Shavkat Mirziyoyev
Prezident:	Islom Karimov
Oʻtmishdoshi:	Masharif Yusupov
Vorisi:	Saʼdulla Begaliyev
1993-yildan — 1996-yilgacha
Hukumat boshlig‘i:	Abdulhoshim Mutalov Oʻtkir Sultonov
Prezident:	Islom Karimov
Oʻtmishdoshi:	Qayum Xolmirzayev
Vorisi:	Masharif Yusupov
Tavalludi:	20-aprel 1951 (1951-04-20) Andijon
Mukofotlari:

Obidov Qobiljon Gʻafurovich (1951.20.4, Qoʻrgʻontepa tumani, Xonobod qishlogʻi) — Oʻzbekiston Qahramoni (1998-yil).

Biografiyasi

• Andijon mashinasozlik institutining gidromelioratsiya fakultetini tugatgan (1972).
• Andijon suv inshootlari qurilish tresti 3-qurilish-montaj boshqarmasida usta, prorab, yordamchi korxonalar boshqarmasi boshligʻi (1972—75).
• trest ishlab chiqarish va texnologik jamlashtirish boshkarmasining bosh muhandisi, boshligʻi (1975—86).
• Andijon suv qurilish trestining boshqaruvchisi, Andijon suv qurilishmontaj ishlab chiqarish birlashmasining boshligʻi (1987—88).
• Marhamat tumani ijroiya qoʻmitasining raisi, tuman partiya qoʻmitasining 1-kotibi, tuman hokimi (1988—92).
• Andijon shahar hokimi (1992—93).
• Andijon viloyati hokimi (1993—1996).
• Oʻzbekiston Respublikasi Bosh vazirining 1-oʻrinbosari (1996—97).
• Andijon viloyati hokimi 1997—2004).
• 2018-yildan — Andijon viloyati oʻrmon xoʻjaligi boshqarmasi boshligʻi.

Obidov rahbarligida viloyatni ijtimoiy-iqtisodiy rivojlantirishda muhim yutuqlarga erishildi, gʻoʻza va bugʻdoy yetishtirishda yangi texnologiyalar (jumladan, gʻoʻzani plyonka ostiga ekish) joriy qilindi va ularning hosildorligi keskin oshdi, yangi sanoat korxonalari, sport inshootlari barpo etildi, aholining turmush darajasini koʻtarish va farovonligini oshirishda muhim ishlar olib borildi. Andijon viloyatida toʻplangan ilgʻor ishlab chiqarish tajribalari mamlakat miqyosida ommalashtirildi. Oʻzbekiston Oliy Kengashi (1990—94), Oʻzbekiston Respublikasi Oliy Majlisi deputati (1994). Mehnat shuhrati ordeni bilan mukofotlangan (1995).