Samoyiddin Husenov
| Samoyiddin Kosimovich Husenov | |
|---|---|
  | |
|
Mansab davri 1996 — 2011 | |
| Hukumat boshligʻi | Shavkat Mirziyoyev |
| Prezident | Islom Karimov |
| Oʻtmishdoshi | Mavlon Rahmonov |
| Vorisi | Muhiddin Esonov |
| Shaxsiy maʼlumotlari | |
| Tavalludi |
1946-yil Buxoro |
Husenov Samoyiddin Kosimovich (1946-yil, Buxoro) — davlat arbobi, Buxoro viloyati hokimi (1996—2011-yil dekabr)[1].
Biografiyasi[tahrir | manbasini tahrirlash]
Samoyiddin Husenov Toshkent politexnika institutining Buxoro fillialini (hozirda Buxoro muhandislar texnologiya instituti) tamomlagan. 1963-yilda Buxoro ipak-oʻrash kombinatining mutaxassisi boʻldi. 1971-yilda u partiya organlarida ishlay boshladi[2]. 1986-yildan Buxoro viloyat ijroiya qoʻmitasi raisining oʻrinbosari, rejalashtirish komissiyasi raisi boʻlib ishlagan. 1992-yilda Buxoro viloyati hokimining oʻrinbosari, iqtisodiyot va statistika bosh boshqarmasi boshligʻi boʻldi[3].1994-yilda u Oʻzbekiston Respublikasi moliya vazirining oʻrinbosari boʻlgan. 1996-yilda O'zbekiston Respublikasi Prezidenti Islom Karimovning buyrugʻi bilan u Buxoro viloyati hokimi etib tayinlandi[4]. 2011-yilda Oʻzbekiston Respublikasi bosh vaziri Shavkat Mirziyoyev raisligida o'tkazilgan Buxoro viloyat deputatlar Kengashining navbatdan tashqari sessiyasida Samoyiddin Husenov Buxoro viloyati hokimi lavozimidan ozod etilgan[5]. OAV maʼlumotlariga koʻra Samoyiddin Husenov korrupsiya va urugʻ-aymoqchilikka bogʻliq ayblovlar bilan lavozimidan olingan[6][5].
1997-yilda Oliy Majlisning 2-chaqiriq deputati boʻldi.
1999-yilda 2-chaqiriq Oliy Majlisning deputati etib tayinlandi.
2005-yilda u Oʻzbekiston Respublikasi Oliy Majlisi Senatining aʼzosi etib saylandi[7].
2017-yilda O‘zbekiston faxriylarini ijtimoiy qo‘llab-quvvatlash “Nuroniy” jamg‘armasining Buxoro viloyati kengashi raisi etib saylangan[8]. 2020-yildan esa Buxoro viloyat Nuroniylar kengashi raisi lavozimiga tasdiqlandi[8].
Oilasi[tahrir | manbasini tahrirlash]
2011-yil dekabr oyida Samoyiddin Huseynovning oʻgʻli Sharofiddin Huseynov va qarindoshlari korrupsion jinoyatlarda ayblanib, qamoqqa olingan[6]. 2012-yil 8-oktabrda sud hukmi eʼlon qilingan. Unga koʻra, Sharofiddin Huseynov 13 yilga, yana bir kichik oʻgʻli 10 yilga, jiyani Risoliddin Huseynov 14 yilga ozodlikdan mahrum etilgan[6]. 2015-yil yozida Samoyiddin Huseynovning yana bir jiyani Buxorodagi „Sharq“ savdo majmuasi boshligʻi Vasliddin Huseynov 15 yilga ozodlikdan mahrum etilgan[6].
Mukofotlar[tahrir | manbasini tahrirlash]
"Mehnat shuxrati" ordeni. Samoyedin Kosimovich ikki marta „Oʻzbekiston Qahramoni“ mukofotiga nomzod boʻlgan[9].
Manbalar[tahrir | manbasini tahrirlash]
- ↑ https://centrasia.org/newsA.php?st=1171003860
- ↑ https://centrasia.org/person2.php?st=1013880830
- ↑ https://regnum.ru/news/1242604.html
- ↑ https://uz.sputniknews.ru/20160922/3763940.html
- ↑ 5,0 5,1 „O‘zbekiston bosh vaziri Buxoro hokimini lavozimidan bo‘shatgan“ (27-dekabr 2022-yil). Qaraldi: 31-avgust 2022-yil.
- ↑ 6,0 6,1 6,2 6,3 „Buxoro sobiq hokimining o‘g‘illari va qarindoshlari qamaldi“.
- ↑ https://centrasia.org/person2.php?st=1013880830
- ↑ 8,0 8,1 „Buxoroning sobiq hokimi viloyat Nuroniylar kengashi raisi etib tayinlandi“ (11-iyun 2020-yil). Qaraldi: 31-avgust 2022-yil.
- ↑ https://centrasia.org/person2.php?st=1013880830