Aziz Ibragimov

Aziz Ibragimov
Shaxsiy maʼlumot
Toʻliq ismi	Aziz Shokirovich Ibragimov
Tavallud sanasi	1986-yil 21-iyul (39 yosh)
Tavallud joyi	Toshkent, Oʻzbekiston SSR, SSSR
Boʻyi	1.82 m (5 ft 11 1⁄2 in)
Ampluasi	Hujumchi, yarim himoyachi
Professional faoliyati*
Yillar	Jamoa
2004—2005	Traktor
2005	Shoʻrtan
2006	Mashʼal
2007—2008	Slovan Bratislava
2008—2011	Bohemians 1905
2011—2012	Qingdao Hainiu F.C.
2013	FK Baník Most
2013	SK Dynamo České Budějovice
2013—2014	Bohemians Prague
2014	Andijon
2015	Dinamo Samarqand
2015—2017	Buxoro
2017	Machine Sazi F.C.
2017	FK Spartaks Jūrmala
2018	Buxoro
2019	Navbahor
2020	Surxon
2022	Turon
Milliy terma jamoa
2007—2015	Oʻzbekiston
	*Professional klublardagi gollari (ichki chempionat)

Vikipediyada ismi Aziz va familiyasi Ibragimov boʻlgan boshqa kishilar haqida ham maqolalar mavjud.

Aziz Shokirovich Ibragimov (1986-yil 21-iyulda Toshkentda tugʻilgan) – oʻzbekistonlik sobiq futbolchi, yarim himoyachi va hujumchi sifatida oʻynagan. Xalqaro maydonda 2007—2015-yillarda Oʻzbekiston terma jamoasi sharafini himoya qilgan^[1].

Biografiyasi

Aziz Ibrohimov 1986-yil 21-iyulda Sovet Oʻzbekistoni poytaxti Toshkent shahrida tugʻilgan. 8 yoshida futbol oʻynay boshlagan. Dastlabki yillarida u jang sanʼatlariga qiziqib, karate va taekvondo bilan shugʻullanishni orzu qilgan, ammo keyin orzulari oʻzgarib futbolga oʻtgan. Aziz Toshkentning „Paxtakor“ klubini futbol akademiyasida tahsil olgan, biroq keyinchalik ayrim muammolar tufayli „Tekstilshchik“ futbol maktabiga koʻchib oʻtishga majbur boʻlgan.

Futbolchilik faoliyati

Professional faoliyatini 2004-yilda Toshkentning sobiq „Traktor“ klubida boshlagan. 2005—2006-yillarda Qashqadaryoning „Shoʻrtan“ va „Mash’al“ jamoalarida toʻp surgan. 2007-08-yillarda Slovakiyaning „Slovan“ jamoasida oʻynagan. 2008-yildan 2011-yilgacha u Chexiyaning „Bohemians 1905“ jamoasida oʻynagan. 2008-09-yilgi mavsumda Bohemians 1905 tarkibida u ikkinchi kuchli Chexiya ligasi gʻolibiga aylangan.

2012-yilda u Xitoy Superligasining „Qingdao Zhongneng“ klubida oʻz faoliyatini boshlagan. Keyingi yillarda 2014-yilgacha Chexiyaning turli klublarida toʻp surgan. 2014/2016-yillarda Oʻzbekistonning „Andijon“, „Dinamo“ va „Buxoro“ klublarida futbolchilik faoliyati bilan shugʻullangan. 2017-yilning yanvar oyida Eronning „Mashin Sazi“ jamoasiga oʻtgan.

2021-yilda u nafaqaga chiqishini eʼlon qilgan^[2]. 2022-yil Yaypanning „Turon“ klubi taklifi bilan futbolchilik faoliyatini tikladi.

Terma jamoadagi faoliyati

2007-yildan 2011-yilgacha Oʻzbekiston terma jamoasida oʻynagan. 17 ta oʻyinda maydonga tushib, 3 ta golga mualliflik qilgan. Terma jamoa bilan birga 2007 va 2011-yillarda Osiyo Kubogida ishtirok etgan.

Yutuqlar

Slovakiya chempioni: 2008

Latviya chempioni: 2017

Faoliyat statistikasi

Terma jamoadagi gollari

№	Sana	Joy	Natija	Hisob	Turnir
1.	2007-yil 2-iyul	Paju, Janubiy Koreya	2—0	Won	Oʻrtoqlik uchrashuvi
2.	2007-yil 14-iyul	Kuala Lumpur, Malayzia	5—0	Won	Osiyo kubogi 2007
3.	2008-yil 2-iyun	Singapore, Singapur	7—3	Won	2010-yilgi jahon chempionati saralash

Shaxsiy hayoti

Aziz Ibragimov uylangan, ayni damda nafaqada farzand tarbiyasi bilan mashgʻul^[2]. Ukasi Iborohim Ibrohimov ham futbolchi boʻlib, Toshkentning „Paxtakor“ jamoasida oʻynaydi.

Manbalar

↑ „arxiv nusxasi“. 2022-yil 12-sentyabrda asl nusxadan arxivlangan. Qaraldi: 2022-yil 12-sentyabr.
1 2 Aziz Ibragimov futboldan ketdi! U endi boshqa ish bilan shugʻullanyapti

Havolalar

Aziz Ibragimov Transfermarkt saytida
Aziz Ibragimov NFT saytida
Aziz Ibragimov Soccerway saytida
Aziz Ibragimov Worldfootball saytida

[1] „arxiv nusxasi“. 2022-yil 12-sentyabrda asl nusxadan arxivlangan. Qaraldi: 2022-yil 12-sentyabr.

[a1-2] 1 2 Aziz Ibragimov futboldan ketdi! U endi boshqa ish bilan shugʻullanyapti

[1]

[2]