Nurafshon

Nurafshon
shahar
41°03′0″N 69°36′0″E
Mamlakat	Oʻzbekiston
viloyat	Toshkent viloyati
tuman	Oʻrta Chirchiq tumani
Aholisi  (2004)	25 300
Vaqt mintaqasi	UTC+5
Telefon kodi	+99870
Avtomobil kodi	10
Nurafshon Nurafshon

Nurafshon (2017-yilgacha Toʻytepa) — Oʻzbekiston Respublikasining Toshkent viloyati Oʻrta Chirchiq tumanidagi shahar (1973-yildan), tuman markazi. 2017-yil 24-avgustda Toshkent viloyatining poytaxti deb e'lon qilingan va nomi Nurafshon deb oʻzgartirgan. Toshkentdan 37 km uzoqlikda. Yaqin temir yoʻl stansiyasi — Chigʻiriq (5 km). Aholisi 25,3 ming kishi (2004).

Tarixi

Qadimda Nurafshon Mingtepa, Nukat nomlari bilan maʼlum boʻlgan. Shahar toʻgʻrisidagi dastlabki maʼlumotlar uning rivojlangan davri (10—12-asrlar)ga toʻgʻri keladi.

Iqtisodiy va ijtimoiy ahvoli

Shaharda 8 sanoat korxonasi faoliyat koʻrsatadi. Ishlab chiqarish. birlashmalari, metall konstruksiyalari, paxta tozalash zavodlari, don qabul qilish korxonasi ishlab turibdi. 3 ta yengil sanoat korxonasi, 2 ta oʻquvtajriba korxonasi va boshqa bor. Qoʻshma korxonalardan Koreya Respublikasi bilan hamkorlikdagi "Husayn Mirzo", "Kabul—Nurafshon LTD" ip yigiruvtoʻquv, Oʻzbekiston — Turkiya "Bursel" (erkaklar koʻylaklari tikiladi) qoʻshma korxonalar mashhur. Nurafshonda 200 dan ortiq davlat va xususiy tijorat korxonalari faoliyat koʻrsatadi. 4 umumiy taʼlim maktabi, kattalar va bolalar kutubxonalari, madaniyat uyi, 3 kasalxona, 3 poliklinika bor.

Transporti

Nurafshon avtomobil yoʻllari orqali Toshkent shahri va boshqa shaharlar bilan bogʻlangan. T. yaqinidan Toshkent — Angren temir yoʻl oʻtadi. Shaharning jan.gʻarbida Tuyaboʻgʻiz suv ombori ("Toshkent dengizi") joylashgan.