Fokus

Vikipediya, ochiq ensiklopediya
Jump to navigation Jump to search

Fokus (lot. focus — oʻchoq, olov), optikada — nurlarning parallel dastasi optik tizimdan oʻtganidan soʻng dasta nurlari kesishadigan (yoki, agar tizim parallel dastani yoyiluvchi dastaga aylantirsa, nurlarning davomi kesishadigan) nuqta. Agar nurlar tizimning optik oʻqiga parallel boʻlsa, F. shu oʻkda joylashadi; bu holda u bosh F. deb ataladi. Har qaysi optik tizim ikkita bosh F.ga ega: predmet joylashgan fazodagi old bosh F. va tasvir hosil boʻlgan fazodagi orqa F. (yana q. Linza). Ideal optik tizimda hamma F. lar tizimning optik oʻqiga perpendikulyar boʻlgan vafokal tekislik deb ataladigan tekislikda yotadi. Real tizimda esa F. boshqa bir fokal sirtda joylashishi mumkin.