Oʻzbekiston Respublikasi Suv xoʻjaligi vazirligi

O‘zbekiston Respublikasi Suv xo‘jaligi vazirligi
Maqomi	Vazirlik
Ishga tushgan sanasi	2018-yilda
Tugatilgan	hozirgacha
Joylashuvi	Toshkent shahri, Mirzo Ulugʻbek tumani, Qorasuv-4 mavzesi, 11-uy
Hududiy xizmati	Oʻzbekiston
Vazir	Shavkat Hamroyev
Bosh mahkamasi	Vazirlik
Til(lar)i	Oʻzbek, Rus
Vebsayti	gov.uz/uz/suvchi

Oʻzbekiston Respublikasi Suv xoʻjaligi vazirligi – Oʻzbekistonda suv resurslarini boshqarish, suv hisobi, hisoboti va balansini yuritish, shuningdek, suvdan foydalanish hamda suv isteʼmoli qoidalariga rioya etilishini nazorat qilish sohasida yagona davlat siyosatini amalga oshiruvchi respublika ijro etuvchi hokimiyat organi hisoblanadi.

Tarixi

1991-yilda Qishloq xoʻjaligi va melioratsiya vazirligi tashkil topgan. 1996-yilda Qishloq va suv xoʻjaligi vazirligiga aylantirilgan. 2018-yil 12-fevralda ikkita vazirlikka: Qishloq xoʻjaligi vazirligi va Suv xoʻjaligi vazirligiga ajratildi^[1].

Vazifalari

Oʻzbekiston Respublikasi Suv xoʻjaligi vazirligining asosiy vazifalari suv resurslarini boshqarish, suv hisobi va balansini yuritish, suvdan foydalanish hamda suv isteʼmoli ustidan nazoratni tashkil etishdan iborat.

Vazirlik quyidagi yoʻnalishlarda faoliyat yuritadi:

suv resurslarini boshqarish sohasida yagona davlat siyosatini amalga oshirish;
aholi, iqtisodiyot tarmoqlari va atrof-muhitning suvga boʻlgan ehtiyojlarini qondirish uchun shart-sharoit yaratish;
suv xoʻjaligi obyektlarini modernizatsiya qilish, qurish va rekonstruksiya qilish ishlarini tashkil etish;
xavf darajasi yuqori boʻlgan gidrotexnika inshootlari xavfsizligi va ishonchli ishlashini nazorat qilish;
suv xoʻjaligida bozor mexanizmlari, davlat-xususiy sheriklik va autsorsingni joriy etish;
suvni tejaydigan texnologiyalar, zamonaviy qurilish materiallari va ilgʻor xorijiy tajribani qoʻllash;
suv hisobi, hisobot, Davlat suv kadastri va maʼlumotlar bazalarini yuritishda raqamli texnologiyalarni joriy qilish;
elektr energiyasidan samarali foydalanish va isteʼmol shaffofligini taʼminlash;
transchegaraviy suv resurslarini boshqarish boʻyicha davlatlararo hamkorlikni rivojlantirish;
suv xoʻjaligi sohasida kadrlar malakasini oshirish, taʼlim va ilmiy-tadqiqot muassasalari bilan integratsiyani kuchaytirish.

Funksiyalari

Vazirlik oʻz vakolatlari doirasida suv xoʻjaligini rivojlantirish konsepsiyasi va strategiyalarini ishlab chiqadi, yagona suv balansini shakllantiradi, Davlat suv kadastrini yuritishni tashkil etadi hamda suvdan foydalanuvchilar va suv isteʼmolchilari boʻyicha maʼlumotlar bazasini shakllantiradi.

Shuningdek, vazirlik suv resurslaridan oqilona foydalanish, suv obyektlarining zararli taʼsirining oldini olish, Orolboʻyi hududida suv xoʻjaligi holatini barqarorlashtirish, gidrotexnika inshootlari xavfsizligini taʼminlash, suvni tejovchi texnologiyalarni joriy etish va xalqaro hamkorlikni rivojlantirish boʻyicha chora-tadbirlarni amalga oshiradi.

Vazirlar

Qishloq va suv xoʻjaligi vazirlari

1996—2002 – Nosirjon Yusupov
2002—2005 – Abduvohid Joʻrayev
2005—2009 – Sayfiddin Ismoilov
2009—2013 – Zafar Roʻziyev
2013—2016 – Shuhrat Teshayev
2016—2018 – Zoir Mirzayev
2018—2022 – Jamshid Xoʻjayev

Suv xoʻjaligi vazirlari
2018-yildan – Shavkat Hamroyev

Ijtimoiy tarmoqlardagi sahifalari

Telegram - https://t.me/suvchi_v

Facebook - https://www.facebook.com/suvchiv

Instagram - https://www.instagram.com/suvchi_v/

Manbalar

↑ arxiv nusxasi, 2017-05-03da asl nusxadan arxivlandi, qaraldi: 2017-05-03

Havolalar

[1] arxiv nusxasi, 2017-05-03da asl nusxadan arxivlandi, qaraldi: 2017-05-03

[1]