Boʻston

Vikipediya, ochiq ensiklopediya
Shahar
Boʻston
Mamlakat Oʻzbekiston
Viloyat Qoraqalpogʻiston
Tuman Ellikqalʼa tumani
Koordinatalari 41°51′0″N 60°56′0″E / 41.85000°N 60.93333°E / 41.85000; 60.93333Koordinatalari: 41°51′0″N 60°56′0″E / 41.85000°N 60.93333°E / 41.85000; 60.93333
Aholisi 12 600 nafar (1999)
Vaqt mintaqasi UTC+5
Boʻston (Oʻzbekiston)
Boʻston

BOʻSTON — Qoraqalpogʻiston Respublikasidagi shahar (1983 y.dan). Ellikqalʼa tumani markazi. Aholisi 12,6 ming kishi (1999), asosan qoraqalpoqlar, oʻzbeklar, shuningdek rus, tatar, turkman, tojik va boshqa millat vakillari ham yashaydi. Yaqin temir yoʻl stansiyasi Urganchgacha 62 km. B. dan Nukusgacha boʻlgan masofa 140 km.

Shahar yonida Oʻzbekiston FA Botanika instituti va botanika bogʻining filiali (70 ga) barpo qilingan. B.da 1998—99 yillarda madaniyat va istirohat bogʻi (maydoni 50 ga) bunyod etiddi. 3 umumiy taʼlim maktabi, musiqa maktabi, akademik litsey, madaniyat uyi, 12 kutubxona, klub, stadion, 31 maishiy xizmat koʻrsatish shoxobchasi, tuman markaziy kasalxonasi, poliklinika, markaziy dorixona, dehkon bozori, 10 umumiy ovqatlanish shoxobchasi bor. Shaharda "Elteks" toʻqimachilik kompleksi, paxta tozalash zavodi, "Elnur" xalq isteʼmoli mollari ishlab chiqarish korxonalari ishlab turibdi. 2 avtokorxona, 5 koʻchma mexanizatsiyalashgan kolonna faoliyat koʻrsatadi. "Faxriylar bogʻi", "Yashil xiyobon" kabi dam olish maskanlari tashkil qilingan.

Adabiyotlar[tahrir]

  • OʻzME. Birinchi jild. Toshkent, 2000-yil