Poʻlat Bobojonov
| Bobojonov Poʻlat Razzoqovich | |
|---|---|
 | |
  | |
|
Mansab davri 2017-yil 4-sentyabrdan — | |
| Prezident | Shavkat Mirziyoyev |
| Oʻtmishdoshi | Abdusalom Azizov[1] |
| |
|
Mansab davri 2012-yil 24-yanvardan — 2017-yil 4-sentabrgacha[2] | |
| Prezident |
Islom Karimov Shavkat Mirziyoyev |
| Oʻtmishdoshi | Ollobergan Olloberganov |
| Vorisi | Ilgizar Sobirov |
| Shaxsiy maʼlumotlari | |
| Tavalludi |
1-yanvar 1961-yil Bogʻot tumani, Xorazm viloyati |
| Mukofotlari |
 |
| Unvoni | General-leytenant[3] |
Bobojonov Poʻlat Razzoqovich (01.01.1961) — Oʻzbekiston Respublikasi Ichki ishlar vaziri (2017-yil 4-sentyabrdan)[1].
2023-yil 18-fevraldan - O'zbekiston Respublikasi Voleybol Federatsiyasi raisi[4].
Mehnat faoliyati[tahrir | manbasini tahrirlash]
Taʼlim[tahrir | manbasini tahrirlash]
1977-1982 yy. — Toshkent davlat universiteti yuridik fakulteti talabasi.
Mehnat faoliyati[tahrir | manbasini tahrirlash]
1982-yilda Harbiy xizmat oʻtagan. 1982-1983-yillarda Gurlan tumani prokurorining yordamchisi vazifasida ish oʻrganuvchi, 1983-1985-yillarda Xorazm viloyati prokuraturasi umumiy nazorat boʻlimi prokurori, 1985-1991-yillarda Xorazm viloyati prokuraturasi umumiy nazorat boʻlimi boshligʻi, 1991-1992-yillarda Xorazm viloyati Gurlan tumani prokurori, 1992-1996-yillarda Xorazm viloyati Bogʻot tumani hokimining birinchi oʻrinbosari, 1996-1999-yillarda Xorazm viloyati hokimining oʻrinbosari — nazorat inspeksiyasi boshligʻi, 1999-2000-yillarda Oʻzbekiston Respublikasi Prezidenti devonining tashkiliy-kadrlar siyosati masalalari boʻyicha davlat maslahatchisi xizmatining yetakchi konsultanti, 2000-yilda qisqa muddat Oʻzbekiston Respublikasi Prezidentining tashkiliy-kadrlar ishlari boʻyicha davlat maslahatchisi xizmatining hududiy organlar kadrlari bilan ishlash shoʻbasi bosh inspektori vazifasini bajaruvchi, 2000-2005-yillarda Oʻzbekiston Respublikasi Bosh prokurori oʻrinbosari, 2005-2006-yillarda Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti boshligʻi, 2006-2011-yillarda Jizzax viloyati prokurori, 2011-yil qisqa muddat Buxoro viloyati prokurori, 2011-2012-yillarda Xorazm viloyati hokimining birinchi oʻrinbosari, 2012-2017-yillarda Xorazm viloyati hokimi vazifalarida faoliyat olib borgan. 2017-yildan — Oʻzbekiston Respublikasi Ichki ishlar vaziri lavozimida ishlamoqda. 2017-2018-yillarda Oʻzbekiston Futbol Federatsiyasi vitse-prezidenti[5]. 2023-yil 18-fevraldan - O'zbekiston Voleybol Federatsiyasi raisi[4].
Vazir sifatidagi faoliyati[tahrir | manbasini tahrirlash]
Poʻlat Bobojonov Ichki ishlar vaziri sifatida O‘zbekistonda aholiga yaqindan xizmat koʻrsatadigan tizim yaratilganligini maʼlum qilgan[6]
| “ | Keyingi yillarda tizim faoliyatini yanada takomillashtirish va samaradorligini oshirish maqsadida “Ichki ishlar organlari toʻgʻrisida”gi Qonun qabul qilindi. Shuning barobarida bevosita ichki ishlar organlariga doir 4 ta qonun, 30 dan ziyod farmon, qaror va farmoyishlar, 150 dan ortiq hukumat va idoraviy hujjatlar qabul qilindiki, mazkur huquqiy hujjatlarda belgilangan asosiy norma va vazifalar bugun hayotda oʻz ifodasini topmoqda | ” |
| — [7] | ||
2019-yilda Poʻlat Bobojonov Oʻzbekiston 24 telekanaliga bergan intervyusida Oʻzbekiston tarixida ilk marotaba "Jasliq"dagi mahkumlar soni haqida aniq maʼlumot bergan[8]. Vazirga koʻra, oʻsha vaqtda „Jasliq“ qamoqxonasida 395 nafar mahkum saqlangan. 2020-yil yakunlari boʻyicha hisobotida Poʻlat Bobojonov ichki ishlar tizimida jinoyatchilikka qarshi kurashda raqam ortidan quvish emas, jinoyatchilikning asl sabablarini bartaraf etish orqali fuqarolarning haq-huquqlarini himoya qilishga asosiy eʼtibor qaratilganligi haqida axborot bergan[9].
Tanqidlar[tahrir | manbasini tahrirlash]
Poʻlat Bobojonov 2016-yildan keyin tayinlangan vazirlar orasida OAVdan „uzoq“ vazir sifatida tanqid qilingan[10].
Manbalar[tahrir | manbasini tahrirlash]
- ↑ 1,0 1,1 Xorazm viloyatiga yangi rahbar tayinlandi
- ↑ Viloyat hokimining biografiyasi
- ↑ Milliy gvardiya qoʻmondoni va Ichki ishlar vaziriga ham yangi harbiy unvonlar berildi
- ↑ 4,0 4,1 Пўлат Бобожонов Волейбол федерацияси раиси, Бекмурод Абдуллаев эса унинг биринчи ўринбосари этиб сайланди
- ↑ „Федерацию футбола возглавил Умид Ахмаджонов“.
- ↑ „Poʻlat Bobojonov: O‘zbekistonda aholiga yaqindan xizmat koʻrsatadigan tizim yaratildi“ (20-dekabr 2019-yil). Qaraldi: 23-avgust 2022-yil.
- ↑ https://xabardor.uz/uz/x/938269
- ↑ „Po‘lat Bobojonov «Jasliq»dagi mahkumlar sonini ochiqladi“ (5-avgust 2019-yil). Qaraldi: 23-avgust 2022-yil.
- ↑ „Ilgari jinoyatchilik koʻlamiga raqamlarga qarab baho berar edik, buning ortida inson taqdiri yotganligini unutib qoʻyardik — Poʻlat Bobojonov“ (12-mart 2021-yil). Qaraldi: 23-avgust 2022-yil.
- ↑ „Ichki ishlar vaziri Poʻlat Bobojonov nega OAV dan uzoqda?“ (2-dekabr 2021-yil). Qaraldi: 23-avgust 2022-yil.
| |||||||||||
| |||||||||||