Chirchiq

Vikipediya, ochiq ensiklopediya
Shahar
Chirchiq
Mamlakat Oʻzbekiston
Mintaqa Toshkent Viloyati
Koordinatalari 42°38′19″N 58°55′2″E / 42.63861°N 58.91722°E / 42.63861; 58.91722Koordinatalari: 42°38′19″N 58°55′2″E / 42.63861°N 58.91722°E / 42.63861; 58.91722
Iqlim tipi Keskin Kontinental
Rasmiy tili Oʻzbekcha
Aholisi 145 395 nafar (2009)
Milliy tarkibi oʻzbeklar, qozoqlar, turkmanlar
Konfessiyaviy tarkibi Musulmonlar, Xristianlar v.h
Vaqt mintaqasi UTC+5
Avtomobil kodi 95
Chirchiq (Oʻzbekiston)
Chirchiq

ChirchiqToshkent viloyatidagi shahar. Chirchiqdaryosining oʻng sohilida, Qorjontovning yon bagʻrida, 730 m balandlikda, Toshkentdan 30 km shim.sharqda joylashgan. Toshkent Chorvoq temir yoʻldagi stansiya va avtomobil yoʻllari chorrahasi. Aholisi 140,1 ming kishi (2004). Ch. 1932 yilda daryo boʻyidagi Qirgʻizquloq, Qipchoq, Niyozbek qishloqlari oʻrnida yirik elektrkimyo kti qurilishi munosabati bilan vujudga kelgan. Yangi sanoat korxonalari qurilishi bilan aholi soni ham tez oʻsdi (1939 yil — 15 ming kishi, 1959 yil — 65 ming kishi, 1970 yil — 107,4 ming kishi). 30 — 40- yil larda Industrial texnikumi binosi, 50- yillarda elektrkimyo korxonasining Madaniyat saroyi va boshqa jamoat binolari qurildi. 1966—67 yillardan koʻp qavatli yirik panelli binolar qad koʻtardi. 2-jahon urushida halok boʻlgan chirchiqliklar xotirasiga oʻrnatilgan yodgorlik, madaniyat va istirohat bogʻlari, xiyobonlar, maktablar, poliklinika, kasalxona va boshqa bunyod etildi. Shahar yonida aholining dam olish joylari mavjud. Shaharda "Chirchiqqishloqmash", "Transformator", "Oʻzbekkimyomash", "Elektrkimyosanoat" (mineral oʻgʻitlar), qattiq qotishmalar va oʻtga chidamli metallar kti kabi korxonalar ishlab turibdi. 26 ta qoʻshma korxona (shu jumladan, "Kibo", "Chirkom", "Uzmetalltexnolodji", "Bursel—Tashkent—Tekstil"), 850 dan ziyod kichik korxona faoliyat koʻrsatadi. Qurilish materiallari, temirbeton konstruksiyalari ishlab chiqariladi. Gʻisht, asfaltbeton zdlari, goʻsht, non ktlari, poyabzal va tikuvchilik fkalari mavjud.

Chirchiq oliy tank komandirmuhandislik bilim yurti, 25 umumiy taʼlim maktabi, 7 oʻrta maxsus bilim yurti, 12 kutubxona, 3 madaniyat muassasasi, muzey, madaniyat va istirohat bogʻi bor. Kasalxona (500 oʻrin), poliklinika, dorixonalar va boshqa tibbiy muassasalar ishlab turibdi. Ch.dan Toshkent shahriga avtobuslar qatnaydi. "Chirchiq tongi" gaz. (1932 yildan nashr etiladi, adadi 760), "Chirchiq" (1932 yildan nashr etiladi, adadi 800) gaz.lari chiqariladi.

Chirchiq shahri Toshkent viloyatidagi katta shaharlardan biri.Aholisi 1991 yilga qaraganda 159,400 kishini tashkil qiladi. Chirchiq shahrini teletoriyasi 3 qisimga boʻlinadi, Ular Yuqori chirchiq,Oʻrta chirchiq hamda quy Chirchiq deb ataladi.