Jizzax davlat pedagogika universiteti

Vikipediya, ochiq ensiklopediya
(Jizzax pedagogika institutidan yoʻnaltirildi)
Navigatsiya qismiga oʻtish Qidirish qismiga oʻtish
Jizzax davlat pedagogika universiteti
(JDPU)

Universitet asosiy binosi
Xalqaro nomi Jizzakh State Pedagogical University
Asos solingan 1974-yil
Oʻquv yurti turi Universitet
Rektori Sharipov Shavkat Safarovich (2020-yildan beri)
Talabalari 20 000 dan ortiq
Fakultetlar 13 ta
Bakalavriat 4 yil
Magistratura 2 yil
Professorlar 836 ta
Manzili 130100. Jizzax viloyati, Jizzax shahri, Sharof Rashidov koʻchasi, 4-uy
Vebsayti http://jdpu.uz

Jizzax davlat pedagogika universiteti (JDPU) — Oʻzbekistondagi eng yirik oliy oʻquv yurti va ilmiy tekshirish markazlaridan biri. 1974-yilning 26-iyul sanasida sobiq SSSR Ministrlar sovetining 605-sonli qaroriga asosan Jizzax davlat pedagogika instituti tashkil etilgan va unga filologiya fanlari doktori, professor Bozorboy O‘rinboyev rektor sifatida tayinlangan. Xalq deputati Sirdaryo (hozirgi Jizzax) viloyat sovetining ijroiya komiteti 21.12.1989-yil № 451/27-sonli qaroriga muvofiq unga Abdulla Qodiriy nomi berilgan.

2022-yil 21-iyunda Oʻzbekiston Respublikasi Prezidentining „Pedagogik taʼlim sifatini oshirish va pedagogik kadrlar tayyorlovchi oliy taʼlim muassasalari faoliyatini yanada rivojlantirish chora-tadbirlari toʻgʻrisida“gi PQ-289 sonli qarori asosida Abdulla Qodiriy nomidagi Jizzax davlat pedagogika institutiga Jizzax davlat pedagogika universiteti maqomi berildi.

Universitetda 13 ta fakultet, 41 ta kafedra mavjud. Talabalar soni: 27 bakalavriat yo‘nalishi kunduzgi bo‘limda 11 044 nafar, 11 ta bakalavriat yo‘nalishi sirtqi bo‘limda 7 086 nafar, 20 ta magistratura mutaxassisligi bo‘yicha 1 271 nafar magistrant. Professor o‘qituvchilar 836 nafarni tashkil etadi. Muassasaning to’liq nomi: Abdulla Qodiriy nomli Jizzax davlat pedagogika universiteti. Qisqa nomi: JDPU. Umumiy maydoni 101 766 bo'lib, shundan 9 980 m² o'quv maydoni, 9 100 m² esa yotoqxona maydoni hisoblanadi.


Tarixi[tahrir | manbasini tahrirlash]

Jizzax davlat pedagogika instituti (hozirda Universiteti) tashkil topgan yili 2 ta, yaʼni, Oʻzbek tili va adabiyoti hamda Matematika fakultetlari mavjud boʻlgan. Universitet 425 nafar talaba, 29 nafar ustoz bilan oʻz faoliyatini boshlagan.

Xalqaro hamkorlik[tahrir | manbasini tahrirlash]

Jizzax davlat pedagogika universitetining taʼlim sohasida xalqaro aloqalarni rivojlantirish va dunyo bo‘yicha rivojlangan davlatlarning tajribasini o‘rganishda quyidagi vazifalarni o‘z ichiga oladi:

  • Oliy taʼlim muassasasi professor o‘qituvchilarning malakasini oshirish;
  • Oliy taʼlim muassasasi professor o‘qituvchilarning xorijiy ilmiy amaliy seminar, konferensiya va simpoziumlarda keng ishtirok etishi;
  • Professor o‘qituvchilarning va talabalarning xorijiy almashinuv dasturlari va treninglarda qatnashuvi;
  • Xorijiy o‘qituvchi va professorlarning oliy taʼlim muassasasiga, taʼlim jarayonini takomillashtirish va tajriba almashinuvi maqsadida ishlashga taklif etish.

Taʼlim sohasidagi xalqaro hamkorlik Janubiy Koreya Respublikasi, Angliya, Fransiya, Rossiya Federatsiyasi, Belorusiya, Turkiya, Ozarbayjon, Qozog‘iston, Hindiston va boshqa qator davlatlar bilan hukumatlararo va shartnomalar asosida amalga oshiriladi. Ushbu shartnomalar professor o‘qituvchilar va talabalar almashinuvi, ularning turli konferensiya va simpoziumlarda ishtirok etishi, qo‘shma ilmiy tadqiqotlar olib borish, ilmiy maqolalar chop ettirish va hokazo vazifalarni ko‘rib chiqadi. Oliy va o‘rta maxsus taʼlim vazirligi hamda Xitoy Xalq Respublikasining Taʼlim Vazirligi o‘rtasida 1999-yil 8-noyabrda belgilangan “Taʼlim sohasida hamkorlik” to‘g‘risidagi shartnoma doirasida Xitoy oliy taʼlim muassasalarida O‘zbekistonning qator oliy taʼlim muassasalaridan 40 ta talaba, fan nomzodlari, va yosh mutaxassislar amaliyot o‘tamoqdalar. Oliy taʼlim muassasasi Britaniya Kengashi, Koreyaning xalqaro hamkorlik bo‘yicha agentliklari, Hindiston texnik hamkorlik dasturi, BMTning rivojlanish dasturi, va boshqalar bilan yaqindan aloqa o‘rnatgan. Ushbu barcha dastur va loyihalar JDPUda oliy taʼlimni rivojlantirish, ilg‘or xorijiy tajribani qo‘llagan holda o‘quv-metodik jarayonni takomillashtirish, professor o‘qituvchilarning malakasini oshirish, talabalar almashinuvini kengaytirishga yo‘naltirilgan.

Shuningdek JDPU Yevropa Ittifoqining Erasmus Mundus nomli taʼlim dasturlarida faol ishtirokini alohida taʼkidlash joiz. O‘zbekiston oliy taʼlim muassasalari hamda JDPU Yevropa Ittifoqining talabalar, o‘qituvchilarning akademik tezkorligi, universitetlar o‘rtasidagi hamkorlikni mustahkamlashga qaratilgan Erasmus Mundus dasturida ham ishtirok etadi. Dasturlar doirasida talaba va o‘qituvchilar Yevropa oliy taʼlim muassasalarida ilmiy amaliyot o‘tash imkoniyatiga ega bo‘lishadi.

Hozirgi kunda xorijiy o‘qituvchi va mutaxassislarni o‘quv jarayoniga jalb qilish bo‘yicha xorijiy sheriklar bilan hamkorlikka katta eʼtibor qaratilmoqda. Mazkur yo‘nalishdagi eng faol ish Koreyaning xalqaro hamkorlik bo‘yicha agentligi KOICA bilan olib borilmoqda. Shuningdek Jizzax davlat pedagogika universiteti ikkita xorijiy oliy taʼlim muassasasi bilan qo‘shma taʼlim dasturlariga ega bular, Belorusiyaning Baranovich universiteti bilan «2+2» ko‘rinishida hamda Belorusiya davlat pedagogika universiteti bilan «3+1» ko‘rinishida.