Dinamo (futbol klubi, Samarqand)

Dinamo Samarqand FK
Toʻliq nomi	Dinamo Samarqand futbol klubi
Laqabi	Arslonlar Dinamochilar
Asos solingan	1960-yili
Stadion	Dinamo stadioni
Stadion hajmi	13,800
Prezidenti	UZB Furqat Rahimov
Murabbiyi	UZB Vadim Abramov
Sardori	UZB Obid Joʻraboyev
Homiysi	UZB AGROMIR BUILDINGS
Vebsayt	http://www.fcdinamo.uz/
Musobaqasi	Superliga
2022	14-oʻrin
Asosiy libosi Ikkinchi libosi Zaxira libosi

Dinamo (Samarqand) (English: FC Dinamo Samarqand, Tajik: Dastai Futboli Dinamo Samarqand) — futbol klubi, Oʻzbekiston Super Ligasi vakili. Dinamo Samarqand Professional Futbol Klubi hozirda Oʻzbekiston Super Ligasida qatnashadi. 2022-yilgi mavsumda jamoa 9-oʻrinni egallab turibdi.

Jamoa tarixi

Jamoaning vujudga kelishi

Maʼlumotlarga qaraganda, 1958-yilda Samarqandda barpo etilgan bir necha zavodning ishchilari birlashib shahardagi dastlabki jamoani tuzishgan. Ushbu yangi jamoa dastlab havaskorlardan tashkil topgan boʻlib, 1960-yili Samarqandda tashkil etilgan.. Shu yilning oʻzida esa Samarqand shahar rahbarlari, futbol mutasaddilarining jonkuyarligi, koʻrsatgan jonbozliklari evaziga jamoa tashkil etildi.

Jamoaning hozirgi nomiga bogʻliq maʼlumotlarga oʻtadigan boʻlsak, „Dinamo“ sobiq ittifoq davrida koʻngilli sport jamiyati nomi edi. Yoshi katta muxlislar yaxshi eslashadi, sobiq ittifoq chempionatida shu nom ostida koʻplab jamoalar toʻp surishgan. Xususan, oliy liganing oʻzida Kiyev, Moskva, Minsk va Tbilisi shaharlarining shu nomdagi klublari ishtirok etishardi.

Jamoa nomlari tarixi

Klub tashkil topganida yarim professional maqomiga ega edi, 2009-yildan jamoa Professional Futbol Klubi maqomini oldi. Jamoa nomlari bir-necha marotaba oʻzgargan. 2009-yili klub oʻzining tarixiy ismini qaytardi „Dinamo Samarqand“

yillar	Ism
1956-1961-yillar	Dinamo
1963-1966-yillar	Spartak
1967-yil	Soʻgʻdiyona
1968-1969-yillar	Samarqand
1970—1976-yillar	Spartak
1976-1991	Dinamo
1991-1992-yillar	Maroqand
1993-1997-yillar	Dinamo
1997-1998	Afrosiyob
1998-2000-yillar	Samarqand
2001-2008-yillar	Samarqand-Dinamo
2009-2016-yillar	Dinamo
2017-yildan beri	Dinamo Samarqand

SSSR Chempionatlarida

Jamoa tashkil etilgach, dastlab turli xil turnirlarda ishtirok etish bilan kifoyalandi. Dastlab jamoas SSSR 2-ligasida qatnashgan. 1968-yili SSSR Sovet Ittifoqi 2-Ligasida (Oʻrta Sharq Mintaqasi)dan sovrindorlar qatoridan joy olib, 2-Liganing asosiy turniriga yoʻllanmani qoʻlga kiritgan. Qator turnirlardagi kichik gʻalabalardan soʻng, futbolchilar jamoa tarkibidan muqim oʻrin egallashdi. Koʻp oʻtmay, klub Sobiq Ittifoq „B“ toifasidagi musobaqasida oʻz ishtirokini boshladi va 1964-yilga kelib „Dinamo“ turnirda 6 oʻrinni egalladi.

Samarqandliklar 1966-yilda oʻzining dastlabki xalqaro oʻyinida Fransiya jamoasi bilan Samarqanda oʻyin oʻtkazib 1:1 hisobini qayd etgan.

1968-yilda esa „Dinamo“ Mugʻuliston Qurolli kuchlari terma jamoasini qabul qilgan. Shiddatli kechgan oʻyinda dinamochilar mugʻullarni 2:1 hisobida dogʻda qoldirishgan.

Jamoa 1970-yillardan boshlab, jamoa nomi „Stroitel“ deya oʻzgartirildi. 1970-yildan 1975-yilgacha „Stroitel“ deya yuritildi. 1973-yilda esa bu jamoa Respublika chempionligini qoʻlga kiritdi.

1976-yilda samarqandlik futbolchilar Bolgariya jamoasini qabul qildilar. 1978-yilda esa Samarqand jamoasi Vengriya Futbol Federatsiyasining taklifiga koʻra, Vengriyada „Valan“ jamoasi mehmoni boʻlib qaytdi. Vengriyadagi oʻyinda doʻstlik gʻalaba qozongan, 2:2.

1979-yildan esa „Dinamo“ nomi yana tiklandi. Aynan oʻsha mavsumda jamoa Ittifoq birinchiligida 24 jamoa ichida faxrli 7-oʻrinni egalladi.

1980-yilda „Dinamo“ rahbariyati, jamoani xorijda oʻrtoqlik uchrashuvlarini oʻtkazish uchun Vyetnam davlatiga safar etdi. Xorijdagi oʻtkazilgan 5 ta oʻrtoqlik bahslarining 4 tasida samarqandliklar gʻalaba qozonishdi, bir uchrashuvda durang qayd etildi.

Shu yili jamoa sobiq Ittifoq chempionatining ikkinchi ligasida oʻz ishtirokini boshladi. Bu ligada Samarqandning „Dinamo“ jamoasi bir necha marotaba yuqori oʻrinlar uchun kurash olib bordi.

1978-yilda Samarqand futboli oʻzining eng iqtidorli futbolchilaridan biri — Sirojiddin Bozorovni mamlakatning bosh jamoasi Toshkentning „Paxtakor“ klubi uchun yetishtirib berdi.

80-90-yillar esa „Dinamo“ning sobiq Ittifoq ikkinchi ligasidagi eng muvaffaqiyatli ishtirokiga toʻgʻri keladi. Aynan oʻsha yillarda dinamochilar Kubok bahslarida chorak finalga qadar yetib kelishgan, ammo Samarqanddagi oʻtkazilgan oʻyinda, oʻsha davrlarda ancha kuchli tarkibga ega boʻlgan Litvaning „Jalgris“ futbolchilarga kichik hisobda imkoniyatni boy berishgan. Bu oʻyinda „Dinamo“ stadioni toʻlib toshganligi va oʻyinda samarqandliklar ustunlik qilganliklari haqida, jamoaning faxriy muxlislari hali hamon katta faxr bilan taʼkidlashadi.

Mustaqillikdan keyin milliy chempionat tashkil etilgach, „Dinamo“ jamoasi nomi bir necha marotaba oʻzgartirildi. Dastlab klub nomi „Maroqand“ nomiga oʻzgartirildi. Ammo, bu jamoa oʻsha mavsum koʻngildagidek ishtirok eta olmadi.

Oʻz oʻrnida shuni ham taʼkidlab oʻtish lozimki, jamoa oʻtgan yillar mobaynida bir necha marta oʻz nomini oʻzgartirgan. Jumladan, „Maroqand“, „Afrosiyob“, „Samarqand“ va „Dinamo-Samarqand“, deb atalgan.

SSSR chempionati

Mavsum	liga	Joy
1960 yil	Ikkinchi liga. „B“ toifasi. Ittifoq respublikalarining 2-zonasi	16- dan 16 -oʻrin
1961 yil	Ikkinchi liga. „B“ toifasi. Ittifoq respublikalarining 2-zonasi	16 tadan 15-oʻrin
1962 yil	nomaʼlum sabablarga koʻra ishtirok etmadi
1963 yil	Ikkinchi liga. „B“ toifasi. Ittifoq respublikalarining 2-zonasi	15 dan 12-oʻrin
1964 yil	Ikkinchi liga. „B“ toifasi. RSFSRning 5-zonasi	17 tadan 6-oʻrin
1965 yil	Ikkinchi liga. „B“ toifasi. RSFSRning 5-zonasi	20 tadan 15-oʻrin
1966 yil	Ikkinchi liga. „B“ toifasi. Markaziy Osiyo va Qozog‘iston	19 tadan 14-oʻrin
1967 yil	Ikkinchi liga. „B“ toifasi. Markaziy Osiyo va Qozog‘iston	22 tadan 4-oʻrin
1968 yil	Ikkinchi liga. „B“ toifasi. oʻrta Osiyo	22 tadan 3-oʻrin
1969 yil	Ikkinchi liga. „B“ toifasi. oʻrta Osiyo	24 dan 2
1970 yil	Ikkinchi liga. „B“ toifasi. oʻrta Osiyo	18 tadan 11-oʻrin
1971-1975 yillar	O‘zbekiston SSR chempionati
1976 yil	Ikkinchi liga. 2-zona	21-dan 19-oʻrin
1977 yil	Ikkinchi liga. 5-zona	21 tadan 15-oʻrin
1978 yil	Ikkinchi liga. 5-zona	23 tadan 19- oʻrin
1979 yil	Ikkinchi liga. 5-zona	24 tadan 7-oʻrin
1980 yil	Ikkinchi liga. 6-zona	19 tadan 1-oʻrin (II final — 3 tadan 2-oʻrin)
1981 yil	Ikkinchi liga. 6-zona	21 dan 2
1982 yil	Ikkinchi liga. 7-zona	19 tadan 1-oʻrin (II final — 3 tadan 2-oʻrin)
1983 yil	Ikkinchi liga. 7-zona	21 -ning 3 -kuni
1984 yil	Ikkinchi liga. 7-zona	20 tadan 1-oʻrin (III final — 3 tadan 2-oʻrin)
1985 yil	Ikkinchi liga. 7-zona	17 tadan 4-oʻrin
1986 yil	Ikkinchi liga. 7-zona	19 ning 3
1987 yil	Ikkinchi liga. 7-zona	19 tadan 4-o‘rin
1988 yil	Ikkinchi liga. 8-zona	19 tadan 14-oʻrin
1989 yil	Ikkinchi liga. 7-zona	21 tadan 13-oʻrin
1990 yil	Ikkinchi kichik liga. 9-zona	20 tadan 4-oʻrin
1991 yil	Ikkinchi kichik liga. 9-zona	26 tadan 8-oʻrin

Oʻzbekiston Chempionatlarida

1992-yildagi, eng esda qolarli voqea sifatida Oʻzbekiston Kubogining final uchrashuvini Samarqand shahridagi „Dinamo“ stadioniga oʻtkazilishi boʻldi. Ilk marta oʻtkazilgan musobaqa finalida „Dinamo“ oʻyingohida Namanganning „Navbahor“ va Qoʻqonning „Temiryoʻlchi“ jamoalari finalga roʻbaroʻ kelishib, penaltilar bahsida namanganliklar zafar quchishgan.

1994 va 1998-yillar „Dinamo“ uchun omadsiz kelgan. Jamoa mavsum yakuniga koʻra, birinchi ligaga ravona boʻlgan.

1996-1997-yillarda jamoa „Afrosiyob“ nomi bilan Oliy liga bahslarida ishtirok etdi.

1999-yilda „Dinamo“ Oliy ligaga qaytgach, jamoa bosh murabbiyi etib rahmatli Mahmud Rahimov tayinlandi. Ushbu mutaxasis faoliyatining dastlabki yilida katta hajmdagi seleksiya ishlarini olib bordi va mavsumni kuchli beshlikda yakunladi.

2000-yilning 3-fevralida jamoa nomi „Samarqand-Dinamo“ deya yuritila boshlandi. Samarqandliklar uchun eng omadli mavsum sifatada yodda qolgan 1999-2000-yillarda jamoa chempionat davomida ajoyib oʻyinlarini koʻrsatib, muxlislar olqishiga sabab boʻldi. Oʻsha yili jamoa tarkibi ancha kuchli koʻrinish olgandi. Darvozada Yevgeniy Safonov, himoyachilar Davron Fayziyev, Rahmatullo Fuzaylov, yarim himoyada Ilhom Sharipov, yosh Gladkovlar, Umid Abdurahmonov, Elshan Gambarov, hujumda Ravshan Bozorov, Muhsin Muhammadiyev, Jaʼfar Irismetovlar harakat qilishardi.

Aynan oʻsha mavsumda jamoa tarixidagi koʻpgina rekordlar yangilandi. Oʻsha mavsumda samarqandlik futbolchilarning chempionatdagi eng asosiy raqobatchilari „Doʻstlik“ jamoasi edi. Oliy liga oʻyini doirasidagi Samarqandda oʻtkazilgan bahsda „Dinamo“ oʻyingohida 30000 muxlis yigʻilgan va futbolchilar suyukli muxlislariga 6:3 hisobidagi ajoyib sovgʻani hozirlashgandi.

Jamoaning Oliy liga tarixidagi eng yirik gʻalabasi ham aynan 2000-yilgi mavsumda kuzatilgan. Oʻz maydonida oʻtkazilgan uchrashuvda mezbonlar Angrenning „Semurgʻ“ futbolchilari ustidan 8:0 hisobida zafar quchishgan.

2000-yilgi mavsumda samarqandliklar jamoasi oʻz maydonida Oʻzbekiston terma jamoasi bilan oʻrtoqlik oʻyini oʻtkazib 4:1 hisobida zafar quchgan. Shuningdek, Samarqandda Ozarbayjon termasi bilan oʻtkazilagan oʻrtoqlik oʻyinida „Dinamo“ futbolchilari 1:0 hisobida gʻalabani tantana qilishgan. Bundan tashqari, koʻhna shaharda terma jamoamiz oʻzining bir nechta muvaffaqiyatli oʻyinlarini oʻtkazgan.

2000-yilgi mavsumning yakunida esa „Samarqand-Dinamo“ jamoasi Oʻzbekiston Kubogi finalida Toshkent viloyatining „Doʻstlik“ jamoasi bilan „Paxtakor“ oʻyingohida kuch sinashdi. Gollarga boy oʻtgan uchrashuvda „Doʻstlik“ 4:1 hisobida gʻalaba qozonib Kubok sohibiga aylandi. Dinamochilar esa shu yili Oliy liga tarixdagi eng yaxshi natijalari toʻrtinchi oʻrinni egallashdi. Koʻpchilik, oʻsha yillardan soʻng „Dinamo“ning yangi mavsumda chempionlik uchun kurashishini taxmin qilayotgandi, ammo tajribali murabbiy rahmatli Mahmud Rahimovning bevaqt oʻlimi, bu orzularni yoʻqqa chiqardi…

2000-yilgi natijani jamoa hozirga qadar takrorlay olgani yoʻq.

Umuman olganda, koʻhna shahar vakillari elitada 25 mavsum mobaynida toʻp surishgan. 6 mavsum jamoa birinchi ligada toʻp surishga majbur boʻlgan. Shu kungacha „Dinamo“ni 18 nafar murabbiy boshqargan. Klubda eng koʻp ishlagan mutaxassis — bu tojikistonlik Hakim Fuzaylovdir.

„Dinamo“da oʻtgan yillar mobaynida mamlakatimizning taniqli mutaxassislari — Birodar Abduraimov, Mahmud Rahimov, Vladimir Desyatchikov, Valeriy Letkin, Sergey Xrulev, Vladimir Dotsenko, Ahmad Ubaydullayev, Aleksandr Ivankov, Baxtiyor Gʻafurov, Kamo Gazarov va Bahrom Hakimovlar faoliyat yuritishgan. Shuningdek, yuqorida aytib oʻtganimizdek, tojikistonlik Hakim Fuzaylov va turkmanistonlik Tachmurod Agamurodovlar ham klub tarixidan joy olishgan. Oʻtgan mavsumlar davomida iqtidorli murabbiy, taniqli sobiq futbolchi Azamat Abduraimov ham aynan Samarqand jamoasida murabbiylik faoliyatini boshlab klub tarixida munosib iz qoldirdi. Bugunga kelib esa, yurtimizning eng iqtidorli murabbiylaridan biri Ilhom Sharipov „Dinamo“ klubi zarvaraqlarida yangi sahifani ochishga bor kuch va gʻayratini ishga solmoqda.

Yillar davomida erishilgan eng yaxshi yutuq 2007-yildagi 5-o‘rin bo‘lgan bo‘lsa, oradan bir mavsum o‘tib samarqandliklar 6-o‘rinni egalladi. 2008-yil oxirida „Dinamo“ tarixiy nomi klubga qaytarildi va u hozirgacha oʻynamoqda.

2015-yilgi mavsum yakunida so‘nggi, 16-o‘rinni egallagan „Dinamo“ o‘z tarixida 3-marta O‘zbekiston Birinchi ligasiga tushib ketdi. 2016 yilda birinchi marta 1-oʻrinni egalladi va yana Premer-ligaga yoʻllanma oldi, u erda 2017 yilgi mavsumda yana 12-oʻrindan (16 ta klub orasida) elitadan tushib ketdi.

2018-yilda Samarqandning „Dinamo“ jamoasi saviya va ahamiyatiga ko‘ra mamlakatning 2-futbol ligasi hisoblangan Pro -ligada 5-o‘rinni egalladi. 2019 yilgi mavsumdan boshlab jamoa yana Oʻzbekiston Superligasida oʻynamoqda. 2019-yilda „Dinamo“ O‘zbekiston Superligasida ishtirok etib, 14-o‘rinni egalladi va 24 ochko bilan musobaqadan chiqib ketdi. 2021-yilda „Dinamo“ Pro-ligada o‘ynadi va 28 ochko bilan 2-o‘rinni egalladi.

Klub afsonalari

Dinamoning eng koʻp maydonga tushgan oʻyinchisi bu Oleg Gorvits UZB.

Dinamo uchun eng koʻp gol urgan futbolchi bu Hamza Jabborov UZB (49 ta gol).

Qiziqarli faktlar

Jamoaning eng yirik hisobdagi gʻalabasi bu 2000-yilda Semurgʻ ustidan boʻlgan 8:0.

Eng yirik hisobdagi magʻlubiyati (8:0) 1997-yili Neftchidan olingan.

Mahalliy tarix

Mavsum	Liga									Oʻzbekiston Kubogi	Eng Yaxshi toʻpurar		Murabbiy
	Div.	Pos.	Pl.	W	D	L	GS	GA	P		Ism	Liga
1992	1st	10th	32	8	10	14	29	46	26	Semifinal	Hamza Jabborov	17	Nikolai Solovyov
1993	1st	16th	30	6	3	21	22	59	15	Quarterfinal	Aleksandr Babayan	4	Rustam Istamov
1994	2nd	2nd	34	22	7	5	81	29	51	Quarterfinal	Hamza Jabborov	24
1995	1st	11th	30	10	5	15	24	37	35	R32	Hamza Jabborov	11
1996	1st	10th	30	11	1	18	36	45	34	R1	Hamza Jabborov	12
1997	1st	15th	34	8	8	18	35	73	32	R1	Olim Tillaev	7
1998	2nd	2nd	38	26	8	4	105	44	86	Last 16	Timur Iskanderov	30
1999	1st	5th	30	15	8	7	57	38	53	Ikkinchi oʻrin	Jafar Iresmetov	19
2000	1st	4th	38	24	3	11	92	47	75		Muhsin Muhammadiyev	26	Hakim Fuzaylov
2001	1st	12th	34	14	3	17	62	68	45	Last 16	Muhsin Muhammadiyev	15	Hakim Fuzaylov
2002	1st	13th	30	9	5	16	24	46	32	R32	Ravshan Bozorov	6	Hakim Fuzaylov
2003	1st	8th	30	11	2	17	40	46	35	Last 16	Mixail Fomin	7	Birodar Abduraimov
2004	1st	13th	26	6	2	18	25	48	20	R32	Asqar Beknazarov	5
2005	1st	8th	26	11	3	12	28	32	36	Last 16	Umid Isoqov	6
2006	1st	8th	30	12	4	14	39	39	40	Last 16	Bahodir Nasimov	9
2007	1st	5th	30	14	8	8	48	36	50	Quarterfinal	Farhod Tadjiyev	20	Toshmurod Ogʻamurodov
2008	1st	6th	30	12	6	12	40	30	42	Quarterfinal	Ilyos Qurbonov	11	Toshmurod Ogʻamurodov Azamat Abduraimov
2009	1st	9th	30	11	5	14	44	42	38	Last 16	Bahodir Nasimov	10	Azamat Abduraimov
2010	1st	12th	26	6	9	11	28	33	27	Quarterfinal	Jafar Irismetov	11	Azamat Abduraimov Viktor Jalilov
2011	1st	10th	26	8	5	13	23	25	29	Quarterfinal	Ivan Nagayev	6	Viktor Jalilov Ahmad Ubaydullayev
2012	1st	9th	26	9	2	15	27	29	29	Last 16	Roʻzimboy Ahmedov	11	Ahmad Ubaydullayev
2013	1st	8th	26	8	8	10	28	36	32	R32	Farruh Shotursunov	10	Kamo Gazarov Ravshan Haydarov
2014	1st	10th	26	8	4	14	25	39	28	Quarterfinal	Sanʼat Shixov	7	Ravshan Haydarov Toshmurod Ogʻamurodov
2015	1st	16th	30	6	7	17	28	48	25	R32	Kamoliddin Murzoyev	8	Toshmurod Ogʻamurodov Bahrom Hakimov
2016	2nd	1st	32	26	4	2	86	19	82	R32	Amirjon Safarov	22	Bahrom Hakimov Ilhom Sharipov
2017	1st	12th	30	8	8	14	21	35	32	Semifinal	Amirjon Safarov	4	Ilhom Sharipov Edgar Gess Oleg Tyulkin
2018	2nd	5th	32	15	7	10	41	26	52	Last 16	Pavel Purushkin	10	Ilhom Sharipov Davron Fayziyev
2019	1st	14	26	6	6	14	25	47	24	R2	Kadambay Nurmetov	5	Davron Fayziyev Toshmurod Ogʻamurodov
2020	2nd	3rd	20	9	5	6	25	19	32	2QR	Oybek Nurmatov	5	Sergey Lushan Ravshan Ahmedov Jasur Hakimov
2021	2nd	2nd	20	11	2	7	33	28	35	R16	Roʻzimboy Ahmedov	12	Hakim Fuzaylov
2022											Marat Bikmayev	8	Predrag Rogan Andrey Shpilov Vadim Abramov
2023	2nd												Vadim Abramov

Xalqaro Musobaqalarda natijalar

Musobaqa	Oʻ	Gʻ	D	M	UG	OʻG	O
Osiyo kubogi egalari kubogi	2	-	-	2	5	4	0

2000/2001-yilgi mavsumda „Dinamo Samarqand“ ushbu turnirda qatnashgan. Ushbu turnirga yoʻllanmani jamoa Oʻzbekiston Kubogida finalgacha yetib borganida qoʻlga kiritgan. „Osiyo Kubok Egalari Kubogi“ mavsum 2000/2001,Saralash bosqichi „Gʻarbiy Osiyo zonasi“ 1-raund (Markaziy Osiyo mini zonasi).

Mavsum	Musobaqa	Bosqich	Klub	Uy	Safar	Umumiy hisob
2000/2001	Osiyo kubogi egalari kubogi	Birinchi bosqich	Nebitchi	2-3	3-4	5-7

Klubning eski logotiplari

• 

Klub stadioni

Asosiy maqola: Dinamo (stadion, Samarqand)

Dinamo Samarqand. PFK oʻz uy uchrashuvlarini Samarqanddagi „Dinamo Stadioni“da oʻtkazadi. Stadion 1963-yili qurib bitkazilgan, oʻsha paytda stadion sigʻimi 16.000 edi. Ushbu stadion 13.800 muxlisni oʻz bagʻriga sigʻdira oladi. 2012-yil rekonstrusiya ishlaridan oldin, bu stadion 16.000 muxlisni sigʻdira olardi. 2012-yili stadion toʻliq kapital rekonstruksiya qilingan. Stadionda zamonaviy kiyinish xonalari, Dush kabinalari, Hakamlar uchun maxsus xona, Jurnalistlar xonasi, Kafe, Klub Muzeyi, VIP va CIP oʻrinlar bor. Samarqanddagi „Dinamo Stadioni“ Oʻzbekistondagi eng yaxshi stadionlardan biridir.

Yutuqlari

• Oʻzbekiston chempionati  — Oliy ligada 4-oʻrin (2000).
• O‘zbekiston kubogi finalchisi  — (1999/2000).

• Oʻzbekiston Pro ligasi :
  • Chempionlar (1): 2016 yil

Futbolchilar

Joriy tarkib

10 March 2021

№ Amplua Futbolchi 8 Russia YH Timur Sharipov 26 UZB HM Komil Sharofetdinov UZB DR Dilshod Khamroev UZB HM Golibzhon Sariboev Ukraine HM Dmytro Sydorenko UZB HM Obid Juraboev UZB YH Islom Sharipov UZB YH Khumoyun Sherbutaev Ukraine YH Oleh Marchuk

№ Amplua Futbolchi UZB YH Jasur Hasanov UZB HJ Timur Khakimov UZB HJ Sardor Eminov UZB HJ Oybek Juraev UZB HJ Sirozh Meliev Ukraine HJ Mykhaylo Udod UZB HJ Temur Ismoilov UZB YH Shokhrukh Abdurakhmonov

Klub hodimlari

Klub rahbariyati va maʼmuriyati

• Furqat Rahimov — Klub Prezidenti
• Firdavs Karimov — Vitse Prezident
• Odil Ziyotov — Maʼmur

Murabbiylar shtabi

2022 yilgi mavsum uchun murabbiylar shtabi.

• Vadim Abramov — Bosh murabbiy
• Marat Miftaxudinov — Yordamchi Murabbiy
• Dilshod Sharofutdinov — Yordamchi Murabbiy
• Mixail Naumov — Darvozabonlar murabbiyi

Boshqaruv tarixi

Taqdim etilgan maʼlumotlarda kichik noaniqliklar boʻlishi mumkin.

Yil	Trener
1961-yil	Aleksey Lapshin
1962-1979-yillar	maʼlumot yoʻq
1976-yil	Vyacheslav Koltsov
1980-1981-yillar	Birodar Abduraimov
1982-1984-yillar	Vladimir Desyatchikov
1985 yil (1-bosqich)	Aleksey Masesov
1985-1986-yillar	Nikolay Kiselyov
1987-1988-yillar	Aleksandr Ivankov
1989 yil	Vladimir Fedin
1990 yil (1-davra)	Shavkat Axmerov
1990 yil (2-bosqich)	Yuriy Mamedov
1991 yil	Rustam Istamov
1992 yil	Nikolay Solovyov
1993 yil (1-bosqich)	Rustam Istamov
1993 yil (2-bosqich)	Vladimir Desyatchikov
1994-1997-yillar	maʼlumot yoʻq
1998-2000-yillar	Mahmud Rahimov
2000-2002	Hakim Fuzaylov
2003 yil	Birodar Abduraimov
2004-2006	maʼlumot yoʻq
2007-2008-yillar	Tachmurod Agamurodov
2008-2010	Azamat Abduraimov
2010-2011	Viktor Jalilov
2011-2012	Ahmad Ubaydullayev
2012 yil	Sergey Arslanov
2013 yil (1-bosqich)	Kamo Gazarov
2013-2014-yillar	Ravshan Haydarov
2014-2015-yillar	Tachmurod Agamurodov
2015 yil	Baxrom Hakimov
2016 yil	Uchqun Qobilov
2016 yil	Ilhom Sharipov
2017 yil	Edgar Gess
2017 yil	Oleg Tyulkin
2018	Ilhom Sharipov
2018-2019	Davron Fayziev
2019	Tachmurod Agamurodov
2020	Ravshan Ahmedov
2020	Sergey Lushan
2020	Jasur Hakimov
2021-yil	Hakim Fuzaylov
2022	Predrag Rogan
2022	Andrey Shipilov
2022 — hozirgi kungacha ichida.	Vadim Abramov

Mashhur Futbolchilari

"Dinamo" sobiq oʻyinchisi Bahodir Nasimov

• Uzbekistan Ignatiy Nesterov
• Uzbekistan Andrey Akopyans
• Uzbekistan Ivan Nagayev
• Uzbekistan Bahodir Nasimov
• Uzbekistan Aleksandr Kletskov
• Uzbekistan Oleg Gorvits
• Uzbekistan Jafar Irismetov
• Uzbekistan Ilhom Yunusov
• Uzbekistan Hamza Jabborov
• Uzbekistan Ravshan Bozorov
• Uzbekistan/Russia Yevgeniy Safonov
• Tajikistan/Russia Muhsin Muhammadiyev
• Tajikistan Shuhrat Jabborov
• Azerbaijan Elshan Gambarov
• Kyrgyzstan Karim Izrailov
• Nigeriya Devid Oniya
• Ukraine Andrey Melnichuk
• Ukraine Andrey Yeroxin
• Ukraine Vladimir Kilikevich
• Moldova Denis Romanenko
• Sovet Ittifoqi Vladislav Baturin

Raqobat

Samarqand „Dinamo“si O‘zbekistondagi eng yirik muxlislar armiyasidan biriga ega. Jamoaning deyarli har bir oʻyinida 13800 tomoshabinga moʻljallangan „Dinamo“ stadioni toʻlib-toshgan.

Samarqandning „Dinamo“ jamoasining asosiy raqibi shu nomli shahar va qo‘shni Buxoro viloyati (viloyat) poytaxti „Buxoro“ FK hisoblanadi .

Ayni paytda „Dinamo“ va „Buxoro“ muxlislari oʻzaro doʻstona munosabatlarga ega boʻlib, agar mamlakatning boshqa klublari oʻyinda sevimli klubiga raqib boʻlishsa, har ikki jamoani bir-biriga yaqinlashtiradi.

Samarqandning „Dinamo“ va „Buxoro“ jamoalari ishtirok etgan „Qadimiy shaharlar derbisi“ mamlakatimizda juda mashhur. Har ikki klub ham Oʻzbekiston va dunyoning eng qadimiy shaharlaridan biri — Samarqand va Buxoro sharafini himoya qiladi. Jamoalar oʻrtasidagi oʻyinlar ajoyib oʻtmoqda va muxlislar oʻrtasida sotib olingan.

Samarqandning ham oʻziga xos „Samarqand derbisi“ borki, bu kamdan-kam uchraydi. Agar „Dinamo“, " Sherdor " va „Spartak“ klublari, shuningdek, shaharning kichik va unchalik tanish boʻlmagan klublari oʻzaro toʻqnash kelsa, oʻyin norasmiy tarzda xuddi shunday maqomga ega .

Samarqand „Dinamo“sining koʻplab taxalluslari bor: „Samarkand“ (uzb. Samarqandliklar/Samarkandliklar); „Yo‘lbarslar“ (o‘zb . Yo‘lbardlar / Yo‘lbarslar) — shahar gerbida ham aks ettirilgan klub va Samarqand shahrining ramzi; „Starogorodtsy“ (oʻzb . Koʻhna shaharliklar / Khna shaharliklar) — Samarqandning qadimiyligiga ishora; boshqa taxalluslar ham bor.

Yana qarang

Oʻzbekiston futbol klublari Osiyo kuboklarida

Havolalar

• http://www.fcdinamo.uz — Klub sayti ^(oʻzb.)
• Terma jamoaning norasmismiy sayti ^(oʻzb.)
• Neofitsialniy sayt komandi ^(rus.)
• Profil na weltfussballarchiv.com Wayback Machine saytida arxivlandi (2012-12-18). ^(ingl.)
• Profil na soccerway.com ^(ingl.)
• Profil na national-football-teams.com ^(ingl.)