Zulayho Mahkamova
| Zulayho Bahriddinovna Mahkamova | |
|---|---|
 | |
| Oʻzbekiston Respublikasi Bosh vazirining oʻrinbosari – Oila va xotin-qizlar qoʻmitasi raisi | |
|
Mansab davri 2024-yil 21-noyabrdan | |
| Prezident | Shavkat Mirziyoyev |
| Bosh vazir | Abdulla Aripov |
| Oʻtmishdoshi | lavozim taʼsis qilingan |
| Shaxsiy maʼlumotlari | |
| Tavalludi |
28-avgust 1968-yil Namangan viloyati Yangiqoʻrgʻon tumani |
| Fuqaroligi | Oʻzbekiston |
| Mukofotlari |
 |
| Vebsayti | https://gov.uz/wcu |
Zulayho Bahriddinovna Mahkamova – Oʻzbekiston Respublikasi Bosh vazirining oʻrinbosari – Oila va xotin-qizlar qoʻmitasi raisi[1].
Tarjimai holi
[tahrir | manbasini tahrirlash]1968-yil 29-avgustda Namangan viloyati Yangiqoʻrgʻon tumanida tugʻilgan.
Taʼlimi
[tahrir | manbasini tahrirlash]1975-yili Yangiqoʻrgʻon tumanidagi 1-sonli maktabga oʻqishga kirib, 1986-yilda aʼlo baholar bilan oʻqishni tamomlagan, shundan soʻng 1986-yili Namangan davlat pedagogika institutini, Prezident huzuridagi Davlat va Jamiyat qurilishi akademiyasini tamomlagan[2].
Mehnat faoliyati
[tahrir | manbasini tahrirlash]Mehnat faoliyatini 1989-yilda Yangiqoʻrgʻon tumanidagi 1-maktab oʻqituvchisi sifatida boshlagan, 1998-yilga qadar xalq taʼlimi sohasida turli lavozimlarda mehnat qilgan (oʻquv ishlari boʻyicha direktor oʻrinbosari, boʻlim mudirasi, katta oʻqituvchi), 1998—2011-yillarda Yangiqoʻrgʻon tumani hokimining oila, onalik va bolalikni ijtimoiy muhofaza qilish masalalari boʻyicha oʻrinbosari etib saylanadi va keyinchalik xotin-qizlar qoʻmitasi raisi lavozimida, soʻngra Fermer va dehqon xoʻjaliklari uyushmasi Yangiqoʻrgʻon tuman vakilligi, Fermerlar uyushmasi Yangiqoʻrgʻon tumani fermer xoʻjaliklariga xizmat koʻrsatish markazi direktori, Yangiqoʻrgʻon tumani hokimining oʻrinbosari – xotin-qizlar qoʻmitasi raisi lavozimlarida faoliyat koʻrsatgan. 2011—2017-yillarda Namangan viloyati kasaba uyushma tashkilotlari birlashmasi raisi, 2017—2018-yillarda viloyati hokimi oʻrinbosari, xotin-qizlar qoʻmitasi raisi lavozimlarida ishlagan[2].
Zulayho Mahkamova 2018-yil 24-apreldan Oʻzbekiston xotin-qizlar qoʻmitasi raisining birinchi oʻrinbosari boʻlib ishlab kelgan va 2020-yildan 4-martdan boshlab Toʻraqoʻrgʻon tumani hokimi vazifasiga oʻtgan. U Oʻzbekistondagi beshinchi ayol hokim boʻldi[3].
2022-yil 1-martdan Oʻzbekiston Respublikasi Oila va xotin-qizlar qoʻmitasi raisi sifatida ishlab kelmoqda[1].
Oilasi
[tahrir | manbasini tahrirlash]Oilali, 2 nafar farzandi bor.
Mukofotlari
[tahrir | manbasini tahrirlash]- Mehnat shuhrati ordeni — 2021-yil 4-mart[4].
Manbalar
[tahrir | manbasini tahrirlash]- ↑ 1,0 1,1 „O‘zbekiston Respublikasi Vazirlar Mahkamasi a’zolarini tayinlash to‘g‘risida“. O‘zbekiston Respublikasi Prezidenti matbuot xizmati (21/11/2024). Qaraldi: 18-avgust 2022-yil.
- ↑ 2,0 2,1 „Zulayho Mahkamova Toʻraqoʻrgʻon tumani hokimi etib tayinlandi“ (2020-yil 4-mart). Qaraldi: 18-avgust 2022-yil.
- ↑ „Zulayho Mahkamova Toʻraqoʻrgʻon tumaniga hokim etib tayinlandi. U Oʻzbekistondagi beshinchi ayol hokim boʻldi“. daryo.uz. Qaraldi: 15-avgust 2022-yil.
- ↑ „Трудовая слава Зулайхо Махкамовой“ (ru). nampravda.uz (2021-yil 4-mart). Qaraldi: 2024-yil 13-dekabr.