Darvishbek Rahmonov

Vikipediya, ochiq ensiklopediya
Дарвишбек Ўринбоевич Раҳмонов
рус. Рахманов Дарвишбек Урунбаевич
Faoliyati turi: "Qaldirgʻoch" namunali sirk truppasi asoschisi, tashkilotchisi va badiiy rahbari va sirk аrtisti.
Tavallud sanasi: 8.04.1952
Tavallud joyi: Darvishbek Rahmonov Oʻsh shahrida
Fuqaroligi: Flag of Uzbekistan.svg Oʻzbekiston
Turmush oʻrtogʻi: Masturaxon Valiyeva 25.01.1961 tibbiyot hamshirasi, Yangiyoʻl tumanida tugʻilgan.
Otasi: Oʻrinboy Rahmonov - Bobur nomli Oʻsh oʻzbek akademik musiqali drama teatrining asoschisi, teatr аrtisti, shoir.
Onasi: Tursunxon Toʻychiboyeva 1918 - 19.05.1954 Andijon shahrida tugʻilgan.
Bolalari: Xurshid (1988), Xulkaroy (1990), Umidbek (1994), Muxsina (1996).
Mukofotlari: Shuhrat medali, Butunittifoq koʻrik-tanlovlari sovrindori, 1986 yili Toshkent viloyati komsomol mukofoti laureati, Oʻzbekiston Respublikasi koʻrik-tanlovlarida 4 marta mutloq gʻolib, 2 marta ikkinchi oʻrin.

Darvishbek Rahmonov (1952) — "Qaldirgʻoch" namunali sirk truppasi asoschisi, tashkilotchisi, badiiy rahbari va Oʻzbekistonning taniqli sirk sanʼati аrbobi[1].

Xayot yoʻli[tahrir]

Darvishbek Oʻrinboyevich Rahmonov 1952 yili Oʻsh shahrining Shayxlar mahallasida tugʻilgan. Otasi Oʻshda taniqli teatr arbobi Oʻrinboy Rahmonov boʻlgan. Darvishbek polvon otasiga oʻxshab oʻzini umrini sanʼatga bagʻishladi. Toshkent viloyati, Yangiyoʻl tumanidagi "Qaldirgʻoch" namunali sirk truppasi asoschisi, tashkilotchisi va badiiy rahbari lavozimida ishlaydi. Darvishbek 1978 yili yangi tashkil etilgan, sobiq SSSRda estrada va sirk yoʻnalishi boʻyicha uchtagina bilim yurtdan biri boʻlgan Toshkent estrada va sirk sanʼati studiyasiga oʻqishga kirib uni 1981 yili muvaffaqiyatli tamomlaydi. Darvishbek 1981 yili Toshkent viloyati, Yangiyoʻl tumanida "Qaldirgʻoch" namunali sirk truppasini tuzib, 34 yildan oshiq unga badiiy rahbarlik qilib kelmoqda. Uning bevosita rahbarligida sirk jamoasi Butunittifoq koʻrik-tanlovlari sovrindori, 1986 yili Toshkent viloyati komsomol mukofoti laureati, Oʻzbekiston Respublikasi koʻrik-tanlovlarida 4 marta mutloq gʻolibi[2], 2 marta ikkinchi oʻrinni egallashga muvaffaq boʻlgan[3]. Darvishbek polvon haqida Toʻlqin Obidovning 1979 yili nashr etilgan „Oʻzbek polvonlari“ kitobida maʼlumotlar va rasmi chiqqan, 53 bet, 37 bet (surʼatda Darvishbek polvon zanjir bilan ustunga oʻrab qulflangan. Ushbu shov-shuvli namoyishning yagona ijrochisi Darvishbek polvon yelka harakatlari orqali tomoshabinlar oldida temir zanjirlarni uzmoqda. Ushbu namoyish ozodlikka chiqayotgan Afrika xalqlariga bagʻishlangan). S.Gʻoyipova, Y.Tojiboyev, U.Mustafoning 2002 yilda nashr etilgan „Yangiyoʻlning yangi odimlari“ kitobida 68 betda, muqovada va boshqa betlarda Darvishbek Rahmonov va "Qaldirgʻoch"ning oltita rangli fotosurʼatlari chiqqan. Bundan tashqari, Darvishbek polvon va u boshqarayotgan "Qaldirgʻoch" namunali sirk truppasi toʻgʻrisida yuzdan ortiq maqolalar gazeta va jurnallarda chiqqan, Oʻzbekiston televideniesi orqali oʻnlab telekoʻrsatuvlarda chiqishlari namoyish etilgan. Darvishbek Rahmonovning Oʻzbekiston Respublikasi sanʼati va madaniyati rivojlanishiga qoʻshgan hissasi yuksak baholanib, Oʻzbekiston Respublikasining Prezidenti Islom Karimovning 26 avgust 2002 yildagi Farmoniga asosan Darvishbek Rahmonov "Shuhrat" medali bilan taqdirlangan[4]. „Tashkentskaya Pravda“ roʻznomasining 1 betida rasmi chiqan, unda Oʻzbekiston Respublikasi Oliy Majlisi raisi Erkin Xalilov Darvishbek Rahmonovni Shuhrat medali bilan taqdirlamoqda.

Darvishbek Rahmonov Oʻzbekistonda xizmat koʻrsatgan sanʼat arbobi fahriy unvoniga nomzodi koʻrsatildi.

Ijodga kirib kelishi[tahrir]

1975 yilning yozi, Oʻsh shahrida mashhur polvon Ergashxoʻja Norxoʻjayev rahbarligidagi attraksion guruh tomoshalar koʻrsatardi. Darvishbek tosh koʻtaruvchi polvonlarning harakatlarini diqqat bilan kuzatar ekan, oʻzida ham polvonlikka qandaydir ichki ehtiyoj sezdi. Tomosha qizib turgan bir paytda polvon tomoshabinlarga qarab: „Taxtaga qoqilgan mixni kim sugʻurib oladi?“-deb murojaat etadi. Oʻshanda 22 yoshli Darvishbek davraga tushadi va mixni xamirdan qil sugʻurgandek sugʻurib oladi. Qarsaq ustiga qarsak, olqish ustiga olqish boʻladi. Bu muvaffaqiyat tufayli uning kunu-tun sevgan mashgʻuloti tosh koʻtarish boʻlib qoladi. U oltita 32 kilolik toshlarni qoʻlda irgʻitib oʻynar, tishda esa 192 kilolik toshlarni erdan uzib olar, chalqancha yotib ustidagi 30 kishini bemalol koʻtara olardi. Ustiga taxta qoʻyib tanasidan avtomashinani oʻtkazardi. Uning qoʻlida mix qoqishi va sugʻurib olishi, poʻlat zanjirlarni uzishi, qoʻli va tishi bilan temirni egishini koʻrgan tomoshabin hayratdan yoqa ushlardi. Zal qorongʻilashib yana yorishadi. Odamlar bir zum tin oladi. Sahnada Darvishbek Rahmonov illyuzion chiqishlar koʻrsata boshlaydi. Uning moʻʼjizali qoʻllari har xil fokuslarni ijro etadi. Shundoq koʻz oʻngingizda moʻʼjiza sodir etiladi. Kichkina oppoq soqqalar uning elkalari osha koʻkragi boʻylay dumalay boshlaydi. Koʻzbogʻlovchining qoʻllari bu soqqalarni qachon va qay holatda qoʻyib yuborganini koʻzingiz ilgʻamay qoladi. Keyingisi yanada hayratlanarli: sizning yoki yoningizdagi kishining sochlari orasidan, choʻntaklaridan, tugmalari ostidan gugurt choʻplarini va xuddi shu tarzda bir hovuch tangalarni terib oladi. Darvishbek illyuzion chiqishlarini shunday chaqqonlik, noziklik bilan bajaradiki, buni koʻrib xaqiqiy sanʼat va mahorat egasiga tan berasiz. Darvishbek odamlar nigohini sehrlab gipnoz seanslarini ham namoyish etadi.

Taqdimot[tahrir]

Shu davr mobaynida "Qaldirgʻoch" koʻp marta chet ellarda ijodiy safarlarda boʻlgan. Toshkent shahrida oʻtkaziladigan har bir bayram tadbirlarida "Qaldirgʻoch" sirk jamoasi faol qatnashib keladi. Ustoz ishonchini oqlab Darvishbek polvon rahbarlik qilayotgan namunali sirk jamoasidan 34 yil ichida koʻplab shogirdlari, jonglyorlari, akrobatlari, ekvilibristlari, koʻz bogʻlovchilari, pantomimchilari, qiziqchi-masxarabozlari, dorbozlari va "Qaldirgʻoch" sirk truppasining boshqa sobiq shogirdlari Toʻychi Tojiboyev (Toʻychi Xon)[5], Zuhra Parpiyeva (Tojiboyeva)[6], Azamat Mahkamov, Baxtiyor Tojiboyev, K.Jabborova, Aleksandr Sorokin[7].hozirgi kunda xorijiy professional sirk maydonlarida oʻz sevgan sanʼatlarini namoyish etishmoqda. Darvishbek polvon hamisha izlanishda, yangi original postanovkalarni qoʻyadi. Dasturlarida koʻchirmachilik koʻrinmaydi, chiqishlari boshqa jamoalardan farq qiladi, ular ijro etgan tomoshalar boshqa guruhlarda qaytarilmaydi. Darvishbek polvon turmush oʻrtogʻi Masturaxon Valiyeva bilan toʻrt farzand va uchta nevarasini tarbiyalamoqda va sanʼat yoʻlida ularga ustozlik qilmoqda.

Sirk sulolasi[tahrir]

Ot oʻrnini toy bosar deganlariday Darvishbek Rahmonovning farzandlari Xurshid, Xulkaroy, Umidbek, Muxsinalar "Qaldirgʻoch" sirk jamoasining faol aʼzolari. Ular otasidan sirk sanʼati sirlarini oʻrganishib, bugungi kunda original sirk postanovkalarini qoʻyishmoqda[8]. Oʻgʻli Umidbek yoshligidan sirkka qiziqib, besh yoshida jahonda eng yosh narvon ekvilibristi boʻlgan. U 6 yoshida respublika televizion tanlovining gʻolibi boʻlgan. Shuning uchun Rahmonovlar sirk sulolasidir.

Olgan mukofotlari va sovrinlari[tahrir]

Adabiyotlar[tahrir]

Manbalar[tahrir]

Havolalar[tahrir]