Monroviya

Vikipediya, ochiq ensiklopediya

Monroviya — Liberiya poytaxti (1847 yildan). Montserrado grafligining maʼmuriy markazi. Sent-Pol daryosining Atlantika okeaniga quyilish yerida joylashgan. Aholisi 450 ming kishidan ziyod. Iklimi subekvatorial, yanvar

ning oʻrtacha temperaturasi 28°, iyulniki 25°. Yiliga 4800 mm dan ortiq yogʻin yogʻadi. M. — yirik port (yillik yuk ortib-tushirish 12 mln. t). Transport yoʻli va avtomobil yoʻllari tuguni. Chetga temir rudasi, kauchuk, palma mevasi magʻzi va moyi chiqariladi. 2 aeroporti xalqaro ahamiyatga ega. Mamlakat sanoat korxonalarining 60% M.da joylashgan. Asosiy sanoat tarmoqlari: oziq-ovqat, yengil, neftni k,ayta ishlash, kimyo. Yogʻochsozlik va qurilish materi-allari ishlab chiqarish ham rivojlangan. Shaharga 1822 yilda AQShda qullikdan ozodlikka chiqib koʻchib kelgan negrlar tomonidan asos solingan va AQSH prezidenta J.Monro (1758—1831) nomi bilan atalgan. M.da davlat unti, kutubxona, milliy muzey va va boshqa bor.[1]

Manbalar[tahrir]

  1. OʻzME. Birinchi jild. Toshkent, 2000-yil