Afrodita

Afrodita — yunon afsonasida dastlab hosildorlik, keyinroq sevgi va goʻzallik maʼbudasi. A. dengiz xudosi va dengiz sayohatchilarining homiysi ham edi. Afsonalarga qaraganda, A. Dengiz koʻpigida tugʻilgan, asosiy ibodatxonalaridan biri Qibris o.ning Pafos shahrida boʻlgan. A.ga sigʻinish oldin Kichik Osiyo, Qibris o. va boshqa orollarda keng yoyilgan boʻlsa, keyinroq Bolqon yarim orol va Yunonistonga tarqalgan. A. qad. rimliklarda Venera deb yuritilgan.