Oslo

Vikipediya, ochiq ensiklopediya

Oslo — Norvegiyaning poytaxti.

Oslo (1624—1924 yillarda Kristia-niya) — Norvegiya poytaxti. Osloford sohilida, 300–400 m balandlikda. Iqlimi moʻʼtadil. Yanv.ning oʻrtacha temperaturasi —5° gacha, iyulniki 16°. Yillik yogʻin 677 mm. Aholisi 507,4 ming kishi (2000). Shaharga 1048 yilda asos solingan. 13-asr oxiri — 1380 yillarda Norvegiya qirollarining qarorgohi. 1572 yildan Daniyaga karashli Norvegiyaning maʼmuriy markazi. 1624 yilgi yongʻindan keyin shahar eski oʻrnidan nariroqda qayta qurilgan va Kristianiya deb nomlangan. 1924 yildan O. deb atala boshladi. 1814 yildan mamlakat poytaxti. 1940 yil 9 apr.dan 1945 yil 8 maygacha shaharni nemis fashistlari qoʻshini okkupatsiya qilib turgan.

O. — Norvegiyaning eng katta iqtisodiy va madaniy markazi, yirik dengiz porti. Port orqali mamlakat tashqi savdo yuklarining 1/3 qismi oʻtadi. Temir yoʻl tuguni. Aeroporti xalqaro ahamiyatga ega. O. va uning atrofidagi korxonalar Norvegiyada ishlab chiqarilayotgan sanoat mahsulotining 25%ni beradi. Mashinasozlik va metallsozlik sanoati tarmoqlari rivojlangan. Energetika va kema taʼmirlash, elektrotexnika va radioelektronika, metallurgiya, yogʻochsozlik, toʻqimachilik, poligrafiya, oziq-ovqat va boshqa sanoat korxonalari bor.

Meʼmoriy yodgorliklardan Qirol saroyi, sobor, Milliy teatr va un-t binolari, ratusha va boshqa saqlangan. Metropoliten qurilgan. Shaharda bogʻ koʻp. Un-t (1811), konservatoriya, drama va opera teatrlari, Norvegiya FA, muzeylar, Milliy galereya bor. Bogdyo ya.o.dagi muzeyda F. Nansen va R. Amundsenlarning "Fram" kemasi, T. Xeyerdalning "KonTiki" soli saklanmoqda. O. changʻi sporti markazlaridan. 1952 yilda shaharda 6-qishki Olimpiada boʻlib oʻtgan.[1]

Havolalar[tahrir]

Manbalar[tahrir]

  1. OʻzME. Birinchi jild. Toshkent, 2000-yil