Oʻzbekiston belgisi
| „Oʻzbekiston belgisi“ koʻkrak nishoni | |
|---|---|
 | |
| Turi | koʻkrak nishoni |
| Taqdirlash asosi | Vatanimiz obroʻsini, shon-shuhrati va sharafini yuksaltirish yoʻlida xizmat qilayotgan, Oʻzbekistonda kelajagi buyuk davlat barpo etishda hamda mamlakatimiz ichki va tashqi hayotida faol ishtirok etayotgan fuqarolar taqdirlanadilar. |
| Mamlakat |
 Oʻzbekiston |
| Holati | topshiriladi |
| Taʼsis etilgan sanasi | 1997-yil 27-iyul. |
„Oʻzbekiston belgisi“ koʻkrak nishoni — milliy maʼnaviyatimiz, madaniy merosimiz va umuminsoniy qadriyatlar zaminida yuksak vatanparvarlik tuygʻusini va mehnatsevarlik fazilatlarini oʻzida mujassamlashtirgan, Vatanimiz obroʻsini, shon-shuhrati va sharafini yuksaltirish yoʻlida xizmat qilayotgan, Oʻzbekistonda kelajagi buyuk davlat barpo etishda hamda mamlakatimiz ichki va tashqi hayotida faol ishtirok etayotgan fuqarolarni ragʻbatlantirish maqsadida taʼsis etilgan[1][2].
Tavsifi
[tahrir | manbasini tahrirlash]- „Oʻzbekiston belgisi“ koʻkrak nishoni 1,0 mikron qalinlikdagi oltin bilan qoplangan 925 probali kumushdan tayyorlanadi va diametri 22 millimetrni tashkil etadigan halqadan iborat boʻladi.
- Nishonning markazida mustaqillik ramzi — kumush tusdagi Humo qushi tasviri aks ettiriladi. Humo qushi ortidagi rangli emal bilan ishlangan fon Oʻzbekistonning goʻzalligi va boyligini ifodalaydi. Yuqorida, Humo qushining tepasida Oʻzbekiston Davlat gerbining ramzi — musamman aks ettiriladi. Uning markazida diametri 2,5 millimetrli fianit kristali joylashtiriladi. Humo qushini dafna novdalari oʻrab turadi.
- Belgining ostki qismida, Humo qushining tagidagi oq fonda „OʻZBEKISTON“ yozuvi bitilgan Oʻzbekiston Respublikasining bayrogʻi aks ettiriladi. Harflarning balandligi 0,8 millimetr.
- Nishonning orqa tomoni tekis boʻlib, oʻrtasida burab mahkamlanadigan murvati bor. Uning pastki qismida nishonning tartib raqami 1,0 millimetrli harflar bilan bitib qoʻyiladi.