Kontent qismiga oʻtish

Namangan xalqaro aeroporti

Vikipediya, erkin ensiklopediya
Namangan xalqaro aeroporti
IATA kodi: NMA – ICAO kodi: UTKN
Qisqacha bayon
Aeroport turi Davlat mulki
Egasi Uzbekistan Airports AJ
Operator Namangan xalqaro aeroporti MChJ
Xizmat doirasi Namangan
Joylashuvi Namangan, Namangan viloyati, Oʻzbekiston bayrogʻi Oʻzbekiston
Dengiz sathidan balandligi https://www.uzairways.com/en/flights/international-airport-namangan ft / 474 m
Koordinatalari 40°59′04″N 071°33′24″E / 40.98444°N 71.55667°E / 40.98444; 71.55667
Xarita
NMA (Oʻzbekiston)
NMA
Aeroportning Oʻzbekiston xaritasidagi joylashuvi
Uchish/qoʻnish yoʻlaklari
Uzunligi Yuzasi
ft m
10/28 10,698 3,261 Asfalt
Maʼlumotlar (2024)
Yoʻlovchilar soni 759 819 [1]
Parvozlar soni 5 404[1]
Manba: World Aero Data[2]

Namangan aeroporti (IATA: NMA, ICAO: UTFN) – Namangan viloyati Namangan shahri gʻarbida joylashgan xalqaro aeroport.

1992-yil 4-fevraldagi VMQ-44-sonli qaror bilan Namangan aeroporti yangi tashkil etilgan Oʻzbekiston havo yoʻllari tarkibiga kiritilgan[3].

2018-yil 27-noyabrdagi PF-5584-sonli prezident farmoni bilan Oʻzbekistondagi aeroportlarni boshqarish uchun Uzbekistan Airports kompaniyasi tashkil etildi[4] va Namangan aeroporti ham yangi kompaniya tarkibiga kiritildi.

Aloqalari

[tahrir | manbasini tahrirlash]

„Sharqiy“ hab

[tahrir | manbasini tahrirlash]
Namangan xalqaro aeroporti 2024-yilda

Namangan xalqaro aeroporti 2021-yilgacha „Oʻzbekiston havo yoʻllari“ Milliy aviakompaniyasi va MDH davlatlarining boshqa aviakompaniyalari samolyotlari uchun muqobil aerodrom boʻlgan [5].

Biroq 2021-yilda „Oʻzbekiston havo yoʻllari“ Milliy aviakompaniyasi Fargʻona vodiysidagi ikkita aeroport – Namangan va Fargʻona shaharlari xalqaro aeroportlari hududida „Sharqiy“ habni tashkil etishga qaror qildi.

2022-yil 30-yanvar kuni Oʻzbekiston Respublikasi Transport vazirligi koʻmagida Oʻzbekiston havo yoʻllari va Uzbekistan Airports kompaniyalarining qoʻshma loyihasi boʻlgan „Sharqiy“ hab yoʻlga qoʻyildi. Loyiha Rossiyaning 9 shahriga – Moskva, Orenburg, Ufa, Samara, Omsk, Irkutsk, Krasnodar, Yekaterinburg hamda Perm shaharlariga toʻgʻridan-toʻgʻri arzon reyslarni amalga oshirishni nazarda tutadi [6].

„Oʻzbekiston havo yoʻllari“ Milliy aviakompaniyasi tomonidan „Sharqiy“ hab tashkil etilishining asosiy maqsadi – Fargʻona vodiysidan talab yuqori boʻlgan yoʻnalishlar boʻyicha parvoz qilish uchun shart-sharoitlar yaratish hisoblanadi[7]. Loyihaga koʻra, aviakompaniya mintaqadan Rossiya Federatsiyasi va Fargʻona vodiysi aholisi orasida mashhur boʻlgan uzoq xorij shaharlariga yoʻnalish tarmogʻini kengaytirish maqsadida Namangan va Fargʻona shaharlarining xalqaro aeroportlaridan foydalanadi.

Milliy aviakompaniyaning Uzbekistan Airways Express havo kemalarida Full Economy (toʻliq iqtisodiy sinf) tamoyili asosida Namangandan Moskva, Perm, Samara, Omsk, Orenburg, Irkutsk, Krasnodar va Yekaterinburgga toʻgʻridan-toʻgʻri muntazam aviaqatnovlarni amalga oshirishni boshladi. Ilk parvoz 2022-yilning 30-yanvar kuni Namangan-Perm yoʻnalishida amalga oshirildi[8]. Ushbu reysda „Oʻzbekiston havo yoʻllari“ning Airbus A320 samolyoti 174 nafar yoʻlovchini Rossiyaning Perm shahridagi xalqaro aeroportga yetkazdi[9]. 31-yamvar kuni esa Namangandan Moskva va Orenburgga parvozlar qilindi [6].

„Oʻzbekiston havo yoʻllari“ Milliy aviakompaniyasi Fargʻona vodiysi boʻylab bir qator yoʻnalishlar boʻyicha aviachiptalar narxini 30 foizga pasaytirdi. Narxlar pasayishiga samolyotdagi oʻrindiqlar sonining koʻpayishi va xizmat koʻrsatish (oziq-ovqat, bagaj) xarajatlarining kamayishi hisobiga erishildi[6].

Aviakompaniyalar va yoʻnalishlar

[tahrir | manbasini tahrirlash]
Aviakompaniya Manzillar
Centrum Air Bishkek (2025-yil 28-iyundan boshlanadi)[10], Istanbul[11], Moskva–Sheremetyevo (2025-yil 22-iyundan boshlanadi)[12], Novosibirsk (2025-yil 23-iyundan boshlanadi)[12], Sankt-Peterburg (2025-yil 25-iyundan boshlanadi)[12]
flynas Jidda[13]
Jazeera Airways Kuvayt[14]
Qanot Sharq Istanbul[15], Moskva–Domodedovo[16], Sankt-Peterburg[16]
Red Wings Airlines Mahachqalʼa
Silk Avia Toshkent[17]
Ural Airlines Irkutsk[18], Moskva–Domodedovo[19], Moskva–Jukovskiy, Sochi[20], Yekaterinburg[21]
Uzbekistan Airways Moskva–Vnukovo[22], Sankt-Peterburg[23], Sochi[20], Toshkent, Yekaterinburg

Manbalar

[tahrir | manbasini tahrirlash]
  1. ↑ 1,0 1,1 Passajiropotok aeroportov Uzbekistana viros na 30%
  2. ↑ „arxiv nusxasi“. 2017-yil 11-iyulda asl nusxadan arxivlangan. Qaraldi: 2017-yil 23-iyun.
  3. ↑ „“O‘zbekiston Respublikasi hududida havo transportini boshqarish tizimi to‘g‘risida” gi O‘zbekiston Respublikasi Prezidenti huzuridagi Vazirlar Mahkamasining 44-sonli qarori“. lex.uz. Toshkent: Oʻzbekiston Respublikasi Adliya vazirligi (1992-yil 4-fevral). Qaraldi: 12-iyun 2025-yil.
  4. ↑ „"O‘zbekiston Respublikasining fuqaro aviatsiyasini tubdan takomillashtirish chora-tadbirlari to‘g‘risida" gi PF-5584-sonli Oʻzbekiston Respublikasi Prezidentining Farmoni“. lex.uz. Oʻzbekiston Respublikasi Adliya vazirligi (2018-yil 27-noyabr). Qaraldi: 7-may 2025-yil.
  5. ↑ „"Namangan" xalqaro aeroporti“. namangan.uz. Namangan viloyati hokimligi. Qaraldi: 8-iyun 2023-yil.
  6. ↑ 6,0 6,1 6,2 „В аэропорту Намангана запущен проект «Восточный хаб»“. Kun.uz (2022-yil 31-yanvar). Qaraldi: 8-iyun 2023-yil.
  7. ↑ „“Sharqiy” xab – Fargʻona vodiysi shaharlaridan foyda bilan sayohat qiling“. uzairways.com. Oʻzbekiston havo yoʻllari. Qaraldi: 8-iyun 2023-yil.
  8. ↑ Abduvaliyev, Azizbek. „Namangan xalqaro aeroportidan “Sharqiy xab” loyihasi doirasidagi ilk parvoz amalga oshirildi“. Daryo.uz (2022-yil 30-yanvar). Qaraldi: 8-iyun 2023-yil.
  9. ↑ „«Восточный хаб»: низкобюджетные авиаперевозки между Ферганской долиной Узбекистана и городами России“. aviatioin21.ru. Qaraldi: 8-iyun 2023-yil.
  10. ↑ „Centrum Air June 2025 Regional Network Expansion“. Aeroroutes. Qaraldi: 2025-yil 11-iyun.
  11. ↑ Liu, Jim. „Centrum Air Plans Istanbul late-May 2025 Launch“ (en-CA). AeroRoutes (2025-yil 23-may). Qaraldi: 2025-yil 23-may.
  12. ↑ 12,0 12,1 12,2 Razzokov, Nodirbek. „Centrum Air launches 15 new Uzbekistan–Russia flights“ (en). Uzbekistan and world news, latest news. "Zamin" - News of Uzbekistan (2025-yil 5-iyun). Qaraldi: 2025-yil 9-iyun.
  13. ↑ Liu, Jim. „flynas NW24 Selected International Service Changes – 24NOV24“ (en-CA). AeroRoutes (2024-yil 29-noyabr). Qaraldi: 2024-yil 29-noyabr.
  14. ↑ „Jazeera Airways Schedules Namangan late-Sep 2022 Launch“.
  15. ↑ „QANOT SHARQ SCHEDULES ISTANBUL LAUNCH FROM JUNE 2024“. Aeroroutes. Qaraldi: 2023-yil 29-may.
  16. ↑ 16,0 16,1 Liu, Jim. „Qanot Sharq Moscow Service Changes From August 2024“ (en-CA). AeroRoutes (2024-yil 31-iyul). Qaraldi: 2024-yil 5-avgust.
  17. ↑ „Отечественный лоукостер Silk Avia запускает новые «авиамаршрутки» из Ташкента и Ферганы“. Podrobno.uz.
  18. ↑ Liu, Jim. „Ural Airlines Resumes 4 Irkutsk Regional Routes in NW24“ (en-CA). AeroRoutes (2024-yil 15-oktyabr). Qaraldi: 2024-yil 20-oktyabr.
  19. ↑ „"Уральские авиалинии" в январе запускают рейсы в пять городов Узбекистана“ (ru). Interfax-Tourism (2023-yil 26-dekabr). Qaraldi: 2023-yil 26-dekabr.
  20. ↑ 20,0 20,1 „Аэропорт Сочи расширяет международную программу“. НИА-Кубань (2024-yil 7-mart). Qaraldi: 2024-yil 7-mart.
  21. ↑ Истомина, Анастасия. „«Уральские авиалинии» запустят рейсы в четыре города Узбекистана“ (ru). Новый День (2023-yil 26-dekabr). Qaraldi: 2023-yil 26-dekabr.
  22. ↑ „Uzbekistan Airways Moscow Service Changes From Oct 2023“. Aeroroutes. Qaraldi: 2023-yil 22-sentyabr.
  23. ↑ „Больше рейсов в Фергану и Наманган!“ (ru). AeroTur. Official website for Uzbekistan Airways tickets sales, supported by Aerotur LLC. Qaraldi: 2024-yil 13-fevral.

Havolalar

[tahrir | manbasini tahrirlash]
"https://uz.wikipedia.org/w/index.php?title=Namangan_xalqaro_aeroporti&oldid=5472950" dan olindi