Anvar Berdiyev

Vikipediya, ochiq ensiklopediya
Anvar Berdiyev
Shaxsiy maʼlumot
Toʻliq ismi Anvar Toʻxtayevich Berdiyev
Tavallud sanasi 11-noyabr 1978-yil (1978-11-11) (44 yosh)
Tavallud joyi Qashqadaryo Oʻzbekiston SSR SSSR
Boʻyi 178 sm
Ampluasi Hujumchi
Raqami 10
Yoshligida aʼzo boʻlgan klublar
1994 Temiryoʻlchi
Professional faoliyati*
Yillar Jamoa Isht. (Gol.)
1994—1995 Temiryoʻlchi - (-)
1995—1996 Mashʼal 48 (11)
1997—1999 Nasaf 45 (33)
2000—2013 Neftchi 345 (164)
2013—2015 Bunyodkor 22 (5)
2016—2018 Andijon 33 (11)
2018 Neftchi 12 (1)
2019 Istiqlol 6 (3)
Milliy terma jamoa
1998—2003 Oʻzbekiston Oʻzbekiston 5 (2)
Boshqargan klublari
2019 Istiqlol assist
2020—2021 Istiqlol
2021 Buxoro assist
2021 Turon assist
2022 Turon
2023 Shoʻrtan assist
*Professional klublardagi gollari (ichki chempionat)

Anvar Toʻxtayevich Berdiyev (tugʻ: 1978-yil 11-may; Qashqadaryo, Oʻzbekiston SSR, SSSR) — oʻzbek futbolchisi, hujumchi sifatida oʻynagan.

Futbolchilik faoliyati[tahrir | manbasini tahrirlash]

Anvar Berdiyev mehnat faoliyatini Temiryoʻlchida boshlagan.[1] „Mashal“ va „Nasaf“ klublarida oʻynagan. 2000-yilda Fargʻonaning „Neftchi“ jamoasiga koʻchib oʻtib, eng katta muvaffaqiyatlarga erishdi. 2001-yilda u Oʻzbekiston chempioni, 2012-yilda esa chempionatning eng yaxshi toʻpurarlaridan biri boʻldi.[2] 2012-yil 29-dekabrda IFFHS hali ham faol oʻyinchilar orasidan dunyoning eng muvaffaqiyatli Top-divizion toʻpurarlari roʻyxatini eʼlon qildi. Anvar Berdiyev faoliyati davomida 433 ta oʻyinda 205 ta gol urgan holda roʻyxatda 18-oʻrinni egalladi.[3] 2012-yil 31-dekabrda IFFHS oʻzining yangilangan roʻyxatini eʼlon qildi. Anvar Berdiev 240 gol bilan 326 nafar futbolchi orasida 296-oʻrinni egalladi.[4]

Anvar Berdiyev 225 ta gol bilan Oʻzbekiston chempionatlari tarixidagi eng yaxshi toʻpurarlaridan hisoblanadi (2018-yil 23-oktyabr holatiga koʻra). 2012-yilning 13-sentyabr kuni „Qizilqum“ga qarshi oʻyinda 199 va 200-gollarni kiritdi va Oʻzbekiston chempionatida Zafar Xolmurodovdan keyin 200ta gol urgan ikkinchi futbolchi boʻldi.[5][6]

2013-yil 28-iyun kuni Anvar Toʻxtayevich „Neftchi“ni tark etib, „Bunyodkor“ klubiga oʻtdi va u bilan bir yarim yillik shartnoma imzoladi.[7][8] 2015-yilning yozida u „Bunyodkor“ni tark etdi va „Andijon“ bilan shartnoma imzoladi. „Andijon“ safida 11ta oʻyinda maydonga tushgan Berdiev 7ta gol urdi va „Andijon“ning Oʻzbekiston ligasida qolishiga katta hissa qoʻshdi. U 7 ta gol bilan „Andijon“ning mavsumdagi eng yaxshi toʻpurari boʻldi.

2018-yilning yanvar oyida Berdiev yana „Neftchi“ ga oʻtdi. 2018-yilning 12-iyun kuni u Oʻzbekiston Superligasidagi Andijon jamoasi safida 500-rasmiy oʻyinini oʻtkazib, 88-daqiqada „Neftchi“ darvozasini ishgʻol qildi.[9]

U 2019-yilda Fargʻonaning „Istiqlol“ klubida oʻynagan. 2019-yilning avgust oyida Berdiyev futbolchilik faoliyatini yakunlagani va murabbiylik faoliyatini Fargʻonaning „Istiqlol“ klubida Sergey Lebedevga yordamchi murabbiy sifatida boshlaganini eʼlon qildi. 2023-yildan Shoʻrtan klubi Bosh murabbiyi.[10]

Terma jamoadagi faoliyati[tahrir | manbasini tahrirlash]

1998-yil 24-aprelda u Ozarbayjonga qarshi oʻyinda Oʻzbekiston milliy terma jamoasi safida debyut qildi. Hammasi boʻlib 5 ta oʻyin oʻtkazib, 2 ta gol urdi.[11][12]

Yutuqlar[tahrir | manbasini tahrirlash]

Manbalar[tahrir | manbasini tahrirlash]

  1. ↑ "Anvar Berdiev. Wayback Machine saytida arxivlandi (February 24, 2010,). 6 Yanvarya 2009.
  2. ↑ https://www.gazeta.uz/ru/2013/02/21/uff/
  3. ↑ „IFFHS: The World's most successful Top Division Goal Scorer among the still active Players“. IFFHS (29-dekabr 2012-yil).
  4. ↑ „IFFHS, Updating: The World's 326 most successful Top Division Goal Scorers of all time“. IFFHS (31-dekabr 2012-yil).
  5. ↑ https://archive.is/20130421184159/http://championat.uz/ru/news-8/21105.html Anvar Berdiev zabil svoy yubileyniy 200-gol
  6. ↑ „Анвар Бердиев забил свой юбилейный 200-гол“. Championat.uz (13-sentabr 2012-yil). 21-aprel 2013-yilda asl nusxadan arxivlandi.
  7. ↑ https://fcbunyodkor.com/ru.php/news/sections/club/7044[sayt ishlamaydi]
  8. ↑ „ru: Анвар Бердиев: Меня приняли очень хорошо“ (ruscha). FC Bunyodkor (28-iyun 2013-yil). 26-sentabr 2013-yilda asl nusxadan arxivlandi.
  9. ↑ „Neftchi vs. Pakhtakor 1 - 1“. soccerway (12-iyun 2019-yil).
  10. ↑ „“Шўртан” бош мураббийи истеъфога чиқарилди“. 12-may 2023-yilda asl nusxadan arxivlandi. Qaraldi: 12-may 2023-yil.
  11. ↑ arxiv nusxasi, 23–iyul 2015–yilda asl nusxadan arxivlandi, qaraldi: 29–noyabr 2021–yil{{citation}}: CS1 maint: date format ()
  12. ↑ „Aнвар Бердиев“. 21-aprel 2013-yilda asl nusxadan arxivlandi. Qaraldi: 16-may 2023-yil.

Havolalar[tahrir | manbasini tahrirlash]


"https://uz.wikipedia.org/w/index.php?title=Anvar_Berdiyev&oldid=3741040" dan olindi