Oʻzbekiston kommunal, maishiy va savdo sohasida xizmat koʻrsatgan xodimi

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish
„Oʻzbekiston Respublikasida kommunal, maishiy va savdo sohasida xizmat koʻrsatgan xodim“ faxriy unvoni
Oʻzbekiston kommunal, maishiy va savdo sohasida xizmat koʻrsatgan xodim.jpg
Mamlakat Oʻzbekiston
Turi faxriy unvon
KimgaTopshiriladi Oʻzbekiston fuqarolariga
Taqdirlash asosi aholiga xizmat koʻrsatish ishini yaxshilashda alohida xizmat koʻrsatgan xodimlarga
Holati topshiriladi
Statistika
Taʼsis sanasi 1996-yil 26-aprel

„Oʻzbekiston Respublikasida kommunal, maishiy va savdo sohasida xizmat koʻrsatgan xodim” faxriy unvoni — uy-joy kommunal xoʻjaligi, aholiga maishiy xizmat koʻrsatish, savdo va umumiy ovqatlanish korxonalari, birlashma, tashkilot va muassasalarining aholiga xizmat koʻrsatish ishini yaxshilashda alohida xizmat koʻrsatgan xodimlariga beriladi[1].

Tavsifi[tahrir | manbasini tahrirlash]

Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.

Nishonning hoshiyalangan tekis yuz tomonida oʻrtaroqda aholiga kommunal, maishiy va savdo xizmati koʻrsatishning ramz sifatida markazi bir-u, radiuslari har xil uchta aylana, pastki oʻng chekkasida dafna novdasi tasvirlangan. Nishonning aylanasi boʻylab “KOMMUNAL, MAISHIY VA SAVDO SOXASIDA XIZMAT KO’RSATGAN XODIM” degan yozuv ikki qator boʻlib joy olgan. Nishonning orqa tomonida Oʻzbekiston Respublikasining Davlat gerbi tasvirlangan.Tasvirlar va yozuv qabariq.

Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga xalqa va ilmoqcha yordamida ulanadi.

Manbalar[tahrir | manbasini tahrirlash]