„Lokomotiv“ 2002-yilda tashkil etilgan[1]. 2002—2003-yillarda Oʻzbekiston birinchi ligasining ikkinchi bosqichida, 2004-2010 yillarda esa Oʻzbekiston Oliy ligasida oʻynagan[2][3]. 2009-yilgi mavsumda Vadim Abramov boshchiligidagi „Lokomotiv“ ligada 6-oʻrinni egalladi. 2010-yilda 13-oʻrinni egallab, Birinchi ligaga tushib ketdi. 2011-yilda yana Oʻzbekiston Ligasiga yoʻl oldi va Birinchi Liganing 2011-yilgi mavsumini 1-oʻrinda yakunladi.
2011-yil 12-dekabrda Xoren Oganesyan yangi bosh murabbiy etib tayinlandi[4].
2012-yilning iyun oyida Xoren Oganesyanning shartnomasi tugagach, klubni tark etdi va Ravshan Muqimov murabbiy etib tayinlandi. 2012-yilgi mavsum yakuniga koʻra klub Toshkentning „Paxtakor“ va „Bunyodkor“dan keyin 3-oʻrinni egalladi. Bu klubning ligadagi 2-eng yaxshi koʻrsatkichi boʻldi va birinchi marta 2013-yilgi Osiyo Chempionlar ligasida oʻynash huquqini qoʻlga kiritdi. 2013-yilgi Osiyo Chempionlar Ligasi saralash pley-off bosqichida Dubayning„Al Nasr“ klubiga qarshi oʻyinda 3:2 hisobida magʻlub boʻldi va turnirning guruh bosqichiga chiqa olmadi.
2013-yilgi mavsumda klub oʻz tarixida ilk bor „Bunyodkor“dan keyin 2-oʻrinni egalladi va 2014-yilgi Osiyo Chempionlar ligasi pley-off bosqichiga yoʻl oldi. 2014-yilning 9-fevral kuni Osiyo Chempionlar ligasi saralash pley-off bosqichi doirasida „Al-Quvayt“ga qarshi oʻyinda 1:3 hisobida magʻlub boʻldi va turnirdagi ishtirokini yakunladi. 2014-yil 1-iyul kuni Oʻzbekiston kubogi yarim finalida „Lokomotiv“ „Paxtakor“ni ikki oʻyinda 3:2 hisobida magʻlub etdi va Kubok finalida „Bunyodkor“ga qarshi maydonga tushdi. 2014-yilning 12-noyabr kuni Olmaliqda boʻlib oʻtgan Kubok finalida „Bunyodkor“ni 1:0 hisobida magʻlub etdi va ilk bor kubokni qoʻlga kiritdi. Yagona gol 106-daqiqada yarim himoyachiJasur Hasanov tomonidan kiritildi. Oʻzbekiston ligasida klub 2014-yilgi mavsumni yana oʻtgan mavsumdagidek „Paxtakor“dan keyin ikkinchi oʻrinda yakunladi.
2015-yil 8-mart kuni „Paxtakor“ga qarshi Superkubok bahsida „Lokomotiv“ 4:0 hisobida gʻalaba qozondi va 2014-yilda „Bunyodkor“ga magʻlub boʻlganidan soʻng ilk Superkubokni qoʻlga kiritdi. 2016-yilgi Ligada gʻolib chiqdi va ketma-ket uch mavsum ikkinchi oʻrinni egallaganidan soʻng, oʻz tarixida birinchi marta chempion boʻldi[5]. 2017-yilda ikkinchi[6] dublni amalga oshirib[7], ikkinchi marta chempionlik va kubokni qoʻlga kiritdi. 2018-yilda ketma ket 3-bor mamlakat chempionligini qoʻlga kiritdii[8].
Klub tashkil etilgan vaqtida oʻz uy uchrashuvlarini Toshkent temir yoʻl transporti muhandislari instituti stadioni TTYMI stadionida oʻtkazdi. 2009-yilda "Lokomotiv Toshkentning „Traktor“ stadioni oʻrnida yangi 8000 oʻrinli arena, „Lokomotiv“ stadioni qurilishini boshladi va 2012-yil bahorida taʼmirlash ishlari yakunlandi. Sport majmuasi tarkibida sport inshootlari, mehmonxona va 270 oʻrinli avtoturargoh mavjud.[13] Yangi stadion 2012-yilning 11-may kuni Oʻzbekiston Oliy ligasining rasmiy 2012-yilgi „Lokomotiv“ – „Andijon“ uchrashuvi bilan ochilgan edi. Hozirda „Lokomotiv“ oʻz uy uchrashuvlarini „Lokomotiv“ stadionida ham oʻtkazmoqda.TTYMI stadionida esa Lokomotiv Yoshlar jamoasi tarkibi va ayollar jamoasi oʻz uy uchrashuvlarini oʻtkazmoqda[14][15].
„Lokomotiv“ futbol klubi homiysi „Oʻzbekiston temir yoʻllari“ milliy temir yoʻl tashuvchisidir. „Lokomotiv“ futbolkalari 2013-yilgacha ishlab chiqaruvchi Adidas tomonidan ishlab chiqarilgan. 2013-yilning fevral oyida klub Joma bilan klubning yangi forma ishlab chiqaruvchisi sifatida shartnoma imzolagani maʼlum boʻldi.
Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.
.png)
Ravshan Bozorov
Jerome Etame
Rustam Soirov
Al-Nasr
Al-Kuwait
Al-Hilal[9]
Foolad
Al-Sadd
