Odysseas Elytis

Vikipediya, ochiq ensiklopediya

Elitis Odiseas (taxallusi; asl ismi Alepudelis) (1911.2.11, Krit oroli) — gretsiyalik shoir. Afina universitetining huquqshunoslik ftida oʻqigan (1930—35). Dastlabki sheʼrlari demotika — jonli muloqot tilida yozilgan. Yoshlik va nurafshonlikning hissiy^dunyosi kuylangan "Quyosh podshohi" (1943) asari E.ni shodlik va ruhiy sogʻlomlik kuychisi, oʻz davrining koʻzga koʻringan lirik shoiri sifatida elga tanitgan. 2-jahon urushi qatnashchisi. Urush davrida orttirgan tajribasi asosida "Alban kampaniyasida halok boʻlgan kichik leytenantga bagʻishlangan va gʻamginlik qoʻshigʻi" (1943) nomli asari dunyoga kelgan. Asar syurrealistik uslubda yozilgan boʻlib, urush davri Gretsiya yoshlari orasida keng shuhrat qozongan. E. urushdan soʻng Afina radiosida ishlagan. 1948 yil Parijga borib, Sorbonna untida adabiyotdan saboq olgan, shuningdek, tasviriy sanʼat va sanʼatshunoslik bilan qiziqqan, maqolalar yozgan. Gretsiyaga qaytib, yana radioda ishlagan. "Mariya Nefeli" dostoni (1978) mashhur. Nobel mukofoti laureati (1979)[1].

Manbalar[tahrir]

  1. OʻzME. Birinchi jild. Toshkent, 2000-yil