Rustam Mirsodiqov
| Shaxsiy maʼlumot | |||
|---|---|---|---|
| Toʻliq ismi | Rustam To‘xtamurodovich Мirsodiqov | ||
| Tavallud joyi | Qo‘qon, Oʻzbekiston, | ||
| Ampluasi | Himoyachi | ||
| Professional faoliyati* | |||
| Yillar | Jamoa | Isht. | (Gol.) |
| 1972—1975 1975—1976 1977 1978—1980 1981—1982 1985—1986 1988 1989 |
 PaxtakorTraktorIrrigator (Jizzax)Bo‘ston (Jizzax)Dinamo SSohibkorDinamo SSpartak А |
(3 (0) ? (1) 77 (5) 2 (1) 48 (3) 4 (0) 7 (1)) | |
| Boshqargan klublari | |||
| 1992 1995 1996 1996—1998 1997 1999 ? ? 2008—2017 |
 Paxtakor Do‘stlik Do‘stlikМHSКO‘zbekistonDo‘stlikLokomotivQizilqumMetallurg | ||
| *Professional klublardagi gollari (ichki chempionat) | |||
Rustam Toʻxtamurodovich Mirsodiqov (19-may 1955-yil) — o‘zbek futbolchisi va murabbiyi.
Biografiyasi[tahrir | manbasini tahrirlash]
Futbolchilik faoliyati[tahrir | manbasini tahrirlash]
Rustam Mirsodiqov futbolga ilk qadamlarini Toshkentdagi „Titov“ nomidagi ixtisoslashtirilgan maktab-internatida murabbiylar I.Toshmuxamedov, V.Yatchenko va Y.Aranovichlar rahbarligida qo‘ygan[1].
1972-yilda „Paxtakor“ futbol jamoasiga tavsiya etilgan va bu jamoada 1975-yilgacha o‘ynagan. Keyin esa Toshkentning „Traktor“ jamoasi sharafini himoya qilgan. Faoliyati davomida „Bo‘ston“, „Dinamo Samarqand“ va „Sohibkor“ klublarida to‘p surgan. Rustam Mirsodiqov futbolchi sifatidagi professional faoliyatini 1989-yilda Andijonning „Spartak“ klubida yakunlagan.
Murabbiylik faoliyati[tahrir | manbasini tahrirlash]
1991-yildan boshlab Mirsodiqov murabbiylik faoliyati bilan shug‘ullana boshlagan. 1992-yilda „Paxtakor“ jamoasi bosh murabbiyi Axrol Inoyatovning yordamchisi vazifasini bajargan[1]. 1995-1996-yillarda „Do‘stlik“ klubida klub rahbari va bosh murabbiy lavozimlarida ishlagan.
1996-1998-yillarda Toshkentning „MHSK“ klubiga rahbarlik qilgan. 1997-yilda uning boshchiligida „MHSK“ O‘zbekiston chempionligini qo‘lga kiritgan. O‘sha mavsum yakunida Rustam Mirsodiqov O‘zbekistonda „Yilning eng yaxshi murabbiyi“ deb topilgan.
1997-yilda O‘zbekiston terma jamoasiga bosh murabbiy etib tayinlangan[2]. Mirsodiqov oldidagi masala klubni 1998-yilgi jahon chempionatiga olib chiqish edi. Ammo jamoa saralash turnirida yomon natija ko‘rsatadi va Mirsodiqov O‘zbekiston milliy terma jamoasi bosh murabbiyligidan ozod etiladi.
1999-yilda yana „Do‘stlik“ klubiga murabbiy etib tayinlanadi va o‘sha mavsumda klubni mamlakat chempionligiga olib chiqadi. Mavsum yakuniga ko‘ra, O‘zbekistonda „Yilning eng yaxshi murabbiyi“ nominatsiyasi uchun so‘rovnomada uchinchi o‘rinni egallaydi.
Shundan so‘ng Toshkentning „Lokomotiv“ va „Qizilqum“ klublarida faoliyatini davom ettirgan. 2008-2017-yillarda Bekobodning „Metallurg“ klubini boshqargan.
Yutuqlari[tahrir | manbasini tahrirlash]
- 1997, 1999-yillar — O‘zbekiston chempioni.
- 1997-yil — O‘zbekistonda yilning eng yaxshi murabbiyi.
Manbalar[tahrir | manbasini tahrirlash]
- ↑ 1,0 1,1 „Рустам Мирсадыкову 60 лет!“ (deadlink). metallurg-pfc.uz (11-iyul 2013-yil). 5-mart 2016-yilda asl nusxadan arxivlandi.
- ↑ Uzbekistan International Matches - Details 1992-1999 - RSSSF
Havolalar[tahrir | manbasini tahrirlash]
| |||||
| |||||