Shavkat Mullajonov

Shavkat Mullajonov
Shaxsiy maʼlumot
Toʻliq ismi	Shavkat Mullajonov
Tavallud sanasi	19-yanvar 1986-yil (37 yosh)
Tavallud joyi	Zarafshon, Oʻzbek SSR, SSSR
Boʻyi	1.80 m
Ampluasi	Himoyachi
Klub maʼlumoti
Joriy klub	UZB Lokomotiv
Raqami	35
Yoshligida aʼzo boʻlgan klublar
	UZB Qizilqum
Professional faoliyati*
Yillar	Jamoa
2004—2007; 2007—2008; 2009; 2010; 2010; 2011—2012; 2012—2013; 2013; 2014; 2014—h.h	UZB Qizilqum; UZB Olmaiq; UZB Paxtakor; UZB Qizilqum; UZB Olmaliq; QAT Al Ahli; KSA Al-Nassr; CHN Liaoning Whowin; UZB Olmaliq; UZB Lokomotiv
Milliy terma jamoa
2010—h.h	UZB Oʻzbekiston
	*Professional klublardagi gollari (ichki chempionat)

Shavkat Mullajonov 1986-yil 19-yanvarda Zarafshon shahrida tugʻilgan. Ampluasi himoyachi Toshkentning Lokomotiv klubi hamda Oʻzbekiston milliy terma jamoasi aʼzosi hisoblanadi.

Faoliyati[tahrir | manbasini tahrirlash]

Shavkat Mullajonov professional futboldagi ilk faoliyatini 2004-yili oʻz tugʻilib oʻsgan ona shahri Zarafshonning Qizilqum tarkibida boshlagan. Shavkat “konchilar” tarkibida 2007-yilgacha oʻynaydi. 2007-yilning yozida u Olmaliqning Olmaliq futbol klubiga kelib qoʻshiladi.

U 2009-yili Toshkentning Paxtakor klubi murabbiyining eʼtiboriga tushadi va 2009-yili Paxtakorga keladi. Ammo, u Paxtakor safida zaxirada qolib ketadi va 2010-yili yana Qizilqum klubiga qaytadi. Qizilqum tarkibida bitta oʻyinda maydonga tushib keyin yana Olmaliqqa qaytadi. Oʻsha mavsumda u 25ta oʻyinda Olamliq tarkibida toʻp suradi.

Shavkat Mullajonov 2011-yilgi Qatarda boʻlib oʻtgan Osiyo kubogi musobaqasida Oʻzbekiston terma jamoasi tarkibida oʻynaydi. Osiyo kubogidan soʻng u Qatarning Al Ahli klubining diqqatini oʻziga tortadi. Shavkat Mullajonov Al Ahli klubida jamoaning haqiqiy lideriga aylanadi va jamoaning asosiy tarkibidan maydonga tusha boshlaydi. Bir yarim yil Al Ahli tarkibida toʻp surib 30ta oʻyinda maydonga tushgan.^[1]

2012-yil boshidan Ar-Riyodning Al-Nassr klubi uni safiga qoʻshishni istaydi va tez orada u Al-Nassr tarkibiga qoʻshiladi. Al-Nassr tarkibida 12ta ucrashuvda maydonga tushadi. Shundan keyin, 2013-yilning oʻrtalarida u Xitoyga keladi va Shenyan shahri klubi Liaoning Whowin bilan shartnoma imzolaydi. Xitoy klubi tarkibida u bir mavsum oʻynab 20ta uchrashuvda klub sharafini himoya qiladi.^[2]^[3]

2014-yili u Oʻzbekistonga qaytadi va Olmaliq klubi safiga qoʻshiladi u yerda yarim mavsum oʻynaydi. Keyinroq Toshkentning Lokomotiv klubiga keladi va to bugungi kunga qadar ushbu klubda oʻynaydi.

Terma jamoadagi faoliyati[tahrir | manbasini tahrirlash]

Terma jamoadagi ilk debyut uchrashuvini 2010-yil 10-avgustda Albaniya termasi bilan boʻlgan oʻrtoqlik uchrashuvida oʻtkazgan.

Osiyo kuboklari final bosqichlari oʻyinlarida 2011-yili 3ta oʻyinda maydonga tushib chorak final ishtirokchisi boʻlgan boʻlsa 2015-yilgi chempionatda 4ta oʻyinda terma jamoa sharafini himoya qildi.