Yusuf surasi

Vikipediya, ochiq ensiklopediya
Jump to navigation Jump to search
Raʼd ←   12–sura  → Hud
Yusuf surasi — سورة يوسف
Qurʼon nusxalaridan biridagi Yusuf surasi sarlavhasi. Yuqorida oʻngdan: 1. Oyati 111, 2. Markazda qizil rangda sura tartib raqami 12, qora rangda - Yusuf surasi va Makkiy, qizil rangda nozil boʻlgan tartibi - 53, 3. Rukuʼsi soni - 12; Pastda oʻngdan: 1. Sura:Makkiy, 2. Tilovat tartibi:12, 3. Nozil boʻlish tartibi:53, 4. Rukuʼsi:12, 5. Oyati:111, 6. Porasi (Juzi):12-13 deb koʻrsatilgan.
Sura12.pdf
Suraning arabcha matni
Nomining maʼnosi Yusuf (nom)[1][2]
Tasnifi Makkiy sura[3]
Statistika
Sahifasi 235–248[4]
Juz 12-13
Sura raqami 12
Oyatlar soni 111
Sajda oyati yoʻq
Rukuʼlar soni 12[5]
Muqattaot harflari Alif, lom, ro.[6]
Soʻzlar soni 1795
Harflar soni 7125
Nozil boʻlish tartibi 53[7]
Arabcha matni ar.wikisource.orgda
tanzil.netda
Tarjimalari QuranAcademy.org
quran.uzda
Tilovat tartibi
Raʼd surasi  Keyingisi 12 Oldingisi  Hud surasi
Nozil boʻlish tartibi
Hijr surasi   Keyingisi 53 Oldingisi  Hud surasi
IslamSymbol.svg       Folder Hexagonal Icon.svg       Wiktionary-logo-ru.png       Wikiquote-logo.svg       Wikisource-logo.svg       Commons-logo.svg

Yusuf surasi (arab. سورة يوسف, nomining maʼnosi — Yusuf (nom)[8][9]) — Qurʼonning 12-surasi. Makkiy suralardan biri, 111 oyatdan iborat. Bu sura Qurʼonning 235–248[10]-sahifasida va 12-13-juzida joylashgan. 53-boʻlib nozil boʻlgan.

Asosiy maʼnosi[tahrir]

Ushbu surada asosan Allohning payg‘ambarlaridan Yusuf ibn Yaʼqubning hayoti zikr qilinib, u zotning boshiga tushgan balolar, og‘a-inilari va begonalardan ko‘rgan kulfatlari — chohga tashlanganlari, tuhmatga yo‘liqqanlari, zindonband bo‘lganlari... haqida va bunday og‘ir ko‘rgiliklarga sabr-toqat qilishlari natijasida oxir-oqibat zindon azobidan xalos qilinib, butun Misr zaminining mulku xazinasiga ega bo‘lganlari xususida so‘z boradi.

Bu sura Hud surasidan keyin — Muhammad alayhis-salom hayotlarining eng qora kunlarida — yaqinlari Hadicha va Abu Tolibdan ajragan, mushriklar tomonidan ozor- aziyatlar chekib qiynalib yurgan kezlarida nozil bo‘lgandir. Go‘yo Alloh taolo Oʻzining suyukli payg‘ambariga va qolaversa, u zotning barcha ummatlariga agar boshlariga tushgan baloyu kulfatlarga va diyonatsiz kimsalarning zulmu zo‘ravonliklariga sabr- qanoat qilib o‘zlarining Haq yo‘lidagi kurashlaridan tolmay, Allohning dinidan qolmay sobitqadam bo‘lsalar, Parvardigori olam ularni zulmatlardan va toru tanglikdan xalos qilib, nurli, baxt-saodatli kunlarga yetkazajagini uqtirayotgandek. Bu suraning nazmu uslubida o‘zgacha latofat, ayricha joziba mavjudki, islom olamidagi eng buyuk qalam ahllari undan mutaassir bo‘lib, sheʼru dostonlar bitganlar, ulamolar esa, bu sura xususida jild-jild kitoblar tasnif etganlar. Shunday asarlardan birida «Yusuf surasi jannat ahllari jannatda ham rohat bilan tilovat qilib yuradigan suralardandir», deyilgan bo‘lsa, yana birida: «Har Qanday g‘am-tashvishga botgan mahzun kishi Yusuf surasini eshitishi bilan orom-osoyish topur», deyiladi.

Manbalar[tahrir]

  1. ↑ Qurʼoni Karim tarjimasi va sharhi. Abdulaziz Mansur
  2. ↑ Qurʼoni Karim maʼnolari tarjimasi. Alouddin Mansur
  3. ↑ Qurʼonda koʻrsatilgan tasnif.
  4. ↑ 604 sahifali Qurʼonda.
  5. ↑ Yuqoridagi sura sarlavhasining tasviridan olingan.
  6. ↑ Qurʼondan koʻrilgan.
  7. ↑ Yuqoridagi sura sarlavhasining tasviridan olingan.
  8. ↑ Qurʼoni Karim tarjimasi va sharhi. Abdulaziz Mansur
  9. ↑ Qurʼoni Karim maʼnolari tarjimasi. Alouddin Mansur
  10. ↑ 604 sahifali Qurʼonda.
Keyingisi: Raʼd surasi Wikisource-logo.svg 12-sura — arabcha matni Oldingisi: Hud surasi 


"https://uz.wikipedia.org/w/index.php?title=Yusuf_surasi&oldid=2052464" dan olindi