Xalqaro islom universiteti (Islomobod)

Vikipediya, ochiq ensiklopediya
Xalqaro islom universiteti (Islomobod)
(IIUI)
Asl nomi arabcha: الجامعة الإسلامية العالمية إسلام آباد, urdu: بین الاقوامی جامعہ اسلامی اسلام آباد
Shiori

arabcha: وفوق كل ذي علم عليم

(tarjimasi:Barcha ilm egalarining ustida o'ta bilguvchi bordir)
Asos solingan 1980 (44 yil avval) (1980)
Oʻquv yurti turi davlat universiteti
Prezident Prof. Dr. Hathal Homoud Alotaibi
Rektori Samina Malik
Talabalari 28,000-30,000
Bakalavriat 16,000-18,000
Magistratura 10,000-12,000
Doktorantura 400 to 500
Oʻqituvchilar 2000 dan 2500 gacha ta
Kampusi shahar ichida 704 acre (285 ha)
Manzili Islomobod, Pokiston
Vebsayti iiu.edu.pk

Koordinatalari: 33°39′24.230015999999″N 73°1′29.139996″E / 33.65673055999999974°N 73.02476111000°E / 33.65673055999999974; 73.02476111000 G O

Xalqaro Islom universiteti, Islomobod, yoki IIUI, (arabcha: الجامعة الإسلامية العالمية إسلام آباد, urdu: بین الاقوامی جامعہ اسلامی اسلام آباد) Pokistonning Islomobod shahrida joylashgan davlat tadqiqot universitetidir[1][2][3]. U 1980-yilda tashkil etilgan va 1985-yilda qayta tuzilgan hamda Pokistondagi oliy taʼlim uchun qimmatli manba boʻlib qolmoqda. Universitet muntazam ravishda Pokiston Oliy Taʼlim Komissiyasi tomonidan Pokistonning tan olingan universitetlari va nufuzli diplom beruvchi muassasalari qatoriga kiradi[1][4]. Universitet Pokistondagi Times Higher Education World University Rankings tomonidan 2022-yilgi oliy universitetlar reytingida qoʻshma ikkinchi oʻrinni egallagan. Shuningdek, u doimiy ravishda Pokiston Oliy Taʼlim Komissiyasi tomonidan umumiy toifa boʻyicha mamlakatdagi eng yaxshi universitetlar qatoriga kiradi.

Tavsifi[tahrir | manbasini tahrirlash]

Universitet zamonaviy mamalakatdagi islom, ilohiyot va islomshunoslik markazidir[5][6].

Universitet 1980-yilda Pokiston ichkarisida moliyalashtirish va Saudiya Arabistoni chet el xayriyalari hisobidan tashkil etilgan[7]. Universitet qozilar, prokurorlar, madrasa oʻqituvchilari, juma xatiblari va imomlar uchun islom huquqi boʻyicha taʼlim beradi[7][6].

Muassasa nafaqat mahalliy, balki Markaziy va Janubi-Sharqiy Osiyodan ham talabalarni jalb qiladi[7].

2012-yilda universitet Oliy taʼlim komissiyasi tomonidan umumiy universitetlar toifasida toʻrtinchi oʻrinni egallagan[8]. 2014-yil fevralida Saudiya Arabistoni qiroli Abdullohga siyosat va xalqaro munosabatlar boʻyicha faxriy doktor unvonini bergan[9]. Huquq, fan, muhandislik va texnologiya, gumanitar fanlar, sanʼat, diniy fanlar, ijtimoiy va tabiiy fanlar boʻyicha bakalavriat va aspirantura dasturlarida oʻqishlikni taklif etadi.

Kampuslari[tahrir | manbasini tahrirlash]

Yangi talabalar turar joyi
Kirish qismi
IIUI talabalar yotoqxonasining qizlar bloki

Universitet ikkita kampusga ega.

Eski kampus[tahrir | manbasini tahrirlash]

Eski kampus Faysal masjidi yaqinida joylashgan. Masjid loyihasi turkiyalik arxitektor Vedat Dalokay tomonidan ishlab chiqilgan. Uni universitetga Saudiya Arabistoni qiroli Faysal hadya qilgan. Masjid dunyodagi eng katta masjidlardan biri boʻlib, oʻzining namozgohi, ayollar galereyasi va hovlisiga oʻn minglab odamlarni sigʻdira olishi bilan boshqa masjidlardan ajralib turadi[10][11][12].

Yangi kampus[tahrir | manbasini tahrirlash]

Yangi kampus Islomobodning H-10 sektorida bunyod etilgan[13]. Yangi kampus qurilishining birinchi bosqichi 2013-yilda yakunlangan. Oʻshandan beri ayollar uchun kampus hududi tashkil etilgan. 2006-yilda Markaziy kutubxona va Linkoln burchagi qurilishi yakunlangan.

Fakultetlari[tahrir | manbasini tahrirlash]

Universitet quyidagi fakultetlardan iborat:

Hisob-kitob fakulteti[tahrir | manbasini tahrirlash]

Hisob-kitob fakultetida (2016-yilda tashkil etilgan) informatika va dasturiy injiniring fanlaridan dars beriladi.

Arab tili fakulteti[tahrir | manbasini tahrirlash]

Arab tili fakultetida arab tili, adabiyoti, tilshunoslik, va tarjimonlik fanlaridan dars beriladi[14].

Fanlar fakulteti[tahrir | manbasini tahrirlash]

Fanlar fakultetida (2003-yilda tashkil etilgan) fizika va nanotexnologiya, matematika va statistika, atrof-muhit fanlari, biotexnologiya va bioinformatika fanlari oʻqitiladi[15].

Muhandislik va texnologiya fakulteti[tahrir | manbasini tahrirlash]

Muhandislik va texnologiya fakulteti (2007-yilda tashkil etilgan) elektrotexnika, mashinasozlik va qurilish muhandisligi boʻyicha turli darajadagi kurslarda oʻqishlikni taklif qiladi[16]. Unda koʻplab xorijiy malakali professor-oʻqituvchilar mavjud.

Iqro texnologiya kolleji[tahrir | manbasini tahrirlash]

Iqro Texnologiya kolleji (AKT) IIUI taʼsis kolleji hisoblanadi. U B.Tech (Hons) va Associate Engineering Diplom (DAE) dasturlarida oʻqishlikni taklif etadi. U PEC tomonidan tan olingan fakultetga ega[17].

Tillar va adabiyot fakulteti[tahrir | manbasini tahrirlash]

Tillar va adabiyot fakulteti ingliz, fors va urdu tillarida bakalavr, magistr va PhD darajalarida oʻqishlikni taklif etadi[18].  

Boshqaruv fanlari fakulteti[tahrir | manbasini tahrirlash]

Menejment fanlari fakulteti 1995-yilda tashkil etilgan. 1996-yilda Biznes boshqaruvi kafedrasi Biznes boshqaruvi magistri dasturida oʻqishlikni taklif qilgan. Texnologiyalarni boshqarish kafedrasi 1998-yilda tashkil etilgan. Bu universitetning eng yirik fakulteti boʻlib, unda 3700 ga yaqin talaba roʻyxatdan oʻtgan[19].

Shariat va huquq fakulteti[tahrir | manbasini tahrirlash]

Shariat va huquq fakulteti ilk bor Quaid-i-Azam universitetida 1979-yilda tashkil etilgan. 1980-yilda Islomobod xalqaro islom universiteti tarkibiga kiritilgan. Doktoranturaga qabul qilingan talabalar dissertatsiyani boshlashdan oldin bir yillik majburiy kurs ishlarini yakunlaydilar. Ushbu fakultetni 900 dan ortiq talaba tamomlagan[20].

Ijtimoiy fanlar fakulteti[tahrir | manbasini tahrirlash]

Ijtimoiy fanlar fakulteti antropologiya, taʼlim, siyosat va xalqaro munosabatlar, psixologiya, tarix va pokistonshunoslik, islom sanʼati va arxitekturasi, ommaviy kommunikatsiyalar va sotsiologiya singari sohalar boʻyicha ilmiy darajalarni taklif etadi[21].

Islomshunoslik fakulteti[tahrir | manbasini tahrirlash]

Islomshunoslik fakulteti (Usuluddin) 1981-yilda tashkil etilgan. U tafsir va Qurʼon ilmlari, hadis ilmi, qiyosiy dinshunoslik, daʼvat va islom madaniyati, aqida va falsafa, siyrat va islom tarixi boʻyicha turli darajalarda oʻqishlikni taklif etadi. Daʼvat akademiyasi 1985-yil mart oyida tashkil etilgan. Shariat kadrlar tayyorlash instituti 1981-yilda tashkil etilgan va 1985-yilda akademiyaga aylangan[22].

Usuluddin fakultetida turli xil xalqaro professor-oʻqituvchilar faoliyat yuritadi. Ularning aksariyat qismi Al-Azhar universiteti[23] bitiruvchilaridir.

Taʼsis birliklari[tahrir | manbasini tahrirlash]

Zamonaviy tillar boʻyicha malaka oshirish markazi[tahrir | manbasini tahrirlash]

Zamonaviy tillar boʻyicha malaka oshirish markazi xorijiy va milliy universitetlarga (masalan, HEC stipendiyalariga) oʻqishga kirmoqchi boʻlgan yoki ish qidirayotgan talabalar uchun ingliz, xitoy va urdu tillaridan tayyorgarlik kurslarida oʻqishlikni taklif qiladi. Shuningdek, u ingliz tilini oʻrganish dasturiga ham ega[24].

Xalqaro islom iqtisodiyoti instituti[tahrir | manbasini tahrirlash]

Universitet qoshidagi Xalqaro Islom iqtisodiyoti instituti 1983-yilda tashkil etilgan. U islom bank ishi va moliyasi, ekonometrik va qishloq rivojlanishi boʻyicha turli darajalarni taklif etadi. Fakultet tarkibida tadqiqot va oʻqitish boʻlimi ilmiy tadqiqotlarni ragʻbatlantiradi hamda davlat va xususiy moliya shuningdek akademik institutlar xodimlari uchun treninglar tashkillashtiradi[25].

Islom tadqiqot instituti[tahrir | manbasini tahrirlash]

Iqbol xalqaro tadqiqot va muloqot instituti[tahrir | manbasini tahrirlash]

Kasbiy tadqiqotlar instituti[tahrir | manbasini tahrirlash]

Shariat akademiyasi[tahrir | manbasini tahrirlash]

Kutubxonalari[tahrir | manbasini tahrirlash]

Markaziy kutubxona[tahrir | manbasini tahrirlash]

Markaziy kutubxona yangi kampusda joylashgan. Muhammad Hamidulla nomidagi xalqaro islom iqtisodiyoti instituti kutubxonasi ham faoliyat yuritadi. Unda iqtisod va islom boshqaruviga aloqador, islom huquqiga oid nodir kitoblar mavjud.

Islom tadqiqot instituti kutubxonasi[tahrir | manbasini tahrirlash]

Islom ilmiy-tadqiqot instituti kutubxonasi islom haqidagi koʻplab kitoblarni oʻzida jamlagan.

Muhandislik va texnologiya kutubxonasi[tahrir | manbasini tahrirlash]

Muhandislik va texnologiya kutubxonasida 25 mingga yaqin kitob mavjud. Oʻn beshta davriy nashrga obuna boʻlib, oʻnta gazeta xarid qilinadi. Kutubxonadan ellik kishi bir vaqtda foydalanishi mumkin. 550 ta ilmiy hisobot va tezislar ham bor.

Daʼvat akademiyasi kutubxonasi[tahrir | manbasini tahrirlash]

Daʼvat akademiyasi kutubxonalari Daʼvat akademiyasi tadqiqotchi olimlar, akademiklar, kurs ishtirokchilari va keng jamoatchilikning axborot ehtiyojlarini qondirish uchun besh turdagi kutubxonaga ega. Bular Daʼvat tadqiqot kutubxonasi, Doktor Mehmud Ahmad Gʻoziy kutubxonasi, Ayollar kutubxonasi, Daʼvat bolalar kutubxonasi, Faysal masjidi Islomobod kampusidagi kutubxona va Karachidagi Mintaqaviy daʼvat markazi (Sindh) kutubxonasi.

Shariat akademiyasi kutubxonasi[tahrir | manbasini tahrirlash]

Shariat akademiyasi kutubxonasida Qurʼonshunoslik, Hadisshunoslik, Paygʻambarning tarjimai holi, Islom huquqi va Anglosakson huquqiga oid 8976 nafar kitob va jurnallar toʻplami mavjud. Shuningdek, tadqiqot jurnallari kutubxonasi, Islomshunoslik kutubxonasi, Al-Dirassat al-Islomiya, Fikro Nazar, Insights kutubxonasi va Mayor kutubxonasi kabi bir qator idoraviy kutubxonalar ham faoliyat yuritadi. Universitet Biznes va menejment fanlari jurnalini (JBMS) nashr etadi.

Doktor Hamidulla kutubxonasi[tahrir | manbasini tahrirlash]

U Faysal masjidining yertoʻlasida joylashgan boʻlib, unda turli mavzularda katta hajmdagi kitoblar jamlangan.

Yotoqxonalari[tahrir | manbasini tahrirlash]

Universitet infratuzilmasi yettita oʻquv binosini oʻz ichiga oladi. Universitet talabalar turar joyi ayollar uchun yettita va erkaklar uchun oltita yotoqxonadan iborat.

Tadqiqot jurnallari[tahrir | manbasini tahrirlash]

  • Islomshunoslik[26]
  • Al-Dirassat al-Islomiya[26]
  • Insights[27]
  • Mayar[28]
  • Islomobod qonun sharhi[29]
  • Fikr o Nazar[26]
  • Biznes va menejment fanlari jurnali[30]

Xorijiy hamkorlik[tahrir | manbasini tahrirlash]

Universitet quyidagi muassasalar bilan ilmiy aloqalarga ega:

Uyushmalari[tahrir | manbasini tahrirlash]

  • Ilmiy Pokiston (www.scientificpakistan.com)
  • IT Sarkar (www.itsarkar.com)
  • Akademik xodimlar farovonligi assotsiatsiyasi
  • Ofitserlar farovonligi assotsiatsiyasi
  • Universitet xodimlari farovonligi assotsiatsiyasi
  • Amerika mexanik muhandislar jamiyati 
  • Milliy yosh olimlar akademiyasi (NAYS), Pokiston (NAYS IIUI boʻlimi)

Yana qarang[tahrir | manbasini tahrirlash]

Manbalar[tahrir | manbasini tahrirlash]

  1. ↑ 1,0 1,1 International Islamic University, Islamabad is listed on the Higher Education Commission of Pakistan (HEC) most recognised and prestigious Degree Awarding Institutions Higher Education Commission of Pakistan website, Retrieved 1 September 2020
  2. ↑ „Cultural week opens at IIUI“. Dawn (newspaper) (2012-yil 18-aprel). Qaraldi: 2020-yil 30-avgust.
  3. ↑ „International Islamic University location.“ Google Maps. Accessed 1 September 2020
  4. ↑ Ahmed A. and Sonn T. (ed.) „The SAGE Handbook of Islamic Studies.“[sayt ishlamaydi] SAGE, 2010 p124. ISBN 1446264521, 9781446264522.
  5. ↑ Yusuf I. „Islam and Knowledge: Al Faruqi’s Concept of Religion in Islamic Thought.“ I. B. Tauris 2012. ISBN 0857731262, 9780857731265.
  6. ↑ 6,0 6,1 Overview of International Islamic University on TopUniversities.com website Retrieved 1 September 2020
  7. ↑ 7,0 7,1 7,2 The Oxford Dictionary of Islam John Esposito: — 139 bet. John Esposito (ed.). The Oxford Dictionary of Islam. p. 139.
  8. ↑ „"Ranking of Universities in 2012"“. Higher Education Commission of Pakistan website (2012-yil 18-iyul). 2013-yil 25-mayda asl nusxadan arxivlangan. Qaraldi: 2020-yil 30-avgust.
  9. ↑ „Pakistanʼs International Islamic University Awards Honorary Doctorate to the Custodian of the Two Holy Masjids.“ Ministry of Foreign Affairs, Saudi Arabia. 2 March 2014. Accessed 12 November 2015.
  10. ↑ The Art and Architecture of Pakistan (Faisal Mosque) on GoogleBooks website Retrieved 1 September 2020
  11. ↑ Rizvi K. „The Transnational Masjid: Architecture and Historical Memory in the Contemporary Middle East.“ UNC Press Books, 2015 p90. ISBN 1469621177, 9781469621173. Accessed at Google Books 1 September 2020
  12. ↑ „Faisal Mosque“. ArchNet Digital Library website (2007-yil 21-oktyabr). 2011-yil 3-mayda asl nusxadan arxivlangan. Qaraldi: 2020-yil 1-sentyabr.
  13. ↑ „International Islamic University, Islamabad.“ Google Maps. Accessed 30 August 2020
  14. ↑ „About Faculty of Arabic | International Islamic University“. www.iiu.edu.pk.
  15. ↑ „About Faculty of Sciences | International Islamic University“. www.iiu.edu.pk.
  16. ↑ „About FET | International Islamic University“. www.iiu.edu.pk.
  17. ↑ „About IQRA | International Islamic University“. www.iiu.edu.pk.
  18. ↑ „About FLL | International Islamic University“. www.iiu.edu.pk.
  19. ↑ „About Faculty of Management Sciences | International Islamic University“. www.iiu.edu.pk.
  20. ↑ „About Shria'h & Law | International Islamic University“. www.iiu.edu.pk.
  21. ↑ „About FSS | International Islamic University“. www.iiu.edu.pk.
  22. ↑ „About Faculty of Usuluddin (Islamic Studies) | International Islamic University“. www.iiu.edu.pk.
  23. ↑ „Al-Azhar University“.
  24. ↑ „Centre of Excellence for Modern Languages(CEML) | International Islamic University“. www.iiu.edu.pk.
  25. ↑ „About International Institutes of Islamic Economics | International Islamic University“. www.iiu.edu.pk.
  26. ↑ 26,0 26,1 26,2 „Journals – Islamic Research Institute“. iri.iiu.edu.pk.
  27. ↑ „Insights – Research Journal | International Islamic University“. www.iiu.edu.pk.
  28. ↑ „| International Islamic University“. www.iiu.edu.pk.
  29. ↑ „Journal – Islamabad Law Review – Introduction | International Islamic University“. www.iiu.edu.pk.
  30. ↑ „Journal of Business and Management Sciences | International Islamic University“. www.iiu.edu.pk.

Havolalar[tahrir | manbasini tahrirlash]

"https://uz.wikipedia.org/w/index.php?title=Xalqaro_islom_universiteti_(Islomobod)&oldid=4189542" dan olindi