Astraxon viloyati

Vikipediya, ochiq ensiklopediya
Jump to navigation Jump to search
Rossiya Federatsiyasi subyekti
Астраханская область область
Astraxan viloyati
Flag of Astrakhan Oblast.svg Coat of Arms of Astrakhan Oblast.svg
Astraxan viloyati bayrogʻi Astraxan viloyati gerbi
300px
Administrativ markaz Astraxan
Maydon 49 024 km² (55chi)
- suv qismi 8,5%
Aholi 1 014,2 ming kishi (56chi)
- maʼlumot olingan vaqt 2013
- zichlik 20,6 kishi / km²
YaIM 145,4 mlrd rub. (52 chi)
- maʼlumot olingan vaqt 2010
- jon boshiga 146,6 ming rub.
Federal okrug Janubiy
Iqtisodiy tuman Povoljskiy
Gubernator Aleksandr Aleksanrovich Jilkin
RF subyekti kodi 30
Vaqt mintaqasi MSK+4 (UTC+8)

Astraxon viloyati – Rossiya Federatsiyasi tarki-bidagi viloyat. Quyi Volga bo‘yida, janubiy qismi Kaspiy dengiziga tutashadi. Astraxon viloyati 1943 yil 27 dekabrda tashkil etilgan. Maydoni 44,1 ming km². Aholisi 1014 ming kishi (1999), asosan, ruslar; qozoq, tatar va ukrainlar ham yashaydi. Astraxon viloyatida 11 ma’muriy tuman, 5 shahar, 13 shaharcha bor. Markazi – Astraxon shahriAstraxon viloyati Kaspiy bo‘yi pasttekisligidagi chala cho‘llar, Volga-Axtuba qayiri va Volga daryosi deltasini o‘z ichiga oladi. Astraxon viloyati hududida sho‘rxoklar, sho‘r ko‘llar hamda qum tepaliklari bor. Sho‘r ko‘llardan eng yirigi Bosqunchoq ko‘lidir. Iqlimi keskin kontinental va juda quruq. Yanvarning o‘rtacha temperaturasi shimolida – 10°, janubida –6°, iyulniki esa shimolida 24° va janubida 25°. O‘rtacha yillik yog‘in 200 mm. Eng yirik daryosi Volga va uning tarmogi Axtuba. Tuproqlari och kashtan sho‘rtob va qo‘ng‘ir tuproqlar. Boshoqlilar, shuvoq, sho‘ra, o‘tloq o‘simliklari o‘sadi. Sayg‘oq, turli kemiruvchilar, sudraluvchilar, hasharotlar yashaydi. Volgada 50 dan ziyod baliq turi uchraydi. Neft, gaz, tuz, gips kabi foydali kazilmalar bor. Volga deltasida Astraxon qo‘riqxonasi tashkil qilingan. Astraxon viloyatida oziq-ovqat (baliq, go‘sht, tuz), mashinasozlik, shuningdek yog‘ochsozlik va sellyuloza-qog‘oz sanoati, sabzavotchilik, polizchilik, chorvachilik rivojlangan. Yetakchi sanoat tarmoqlari – taxta tilish, yog‘ochsozlik va sellyuloza-qog‘oz sanoati. Kimmatbaho osyotr va chastik baliqlari ovlanadi. Astraxondagi baliq-konserva korxonalarida baliq qayta ishlanadi. Astraxon viloyatida Rossiyada eng yirik bo‘lgan Bosqunchoq tuz korxonasi ishlab turibdi. Astraxon viloyatida metallsozlik, kemasozlik va kema tu-zatish sanoati korxonalari, ko‘n zavodi va mo‘yna fabrikasi mavjud. Qamish plitalar ishlab chiqaruvchi zavod bor. Bug‘doy, kuzgi javdar, yem-xashak, poliz ekinlari ekiladi. Chorvachilikda go‘sht-jun qo‘ychiligi va go‘sht-sut qoramolchiligi rivojlangan. Transportda yetakchi o‘rinni dengiz transporti egallaydi. Volga va uning o‘ng tarmog‘i Baxtemir daryo transportida muhim ahamiyatga ega. Astraxon viloyati temir yo‘l orqali Rossiyaning boshqa rayonlari bilan bog‘langan.

Adabiyotlar[tahrir]

  • OʻzME. Birinchi jild. Toshkent, 2000-yil