Malabo

Vikipediya, ochiq ensiklopediya

Malabo (1973 yilgacha Santa-Isabel) — Ekvatorial Gvineya Respublikasi poytaxti. Bioko o.da joylashgan. Ikdimi ekvatorial iqlim, yillik oʻrtacha temperatura 25,4°; yiliga 200 mm chamasida yogʻin yogʻadi. Aholisi 40 ming kishidan ziyod. Shaharga 19-asrning 20-yillarida inglizlar tomonidan asos solingan. 1843 yilgacha Port-Klarens, oʻsha yildan Santa-Isabel deb atalgan. 1968 yilgacha Ispaniya mustamlakasi Gvineyaningmaʼmuriy markazi boʻlgan, 1968 yil 12 okt.dan mustaqil Ekvatorial Gvineya Respublikasi poytaxti. 1973 yildan mustamlakachilarga qarshi qoʻzgʻolon boshchisi, qabila boshligʻi nomi bilan M. deb atala boshladi.

M. — Gvineya qoʻltigʻidagi port (kakao, kofe, mevalar eksport qilinadi). Aeroporti xalqaro ahamiyatga ega. Taxta tilish va yogʻochsozlik, oziq-ovqat sanoati korxonalari mavjud. Palma moyi va sovun ishlab chiqariladi. Kutubxonalar, muzeylar bor. M.da hukumat idoralari, prezident saroyi joylashgan. Meʼmoriy yodgorliklari saqlangan.[1]

Manbalar[tahrir]

  1. OʻzME. Birinchi jild. Toshkent, 2000-yil