Odil Ahmedov

Odil Ahmedov
Shaxsiy maʼlumot
Toʻliq ismi	Ahmedov Odil Olimjonovich
Tavallud sanasi	25-noyabr 1987-yil (1987-11-25)
Tavvalud joyi	Namangan, Oʻzbekiston,
Boʻyi	180 sm
Ampluasi	yarimhimoyachi
Yoshligida aʼzo boʻlgan klublar
	Uzbekistan Navbahor Uzbekistan Lokomotiv Toshkent
Professional klublar1
Yillar	Klub	Isht. (Gol)*
2006—2011 2011-2014 2014-2016 2017-2020 2020-2021 2021	Uzbekistan Paxtakor Russia Anji Russia Krasnodar China Shanhay → CHN Tyantszin Teda CHN Tsanchjou Mayti Layons	102 (16) 86 (3) 67(5) 64 (9) 5 (0) 0 (0)
Milliy terma jamoa
2007-2021	UZB U-19 UZB U −20 UZB U-23 Uzbekistan milliy termasi	11 (4) 6 (1) 6 (3) 73 (14)
Xalqaro medallar
1 Professional klublardagi gollari (ichki chempionat) uchun. * Ishtiroklari (Gollari)

Odil Olimjonovich Ahmedov (1987-yil, 25-noyabr; Namangan, Oʻzbekiston) — Oʻzbekistonlik futbolchi. Ampluasi yarimhimoyachi, asosan markaziy va tayanch yarimhimoyachisi sifatida oʻynaydi. Oʻzbekiston milliy terma jamoasi va Xitoyning „Shanhay“ klubi sobiq futbolchisi.

Biografiyasi va karyerasi

Ilk yillari

Odil Ahmedov 1987-yilning 25-noyabr kuni Namangan shahrida tugʻilgan. 2000-yillarning boshida „Navbahor“ va Toshkentning „Lokomotiv“ futbol klublari akademiyasida tahsil olgan. Keyinroq Toshkentning „Paxtakor“ klubi oʻrinbosarlar tarkibida oʻynashni boshlagan.

„Paxtakor“ safida

2006-yilda Rossiyalik taniqli futbol mutaxassisi — Valeriy Kuzmich Nepomnyashiy „Paxtakor“ bosh murabbiyi etib tayinlanadi. Aynan Valeriy Nepomnyashiy Odil Ahmedovning oʻrinbosarlar jamoasidagi oʻyinini kuzatib uni „Paxtakor“ bosh jamoasiga jalb qiladi va shu bilan Ahmedovning „Paxtakor“dagi faoliyati boshlanadi. Uning „Paxtakor“ safidagi ilk debyut oʻyini oʻsha yilning 16-may kuni „Qizilqum“ jamoasiga qarshi boʻldi. „Paxtakor“ safidagi ilk mavsumidayoq Oʻzbekiston chempionligini va Oʻzbekiston kubogini qoʻlga kiritadi.

2007-yilgi mavsumda Ahmedov „Paxtakor“ bilan yana Oʻzbekiston chempionligini, Oʻzbekiston kubogini va sobiq SSSR tarkibiga kirgan davlatlar, hozir esa MDHga aʼzo davlatlar ishtirok etadigan Hamdoʻstlik Chempionlari Kubogini qoʻlga kiritadi. Oʻsha mavsumda, „Paxtakor“ Hamdoʻstlik Chempionlari Kubogi finalida Latviyaning „Ventspils“ klubini penaltilar seriyasida 9:8 hisobida magʻlubiyatga uchratib kubokka ega chiqqan edi.

2008-yilgi mavsumda „Paxtakor“ bilan Oliy Ligada ikkinchi, Oʻzbekiston Kubogi va Hamdoʻstlik Chempionlari Kubogi finaligacha yetib keladi va har ikki finalda imkoniyatni boy berib kumush medallarni qoʻlga kiritadi. Oʻshanda „Paxtakor“ Oʻzbekiston Kubogida „Bunyodkor“ga, Hamdoʻstlik Chempionlari Kubogi finalida esa Ozarbayjonning „Hazar-Lenkoran“ klubiga 4:3 hisobida yutqazgan edi.

Faoliyatini yakunlashi

2021-yil 18-dekabrda"Odil Ahmedov: „Orzuning shonli yo‘li“ kitobining taqdimot marosimini oʻtkazdi va unda futbolchilik faoliyatini tugatganini rasman eʼlon qildi. Shu yil 25-dekabr kuni Oʻzbekiston Futbol Federatsiyasi vitse-prezidenti etib saylandi.

Yutuqlari

Jamoaviy

„Paxtakor“

• Oʻzbekiston Chempioni: 2006, 2007
• Oʻzbekiston chempionati kumush medallari sohibi: 2008, 2009, 2010
• Oʻzbekiston Kubogi sohibi: 2006, 2007, 2009
• Oʻzbekiston Kubogi finalchisi: 2008
• Hamdoʻstlik Chempionlari Kubogi sohibi: 2007
• Hamdoʻstlik Chempionlari Kubogi finalchisi: 2008

„Anji“

• Rossiya Premyer-Ligasi bronza medallari sohibi: 2012/2013

„Krasnodar“

• Rossiya Kubogi finalchisi: 2013/2014
• Rossiya Premyer-Ligasi bronza medallari sohibi: 2014/2015

Shaxsiy

• Oʻzbekistonda yilning eng yaxshi futbolchisi: 2009, 2011, 2014
• „Anji“ futbol klubida yilning eng yaxshi futbolchisi: 2011
• „Krasnnodar“ futbol klubida mavsumning eng yaxshi futbolchisi: 2014/2015
• 2020 yilda „O‘zbekiston Respublikasida xizmat ko‘rsatgan sportchi“ faxriy unvoni bilan taqdirlanadi.

Oilasi

• Otasi Olimjon Ahmedov
• Akasi Yoqub Olimjonovich Ahmedov — oʻzbek aktyori, rejissyor va prodyuser
• Ukasi Azim Olimjonovich Ahmedov — futbolchi