Termiz xalqaro aeroporti
Termiz xalqaro aeroporti Термиз халқаро аэропорти | |||
---|---|---|---|
![]() | |||
IATA kodi: TMJ – ICAO kodi: UTST | |||
Qisqacha bayon | |||
Aeroport turi | yo'lovchi tashish | ||
Egasi | ![]() | ||
Operator | Oʻzbekiston havo yoʻllari | ||
Xizmat doirasi | Termiz | ||
Joylashuvi | Termiz, Surxondaryo viloyati, Oʻzbekiston | ||
Dengiz sathidan balandligi | 1 027 ft / 313 m | ||
Koordinatalari | 37°17′12″N 067°18′36″E / 37.28667°N 67.31000°E | ||
Xarita | |||
| |||
Uchish/qoʻnish yoʻlaklari | |||
Uzunligi | Yuzasi | ||
m | ft | ||
07/25 | 3,000 | 9,843 | Beton |
Manba:[1] |
Termiz xalqaro aeroporti (IATA: TMJ, ICAO: UTST) — Termiz shahri yaqinidagi xalqaro aeroport.
Tavsif
[tahrir | manbasini tahrirlash]Termiz aeroporti Oʻzbekiston Respublikasidagi yirik aviatashkilotlardan biri hisoblanib uning asosiy faoliyati quyidagilardan iboratdir:
- Havo kemalariga yerda xizmat koʻrsatish;
- Yoʻlovchilarga xizmat koʻrsatish;
- Yuklarga xizmat koʻrsatish;
- Pochtaga xizmat koʻrsatish;
Termiz aeroporti „Oʻzbekiston havo yoʻllari“ Milliy aviakompaniyasi tarkibiga kiradi. „Termiz“ aeroporti 1 soatda 100 ta aviayulovchilarga xizmat koʻrsatish imkoniyatiga ega. Yongʻin xavfsizligi boʻyicha UTPZ (Yongʻindan himoyalash talablari darajasi) ning 8- darajasiga teng. „Termiz“ aeroporti kecha-kunduz davomida ishlaydi va barcha turdagi (jumladan A-320, A-310, Boing 737, 757, 767, Il-114, Il-76) havo kemalari va barcha turdagi vertolyotlarni qabul qiladi. Termiz aeroporti 2010-yil dekabr oyida ISO 9001: 2008 xalqaro standartlariga muvofiq „Rus registori“ assotsiatsiyasining sertifikatiga ega boʻldi. Termiz aeroporti havo kemalari xizmat koʻrsatish bilan bogʻliq masalalar boʻyicha maxsus avtotransport parkini doimiy ravishda yangilanishni amalga oshirib kelmoqda. Avtomobil parkida muzlashga karshi suyuqlik bilan ishlov beruvchi ISUZU avtomashinasi, aerodrom qoplamasini tozalash uchun AIST-5 VMU shamol purkash avtomashinasi, shuningdek havo kemalarini elektr bilan taʼminlovchi „Utronnik GPU — 150“ rusmli qurilma, gʻarbda ishlab chiqarilgan havo kemalariga yuklarni ortish va tushirishga moʻljallangan „Trepel“, yoʻlovchilar uchun „ABS — 580“ rusmli avtotraplar hamda barcha turdagi zamonaviy havo kemalarini havo yordamida yurgizuvchi qurilmalar mavjud. Ruxsatnoma nazorat punktlarida xavfsizlikni taʼminlash uchun zamonaviy maxsus uskunalar oʻrnatilgan. Termiz aeroportida havo kemalarini ekspluatatsiya qilish va unga xizmat koʻrsatish xalqaro IKAO standartlariga muvofiqdir. Aeroportdan Toshkent, Moskva shahriga muntazam qatnovlar amalga oshiriladi hamda Yevropa va Osiyo mamlakatlariga charter qatnovlari amalga oshiriladi. Yoʻlovchi va yuk tashuvlari yildan yilga oʻsib bormoqda. Axborotlar texnologiyasini rivojlanishi munosabati bilan aeroport tashuvlarni tashkil qilish xizmatida yoʻlovchilarga sifatli xizmat koʻrsatish uchun elektron koʻrinishdagi aviachiptalarni sotish hamda SDCS global tizimida yoʻlovchilarni qayd qilish joriy etildi, aerovokzal binosi 2011-yilda qayta taʼmirlanib ishga tushirildi[2].
Aviakompaniyalar va yoʻnalishlar
[tahrir | manbasini tahrirlash]Aviakompaniya | Manzillar |
---|---|
Azimut | Sochi[3] |
Centrum Air | Moskva–Sheremetyevo[4] |
Silk Avia | Qoʻqon, Toshkent[5] |
Oʻzbekiston havo yoʻllari | Moskva–Vnukovo[6], Sankt-Peterburg, Toshkent |
Manbalar
[tahrir | manbasini tahrirlash]- ↑ Aeroport haqida TMJ Great Circle Mapper'da.
- ↑ arxiv nusxasi, 2017-07-02da asl nusxadan arxivlandi, qaraldi: 2017-06-25
- ↑ „Azimut 1-apreldan Termiz-Sochi reyslarini yo'lga qo'yadi“ (uz-Latn). Spot – Biznes va texnologiyalar (2024-yil 12-mart). Qaraldi: 2024-yil 12-mart.
- ↑ Liu, Jim. „Centrum Air NS25 Network Additions: A330 Service Entry“ (en-CA). AeroRoutes (2025-yil 14-yanvar). Qaraldi: 2025-yil 14-yanvar.
- ↑ „Отечественный лоукостер Silk Avia запускает новые «авиамаршрутки» из Ташкента и Ферганы“.
- ↑ „Uzbekistan Airways Moscow Service Changes From Oct 2023“. Aeroroutes. Qaraldi: 2023-yil 22-sentyabr.
![]() | Aeroportga oid ushbu maqola chaladir. Siz uni boyitib, Vikipediyaga yordam berishingiz mumkin. |