Oxun

Vikipediya, ochiq ensiklopediya
Jump to navigation Jump to search

Oxun, oxund (arab. — vaʼzxon, notiq, din targibotchisi) — 1) mulla, muallim, ustoz. Xiva xonligidagi katta madrasalarda O.lar soni koʻp boʻlgan, jumladan, Olloqulixon madrasasida 7 ta O., 2 ta muazzin, 2 ta farrosh, 1 ta sartarosh va meshkobchi xizmat qilgan. Mudarris va O.lar oʻzlari taʼlim berayotgan Madrasa vaqfidan maosh olib turishgan, Madrasa ularga hujra ham ajratgan; 2) Xitoy musulmonlari orasida keng tarqalgan nom. Madrasalarda mudarrislik (oʻqituvchilik) va masjidlarda imomlik qilgan shaxslar hurmat yuzasidan umumlashtirilgan holda O. deb nomlangan. Qashqar aholisi orasida ham hurmat yuzasidan bir-birining ismiga O. soʻzini qoʻshib aytish odat boʻlgan. Shu bois qashqarliklarni O. deb atash oʻzbeklar orasida ham uchrab turadi. [1]

Manbalar[tahrir]

  1. OʻzME. Birinchi jild. Toshkent, 2000-yil