Paul Karrer
KARRER (Karrer) Paul (1889.21.4 - Moskva — 1971.18.6) — shveysar organik kimyogari va biokimyogari. Syurix universiteti professori (1918-yildan), shu universitet rektori (1950—52), faxriy professor (1959-yildan). Asosiy ilmiy ishlari karotinoidlar, flavinlar va vitaminlarga oid. Likopin S40R56ning (13 qoʻshbogʻli) tuzilishini aniqlagan (1911), shuningdek, karotinni xromatografiya usuli bilan optik taʼsirchan a va optik taʼsirchan boʻlmagan (3-izomerga ajratgan. a- va r-tokoferollarni (Ye vitamini) sintez qilgan (1938). K, vitaminining struktura formulasini topgan (1939). S-toksiferin, S-digidrotoksiferin, S-kurarin, S-kolebassining tuzilishini aniqlagan (1961). Nobel mukofoti laureati (1937, ingliz olimi U.Xouors bilan hamkorlikda).[1]
Manbalar[tahrir | manbasini tahrirlash]
 |
 |
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
