Volgograd viloyati
| Rossiya Federatsiyasi subyekti | |
| Волгоградская область Volgograd viloyati | |
|---|---|
 |
 |
| Volgograd viloyati bayrogʻi | Volgograd viloyati gerbi |
.svg) | |
| Administrativ markaz | Volgograd |
| Maydon | 112 877 km² (31-chi) |
| - suv qismi | 3,1% |
| Aholi | 2 583,3 ming kishi (19-chi) |
| - maʼlumot olingan vaqt | 2013 |
| - zichlik | 22,9 kishi / km² |
| YaIM | 437,4 mlrd rub. (20-chi) |
| - maʼlumot olingan vaqt | 2010 |
| - jon boshiga | 165,8 ming rub. |
| Federal okrug | Janubiy |
| Iqtisodiy tuman | Povoljskiy |
| Gubernator | Sergey Anatoliyevich Bojenov |
| RF subyekti kodi | 34, 134 |
| Vaqt mintaqasi | MSK+4 (UTC+8) |
| Rasmiy sayt | www.volganet.ru |
Volgograd viloyati - Rossiya Federatsiyasi tarkibidagi viloyat. 1936 yil 5 dekabrda tashkil etilgan. Maydon 113,9 ming km2. Aholisi 2645 ming kishi (1999), shaharliklar 76%. Volgograd viloyatida 19 shahar, 32 shaharcha bor (1991). Markazi – Volgograd shahri.
Volgograd viloyati Quyi Volga boʻyida dasht va chala choʻl zonasida. Volga daryosi vodiysi viloyat hududini 2 qismga: gʻarbiy – oʻng sohil va sharqiy (Zavolje) qismlarga ajratadi. Volgograd viloyatida neft, tabiiy gaz, osh tuzi va magniy tuzi (Elton koʻlida), fosforit konlari topilgan. Mineral buloqlar mavjud. Volgograd viloyatining iqlimi kontinental, quruq. Yanvarning oʻrtacha tempaturasi – 8 dan – 12" gacha, iyulniki 23°. Yiliga 350 mm yogʻin yogʻadi. Asosiy daryolari: Volga va Don. Yirik koʻllari: Elton, Gorkosolyonos; Simlyansk va Volgograd suv omborlari bor. Volgograd viloyati energetika asosini Volga GES, Volgograd GRESlari va b. issiqlik elektr markazlari tashkil qiladi. Metallurgiya (poʻlat sim-kanat, quvur, alyuminiy zavodlari), mashinasozlik (traktorsozlik, minora kranlari, podshipniklar, elektrotexnika, neft, oziq-ovqat sanoatlari uchun jihozlar) sanoatlari rivojlangan. Viloyatda kimyo va neft kimyosi (sintetik tola, sintetik kauchuk, shina, texnik rezina, azot-kislorod zavodlari) sanoatlari katta oʻrin egallaydi. Qurilish materiallari ishlab chiqariladi. Yengil (asosan toʻqimachilik), yogʻochsozlik va oziq-ovqat (goʻsht, sut, un-yorma, yogʻ-moy, konserva) sanoati tarmoqlari rivojlanmoqda. Asosiy sanoat markazlari – Volgograd, Voljskiy, Kamishii, Uryupinsk, Mixaylovka. Volgograd viloyatida gʻalla ekinlaridan burdoy, tariq, texnika ekinlaridan xantal (gorchitsa) ekiladi, polizchilik (tarvuz), sabzavotchilik rivojlangan. Chorvachilikda koʻproqqoramol, qoʻy va choʻchqa boqiladi. Bogʻdorchilik rivojlangan. Transportida temir yoʻl, suv yoʻli va avtomobil yoʻllari katta oʻrin tutadi. V.v.da 8 oliy oʻquv yurti, 4 teatr, 5 muzey bor (1999).[1]
Hududiy boʻlinishi[tahrir | manbasini tahrirlash]
 |
Vikiomborda Volgograd viloyati haqida turkum mavjud |