Vaduts — Lixtenshteyn knyazligining poytaxti. Reyn daryosining oʻng sohilida, Retikon togʻi etagida joylashgan. Aholisi 4,8 mingdan ko‘proq kishi (1990-yillar oʻrtalari). V. mamlakatning savdo-moliya markazi. Shaharda mayda sanoat korxonasi koʻp; sanoat mahsulotiningdeyarli hammasi chetga chikariladi. V. va uning atrofida aniq mashinasozlik, asbobsozlik, samolyotsozlik, raketasozlik, sanoati uchun detallar tayyorlovchi korxonalar, Yevropadagi eng katta "Neolitsa" sunʼiy (chinni) tish fabrikasi bor. Hunarmandchilik rivojlangan. Vadutsda yirik bank, kollej, muzeylar, pochta markalari bozori, meʼmoriy yodgorliklardan 9-asrda qurilgan kalʼa bor. Turizm rivojlangan. Shahar 1342 yilda vujudga kelgan.
