Anvar Jabborov (futbolchi)

Vikipediyada Anvar ismli va Jabborov familiyali boshqa kishilar haqida ham maqolalar mavjud.

Anvar Jabborov

Shaxsiy maʼlumot
Toʻliq ismi	Anvar Ro‘ziyevich Jabborov
Tavallud sanasi	20-iyul 1963-yil (1963-07-20)
Tavallud joyi	Buxoro, Oʻzbekiston SSR
Boʻyi	182 cm (5 ft 11 1⁄2 in)
Ampluasi	Darvozabon
Klub maʼlumoti
Joriy klub	Faoliyatini yakunlagan
Raqami	Darvozabonlar murabbiyi
Yoshligida aʼzo boʻlgan klublar
	Paxtakor Yoshlar
Professional faoliyati*
Yillar	Jamoa	Isht.	(Gol.)
1981	Qarshistroy	7	(-?)
1983—1986	Zarafshon	92	(-35/5)
1987—1988	Kosonsoy	67	(-?/5)
1989	Yoshlik (Jizzax)	35	(-?/1)
1990	Nurafshon	4	(-?)
1990	Paxtakor	4	(-5)
1991	Navbahor	24	(-27/3)
1992	Paxtakor	30	(-28)
1993	Krivbas	1	(-1)
1993	Navbahor	8	(-12)
1994	Navro‘z	15	(-25/1)
1994	Kushon	?	(-?)
1995	Navro‘z	17	(-24)
1996	Progres	?	(-?)
1997	Navbahor	2	(-3)
1997	So‘g‘diyona	3	(-5)
1998	MHSK	4	(-12)
1999	Меtallurg (Bekobod)	2	(-3)
1999	Xorazm	5	(-6)
1999—2000	Vasko	?	(-?)
2000	Qizilqum	21	(-29)
2002	Surxon	4	(-12)
Milliy terma jamoa
1992	O‘zbekiston	3	(-4)
Boshqargan klublari
2009	Taraz
*Professional klublardagi gollari (ichki chempionat)

Anvar Ro‘zievich Jabborov (ruscha: Жаббаров, Анвар Рузиевич; 1963-yil 20-iyul, Buxoro) — o‘zbek futbolchisi va murabbiyi, darvozabon sifatida o‘ynagan.

Futboldagi faoliyati

Jamoalardagi faoliyati

Buxoroda tug‘ilgan. Futbolchilik faoliyatini 1981-yilda SSSR Ikkinchi ligasidagi „Qarshistroy“ klubi tarkibida boshlagan va klub safida 7 ta o‘yin o‘tkazgan. 1983-yilda ikkinchi liganing boshqa bir o‘zbek klubi „Zarafshon“ga o‘tib, to‘rt mavsum to‘p surgan. 1987-yilda „Kosonsoy“ tarkibiga kelib qo‘shilgan. 1989-1990-yillarda „Yoshlik“, „Nurafshon“ va „Paxtakor“ klublarini himoya qilgan. 1991-yili „Navbahor“ jamoasiga o‘tadi va SSSR Birinchi ligasidagi debyutini 6 aprel kuni safarda Kamishinning „Tekstilshchik“ jamoasiga qarshi birinchi davra uchrashuvida o‘tkazib, minimal hisobda mag‘lub bo‘ladi. Ushbu uchrashuvda Anvar Ro‘zievich asosiy tarkibda maydonga tushib, butun uchrashuvni o‘tkazadi. Futbolchi „Navbahor“ tarkibida 24 ta o‘yin o‘tkazib, 3 ta gol urishga erishgan.

O‘zbekiston mustaqillikka erishgach, poytaxtning „Paxtakor“ klubi safiga kelib qo‘shilgan va mamlakat chempionati Oliy ligasining birinchi qur’a (30 ta o‘yin) ishtirokchisiga aylangan. 1992/93-yilgi mavsumdagi qishki tanaffusda u „Krivbas“ga o‘tadi va 1993-yil 20-iyunda Premyer liganing 30-turida „Ternopil Niva“ga qarshi safarda o‘yin o‘tkazib 0:2 hisobda mag‘lub bo‘ladi. Bu uchrashuvda Jabborov 46-daqiqada Valeriy Vorobyov o‘rniga maydonga tushib bitta gol o‘tkazib yuboradi. Keyingi mavsumni ham „Krivbas“da boshlagan bo‘lsa-da, mavsumning birinchi qismida „Navbahor“ jamoasiga o‘tadi.

Jabborov 1994—1999-yillarda tez-tez klubini almashtirgan. Bu yillarda futbolchi „Navro‘z“, „Kushon“, „Navbahor“, „So‘g‘diyona“, MHSK, Bekobodning „Metallurg“ va „Xorazm“ klublarida to‘p surgan. 1999/2000-yilgi mavsumda Jabborov Hindistonning Goa shahri klubi „Vasko“ jamoasi darvozasini himoya qilgan. 2000-yilda O‘zbekistonga qaytib, mavsumning qolgan qismini „Qizilqum“da o‘tkazadi. U jamoaning asosiy darvozaboni bo‘lgan. Futbolchilik faoliyatini 2002-yilda „Surxon“ tarkibida yakunlagan. Jabborov ushbu jamoa libosi ostida to‘rtta o‘yin o‘tkazgan.

Jamoaviy faoliyati

Jabborov 1992-yil 17-iyun kuni O‘zbekiston milliy terma jamoasiga chaqirilib debyut o‘yinda Tojikiston bilan mehmonda 2:2 hisobda durang natija qayd etgan. Bu o‘yinda Jabborov asosiy tarkibda maydonga tushib uchrashuvni to‘liq o‘tkazgan. 1992-yilning iyun-iyul oylarida terma jamoa libosida uchta o‘rtoqlik uchrashuvi o‘tkazgan. Keyinchalik terma jamoa safida o‘ynamagan.

Murabbiylik faoliyati

Futbolchi sifatidagi faoliyati yakunlangach, murabbiylik faoliyatini boshlagan. Dastlab Toshkentning „Bunyodkor“ futbol maktabida darvozabonlar murabbiyi bo‘lib ishlagan. 2009-yilda Qozog‘istonning „Taraz“ klubi darvozabonlariga murabbiylik qilgan.

Havolalar

• Anvar Jabborov Ukr-footbal saytida
• Anvar Jabborov Upl saytida