Sardor Umurzoqov

Vikipediya, ochiq ensiklopediya
(Sardor Umrzoqovdan yoʻnaltirildi)
Jump to navigation Jump to search
Sardor Oʻktamovich Umurzoqov
Сардор Уктамович Умурзаков
Oʻzbekiston Respublikasi Investitsiyalar va tashqi savdo vaziri
Mansabda
2020-yil 10-mart — 
Hukumat boshligʻi Abdulla Oripov (siyosatchi)
Prezident Shavkat Mirziyoyev
Oʻtmishdoshi lavozim ta'sis etilgan
Oʻzcharmsanoat prezidenti
Mansabda
2018-yil 30-may — 2019-yil 28-yanvargacha
Oʻzbekiston Bosh vazirining oʻrinbosari
Mansabda
2020-yil 10-mart — 
Prezident Shavkat Mirziyoyev
Shaxsiy maʼlumotlari
Tavalludi 23-oktabr 1977-yil (1977-10-23) (43 yosh)
Toshkent, OʻzSSR

Sardor Oʻktamovich Umurzoqov (23-noyabr 1977-yilda tugʻilgan, Toshkent, Oʻzbekiston SSR, SSSR) — Oʻzbekistonning davlat arbobi, 2019-yil 28-yanvardan Oʻzbekiston Respublikasi Investitsiyalar va tashqi savdo vaziri. 2021-yil 8-fevraldan Islom taraqqiyot banki oliy boshqaruv kengashi raisi[1].

Biografiya[tahrir]

1977 yil 23 noyabrda Oʻzbekiston SSR poytaxti Toshkentda tugʻilgan. 1994-1998 yillarda Toshkent Davlat Iqtisodiyot Universitetining „Xalqaro moliya va bank ishi“ fakultetida oliy taʼlim olgan. Bakalavr diplomini olgandan so‘ng,1998-1999 yillarda Reding universitetida (Buyuk Britaniya) oʻqib, „Bank ishi“ ixtisosligi boʻyicha magistr darajasini olgan.

2000—2003-yillar bank sohasida mehnat faoliyatini Oʻzbekiston Respublikasi Tashqi iqtisodiy faoliyat Milliy bankida 2-toifali mutaxassis sifatida boshlagan. Biroz vaqt oʻtgach, u 1-toifali mutaxassis, soʻngra — yetakchi mutaxassis va keyinchalik — Investitsiyalarni boshqarish boʻlimi boshligʻi boʻlib ishlagan. 2003 yilda Oʻzbekiston Respublikasi Tashqi iqtisodiy faoliyat Milliy banki Samarqand bo‘limi boshqaruvchisining oʻrinbosari etib tayinlangan.

2004-yildan 2007-yilgacha Londonda yashab, Yevropa tiklanish va taraqqiyot bankining moliyaviy institutlari biznes guruhining katta bankiri lavozimida ishlagan. Buyuk Britaniyadan qaytgach, 2007 yildan 2013-yilgacha Oʻzbekiston Respublikasi Moliya vazirligi Gʻaznachiligida rahbarlik lavozimlarni egallagan: Toshkent shahar Gʻaznachilik boshqarmasi boshligʻining oʻrinbosari, soʻngra — boshligʻi, keyinchalik — Oʻzbekiston Respublikasi Moliya vazirligi Gʻaznachiligi boshligʻining birinchi oʻrinbosari sifatida faoliyat yuritgan.

2014-yildan 2017-yilgacha — „Oʻzbekcharmpoyabzal“ uyushmasi raisining maslahatchisi. Keyinchalik (2017—2018-yillarda) ushbu uyushmaning Boshqaruvi raisining oʻrinbosari boʻlib ishlagan. Soʻngra, 2018—2019-yillarda „Oʻzbekcharmpoyabzal“ uyushmasi qayta tashkil etilishi natijasida yangidan tuzilgan „Oʻzcharmsanoat“ uyushmasining raisi lavozimida ishlagan.

2019-yil 28-yanvarda Oʻzbekiston Respublikasi Prezidentining Farmoni bilan Sardor Umurzoqov Oʻzbekiston Respublikasi Investitsiyalar va tashqi savdo vaziri etib tayinlangan.

Shuningdek, 2019-yil yanvar oyidan buyon Savdoni tarif va notarif tartibga solish kengashining raisi va Jahon savdo tashkiloti bilan ishlash boʻyicha idoralararo komissiyasining raisi.

2019-yil avgust oyidan — Hududlar va tarmoqlarning eksport salohiyatini rivojlantirish boʻyicha Respublika komissiyasining raisi. Shuningdek, Oʻzbekiston Respublikasining toʻgʻridan-toʻgʻri investitsiyalar jamgʻarmasi Kengashining raisi, „Oʻzagroeksportbank“ ATB Kengashining raisi, "Oʻzbekinvest" eksport-import milliy sugʻurta kompaniyasi Direktorlar kengashining raisi va „Uzbekinvest International Insurance Company“ xalqaro sugʻurta kompaniyasi (London, Buyuk Britaniya) Direktorlar kengashining raisi.

Yevropa Tiklanish va Taraqqiyot Bankining boshqaruvchisi (bosh ofis — London, Buyuk Britaniya).

Osiyo infratuzilmaviy investitsiyalar bankining boshqaruvchisi (bosh ofis — Pekin, XXR).

2019 yilning sentyabr oyidan — Oʻzbekiston Liberal-demokratik partiyasi Siyosiy Kengashi aʼzosi.

Ilmiy darajasi[tahrir]

Iqtisodiy fanlar boʻyicha falsafa doktori (PhD).

Manbalar[tahrir]

Havolalar[tahrir]