Sigrid Undset
| Sigrid Undset | |
|---|---|
| Sigrid Undset | |
 | |
| Tavallud sanasi | 20-may 1882[1][2] |
| Vafot sanasi | 10-iyun 1949[3][1] |
| Fuqaroligi | Norvegiya |
| Asarlari tili | Norveg tili[1] |
Sigrid Undset (1882.20.5, Kalunborg , Daniya — 1949.10.6, Lillexammer, Norvegiya) — Norvegiya adibasi. Dastlabki asari — "Baxtli devor" (1906, hikoyalar toʻplami). "VigaLyot va Vigtis" (1909) romani tarixiy motivlarga taqlidan yozilgan. "Yenni" romani yosh ayolning oʻzidan katta erkak va uning oʻgʻliga boʻlgan fojiali muhabbati haqida. Bu avtobiografik roman U.ning muvaffaqiyatli chiqqan ilk asari hisoblanadi.
1912—20 yillarda U. hikoyalar toʻplami va "Bahor" romanini, "Koʻzgudagi aks" qissalar toʻplamini nashr ettirgan. Romanda nikoxdagi kelishuvchilik zinodan koʻra koʻproq baxtsizlik keltiradi, degan fikrni ilgari surgan. Tarixiy mavzudagi "Lavrans qizi Kristin" ("Toj", 1920; "Beka", 1922; "Xoch", 1922) trilogiyasida 14-asrda Norvegiyada kechgan voqealar aks etgan. Asarda boy yer egasining magʻrur va goʻzal qizi oʻziga nomunosib odamga turmushga chiqqach, muhtojliklar va baxtsizliklarga duchor boʻlib, oxiri oʻlat kasalligidan vafot etadi. U.ning tarixiy mavzudagi "Eudun oʻgʻli Olaf" (1—4j., 1925 — 27) romani Olaf haqidagi saga asosida yozilgan. Nobel mukofoti laureati (1928)[4].
Manbalar[tahrir | manbasini tahrirlash]
- ↑ 1,0 1,1 1,2 (unspecified title)
- ↑ (unspecified title)
- ↑ // (unspecified title)
- ↑ OʻzME. Birinchi jild. Toshkent, 2000-yil
 |