Dushanbe

Vikipediya, ochiq ensiklopediya
Shahar
Dushanbe
toj. Душанбе Душанбе
Gerb
Gerb
Mamlakat Tojikiston
Koordinatalari 38°34′23″N 68°47′11″E / 38.57306°N 68.78639°E / 38.57306; 68.78639Koordinatalari: 38°34′23″N 68°47′11″E / 38.57306°N 68.78639°E / 38.57306; 68.78639
Hukumat raisi Maxmadsaid Ubaydulloyev
Asos solingan XVII
Ilk eslatilishi [[1676 [1]]]
Avvalgi nomlari Dushanbe (1924—1929),
Stalinobod (1929—1961)
Qachondan beri shahar 1925
Maydoni 126,6 km²
Markazi balandligi 706 m
Rasmiy tili tojikcha
Aholisi 764 300[2]
Zichlik 5905 kishi/km²
Aglomeratsiya 1 029 000 (2013)
Milliy tarkibi tojiklar, o'zbeklar, ruslar
Vaqt mintaqasi UTC+5
Telefon kodi +992 37
Pochta indeksi 734000
Avtomobil kodi СБ, ДБ (1959—1991)
(1999-2009) 01РТ
2009-yil 01TJ
Rasmiy sayti http://www.dushanbe.tj
Dushanbe (Tojikiston)
Dushanbe toj. Душанбе

Dushanbe (toj. Душанбе, fors. دوشنبه) — Tojikistonning poytaxti va eng katta shahri. Dushanbeda toʻrtta shahar tumani bor. 1929-yilgacha Dushanbening nomi Dushambe boʻlgan. 1929-yildan 1961-yilgacha Stalinobod deb atalgan. „Dushanbe“ soʻzi fors-tojikcha „dushanba“ degani. Shaharning bunday atalishiga sabab shahar joylashgan yerda dushanba kuni katta bozor ochiladigan qishloq boʻlgan.

Tarixi[tahrir]

Dushanbe dastlab Varzob daryosining boʻyidagi uchta kichik yondosh qishloq — Sariosiyo, Shohmansur va Dushanba oʻrnida paydo boʻlgan. Bu uch qishloqning eng yirigi Dushanba qishlogʻi boʻlgan. Shahar hududidan yunon-baqtriya davri (eramizdan avavvalgi 2-asr)ga oid arxeologik yodgorliklar topilgan. Qoʻlyozmalarda Dushanba qishlogʻi 17-asr boshidan tilga olingan. Dushanbe 1924-yidan Tojikiston Muxtor respublikasi poytaxti boʻlgan. 1925-yil Dushanbega shahar statusi berilgan.

Geografiyasi[tahrir]

Dushanbeni Varzob daryosi shimoldan janubga, Kofarnihon daryosi sharqdan gʻarbga kesib oʻtadi.

Iqlimi[tahrir]

Dushanbening iqlimi kontinental. Yanvarning oʻrtacha hararoti −0,6-9 °C, iyulniki 19.4-35.6 °C. Dushanbeda yiliga 625-630 mm yogʻin yogʻadi. Dushanbe Hisor vodiysida, Varzob daryosining dengiz sathidan 750-930 metr balandlikdagi keng terrasalarida joylashgan.

Hududiy boʻlinishi[tahrir]

Dushanbe shahrining hududiy boʻlinishi

2013-yil 18-iyulda Dushnabe shahrining maydonini uch baravarga kattalashtirish qarori qabul qilindi[3]. Dushanbe shahri toʻrt tumanga boʻlinadi. Har bir tumanning oʻz maʻmuriy boshqarmasi mavjud.

Tumanlari
  • Ismoil Somoniy tumani
  • Sino tumani
  • Firdavsiy tumani
  • Shohmansur tumani
Tuman nomi Avvalgi nomi Maydoni,
km²
Aholisi,
kishi (2011)
Tuman raisi
1. Ismoili Samoniy Oktabrskiy 25,8 131 600 Qurbonov Alamxon Jamilovich
2. Sino Frunzenskiy 43,8 285 400 Safarov Zafar Abdulloyevich
3. Firdavsiy Sentralniy 29,1 183 300 Aleyev Saidnuriddin Akromovich
4. Shohmansur Jeleznodorojniy 27,9 147 300 Boboyev Samandar Boboyevich

Demografiyasi[tahrir]

Dushanbening aholisi 1926-yil 5,600 kishi boʻlgan[4]. 1997-yil aholi soni 512,500 boʻlgan. 2008-yil aholi soni 679,400 boʻlgan.1 aprel 2014 yilga kelib aholi soni 778,500 kishiga yetgan[5].

Iqtisodi[tahrir]

Dushnabe. Prezident qasri

Dushanbe — Tojikistonning yirik sanoat markazi. Shaharda respublika sanoat ishlab chiqarishining qariyb 1/3 qismi joylashgan. Mashinasozlik va metallsozlik sanoati, toʻqimachilik mashinasozligi, qishloq xoʻjaligi mashinasozligi, savdo mashinasozligi, roʻzgʻor sovitkichlari, armaturalar, „Tojikkabel“, yoʻl qurish mashinalari remonti zavodlari mavjud. Qurilish materiallari (sement, yogʻochsozlik korxonalari, temir-beton konstruksiyalar zavodi) ishlab chiqariladi.

Shahar sanoatida yengil (tikuvchilik, poyabzal, ip-gazlama, trikotaj, shoyi fabrikalari) va oziq-ovqat, (sut kombinati, qandolatchilik, tamaki fabrikalari, vino, pivo, non, yogʻ-moy zavodlari) sanoati korxonalari ham salmoqli oʻrin tutadi.

Dushanbeni Dushanba-Vaxsh energetika sistemasi (shahar issiqlik elektr markazi, Norak, Perepadnaya, Markaziy, Bosh GESlar va Varzobdagi GESlar) elektr energiya bilan taʼminlab turadi.

Katta bozorlar[tahrir]

  • Shohmansur[6]
  • Safariyon
  • Korvon
  • Sultoni Kabir
  • Sakhovat
  • Jal-Jam
  • Farovon

Transporti[tahrir]

Dushanbe shahri bir necha temir yoʻl va shosse yoʻllar tugunidir. Dushanbe xalqaro aeroporti shaharga xizmat koʻrsatadi. Shahar ichida avtobus va trolleybus qatnaydi.

Taʼlimi[tahrir]

Dushanbe 20-asr oʻrtalaridan yirik ilmiy va madaniy markazga aylandi. Shaharda Tojikiston Respublikasi fanlar akamdeiyasi va ilmiy tadqiqot institutlari ishlab turibdi. Dushanbeda oʻndan oshiq oliy oʻquv yurti, bir qancha oʻrta maxsus oʻquv yurtlari, hunar-texnika bilim yurtlari, litsey va kollejlar mavjud.

Madaniyati[tahrir]

Dushnabe
Dushnabe. N.Qaroboev khiyoboni
Dushnabe. Rudakiy khiyoboni

Keyingi yillarda Dushanbeda koʻplab chiroyli maʼmuriy, oʻquv, madaniy va maishiy binolar (Hukumat uyi, Majlisi Oliy, „Tojikkonsert“, Borbad nomidagi kinokonsert zali, „Dushanba“, „Tojikiston“ mehmonxonalari, Tojikiston davlat milliy universiteti, aerovokzal, „Rohat“, „Saodat“ choyxonalari, „Sadbarg“ maishiy xizmat uyi, Kasaba uyushmalari Saroyi, yozuvchilar uyi) va koʻp qavatli turar joy binolari qurilgan.

Dushanbeda yetti teatr (Sadriddin Ayniy nomli Akademik opera va balet teatri, A. Lohutiy nomli Tojikiston akademik drama teatri va boshqalar), filarmoniya, sirk, bir necha kinoteatr, „Tojikfilm“ kinostudiyasi, Firdavsiy nomli milliy kutubxona, fanlar akdemiyasining markaziy ilmiy kutubxonasi, A. Lohutiy nomli shahar markaziy kutubxonasi, qariyb 180 jamoat kutubxonasi, 7 muzey, Xalq xoʻjaligi yutuqlari koʻrgazmasi, radio, telemarkaz, respublika telegraf agentligi va boshqalar bor.

Dushanbeda poligrafiya kombinati, „Irfon“, „Adib“, „Maorif“, „Donish“, „Sharqi ozod“ nashriyotlari, Tojikiston ensiklopediyasi Bosh ilmiy tahririyati mavjud. Oʻttizga yaqin nomda tojik, oʻzbek, rus, ingliz va boshqa tillarda gazeta, oʻndan oshiq nomda jurnal nashr etiladi.

Shaharda 27 kasalxona, 60 vrachlik ambulatoriya-poliklinika muassasasi (shu jumladan 10 ta maxsus dispanser), 8 sanitariya-epidemiologiya stansiyasi, 5 stadion, sport saroyi, 7 suzish havzasi mavjud. Dushanbe atrofidagi (Hisor togʻlarining janubiy yon bagʻirlarida) manzarali togʻ daralarida dam olish uylari va sanatoriylar bor.

Shaharda Vaxdat, Gʻalaba, maydonlari, Ayniy nomidagi bogʻ bor. Tojik mumtoz adabiyoti aseoschisi Abu Abdullo Rudakiyga, Abu Ali ibn Sino va Sadriddin Ayniyga haykal oʻrnatilgan, Ayniy va Mirzo Tursunzodaga maqbara barpo qilingan. Dushanbeda yana botanika bogʻi, mineralogiya muzeyi va boshqalar bor.

Dushanbe Presidential Palace 01.jpg
Ayni Theatre in Dushanbe.JPG
Dushanbe government.jpg
Театр кукол в г. Душанбе.JPG
Millatlar qasri Opera va balet teatri Tojikiston hukumatni binolari Qugirchoq teatri

Manbalar[tahrir]

  1. http://visittajikistan.tj/ru/regions/dushanbe.php Официальный веб-сайт Государственного органа управления в сфере туризма Республики Таджикистан
  2. Агентство по статистике при Президенте Республики Таджикистан (01.01.2013). Численность населения Таджикистана на 1 января 2013 года. 2013-09-19.
  3. Территория столицы Таджикистана расширится втрое за счет прилегающих районов
  4. OʻzME. Birinchi jild. Toshkent, 2000-yil
  5. Душанбе — Неофициальный сайт Душанбе
  6. [http://news.tj/ru/news/v-dushanbe-na-krupneishem-rynke-shokhmansur-proizoshel-pozhar // Asia-plus

Havolalar[tahrir]