Angliya

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish
Angliya Birlashgan Qirollik xaritasida

Ángliya (inglizcha: England) – Buyuk Britaniya va Shimoliy Irlandiya Qoʻshma Qirolligining eng katta qismi. Angliya Buyuk Britaniya katta orolining janubi-sharqini egallagan.

Buyuk Britaniyaning ma’muriy-siyosiy qismi, uning tarixiy oʻzagi. Buyuk Britaniya o.ning janubiy va oʻrta hududida joylashgan. Germaniyada yashagan va 5 – 6-asrlarda Yevropa qit’asidan orolga koʻchib borgan angllar qabilasidan Angliya nomi kelib chiqqan. Keng ma’noda koʻpincha Buyuk Britaniya va Shimoliy Irlandiya Qoʻshma qirolligini Angliya deb ataydilar. Maydoni 131 ming km², aholisi – 56 mln. kishidan ortiq (2019). Buyuk Britaniya butun maydonining 54% va aholisining 80%dan koʻprogʻi. Angliya 39 graflik, 6 metropoliya grafligi va katta Londonga boʻlinadi. Londonning alohida boshqaruv tizimi bor: uning 28 okrugidan har birida kengash mavjud. Londondagi ijroiya hokimiyatini lord-mer amalga oshiradi. Angliya – iqtisodiy jihatdan Buyuk Britaniyaning eng rivoj-langan boʻlagi. Mamlakatning an’anaviy sanoat tarmoqlari: konchilik (toshkoʻmir, temir ruda), kora metallurgiya, metallsozlik, kimyo, toʻqimachilik, oziq-ovqat sanoati asosiy markazlari shu yerda joylashgan. Mashinasozlik (avtomobilsozlik, aviasozlik, stanoksozlik, asbobsozlik), elektr va radiotexnika, atom sanoati ham yaxshigina rivojlangan. Angliyada mamlakatning eng katta sanoat markazlari: London, Birmingem, Liverpul va boshqa joylashgan. Buyuk Britaniya jami ekinzorlarining salkam 70% Angliyaga toʻgʻri keladi. U sut chorvachiligi, sabzavotchilik va bogʻdorchilikning asosiy maskani hamdir. Angliyada transport tarmogʻi qalin, uning portlari (London, Liverpul, Sautxempton va boshqalar) orqali mamlakat yuk aylanmasining 80%dan koʻprogʻi oʻtadi. Yana qarang Buyuk Britaniya.[1]

Manbalar[tahrir | manbasini tahrirlash]

  1. OʻzME. Birinchi jild. Toshkent, 2000-yil