Usmon Toshev

Usmon Toshev
Shaxsiy maʼlumot
Toʻliq ismi	Usmon Qudratovich Toshev
Tavallud sanasi	23-sentyabr 1965-yil (58 yosh)
Tavallud joyi	Buxoro, Oʻzbekiston SSR, SSSR, ; SSSR,; Oʻzbekiston
Boʻyi	182 sm
Ampluasi	himoyachi, yarimhimoyachi
Yoshligida aʼzo boʻlgan klublar
	Yosh kuch
Professional faoliyati*
Yillar	Jamoa
1985—1987; 1988; 1989—1991; 1992; 1992; 1992—1993; 1994—1998; 1998; 1999	Zarafshon; Paxtakor; Nurafshon; Аtommash; Nurafshon; Solnok; Buxoro; Keratsini; Buxoro;
Milliy terma jamoa
1994	Oʻzbekiston
Boshqargan klublari
2000—2008; 2006; 2008; 2009; 2009—2011; 2011; 2012; 2013; 2014—2015; 2017; 2018; 2018; 2018—2020; 2018—2021; 2021	Buxoro; Oʻzbekiston assistent; Nasaf v.b. ; Shoʻrtan ; Spartak (Тoshkent); Nasaf menejer; Nasaf ; Spartak (Buxoro) ; De Maivand Atalan ; Аndijon ; Oʻzbekiston (16yoshgacha) ; Tufan Хеrirud ; Тojikiston (оlimp.) ; Tojikiston ; Nurafshon
	*Professional klublardagi gollari (ichki chempionat)

Usmon Qudratovich Toshev (23.09.1965, Buxoro, Oʻzbekiston SSR, SSSR) — sovet va oʻzbek futbolchisi, himoyachi va yarimhimoyachi. Oʻzbekiston terma jamoasida oʻynagan. Hozirda OFK va FIFA futbol instruktori.

Faoliyati[tahrir | manbasini tahrirlash]

Oʻyinchi sifatida[tahrir | manbasini tahrirlash]

Buxoro oʻsmirlar sport maktabi tarbiyalanuvchisi. Buxoroning „Yosh kuch“ klubi yoshlar jamoasida oʻynagan. 1985-1987-yillarda Zarafshon klubida toʻp surgan. 1987-yilda Buxoro davlat universitetining sport taʼlimi yoʻnalishini tamomlagan. 1988-yilda Toshkentning „Paxtakor“ klubi tarkibida oʻynagan. 1989-1991-yillarda Buxoroning „Nurafshon“ jamoasi sharafini himoya qilgan.

1992-yilda Rossiya Volgodonskning „Atommash“ jamoasida oʻynagan. Oʻsha yili, shuningdek „Nurafshon“ safida ham toʻp surgan. 1992-1993-yillarda Vengriyaning „Solnok“ klubi safida maydonga tushgan.

1994-1998-yillarda „Buxoro“ klubi futbolchisi boʻlgan. 1998-yilda Gretsiyaning „Keratsini“ klubi sharafini himoya qilgan. 1999-yili „Buxoro“ klubida futbolchilik faoliyatini yakunlagan.

1994-yilda Oʻzbekiston milliy terma jamoasi tarkibida Tojikiston va Qirgʻiziston terma jamoalariga qarshi kechgan uchrashuvda ikkita oʻyinda maydonga tushgan.

Murabbiylik faoliyati[tahrir | manbasini tahrirlash]

Futbolchilik faoliyatini yakunlagach, 2000-yilda „Buxoro“ klubiga bosh murabbiy etib tayinlangan va 2008-yilgacha klubni boshqargan. 2002-yilda parallel ravishda Buxoro shahrida oʻtkazilgan „Universiada-2002“ talabalar respublika oʻyinlarida Buxoro viloyati futbol jamoasini boshqargan va musobaqada Buxoro viloyati futbol jamoasi chempionlikni qoʻlga kiritgan.

2005-yilda PRO murabbiylik litsenziyasini olgan. 2006-yilda bir muddat rossiyalik murabbiy Valeriy Nepomnyashchiy boshchiligida Oʻzbekiston milliy terma jamoasi murabbiylar shtabida ishlagan. 2008-yilda Qarshining „Nasaf“ klubida vaqtincha bosh murabbiy vazifasida faoliyat yuritgan. 2009-yilda Gʻuzorning „Shoʻrtan“ jamoasini boshqargan.

2009-2011-yillarda Toshkentning „Spartak“ jamoasi bosh murabbiyi boʻlgan. 2011-yilda Qarshining „Nasaf“ klubida menejer va sport direktori lavozimlarida ishlagan. 2012-yilning may oyidan noyabrigacha ushbu klubni boshqargan. 2013-yilda Buxoroning „Spartak“ jamoasiga murabbiy etib tayinlangan.

2014-2015-yillarda Afgʻoniston Premer-ligasida ishtirok etuvchi Afgʻonistonning „De Mayvand Atalan“ klubiga bosh murabbiy etib saylangan. 2017-yilda oʻsha paytda Oʻzbekiston Birinchi ligasida ishtirok etgan „Andijon“ klubini boshqargan va mavsum yakunida klub ushbu ligada 3-oʻrinni egallagan.

2018-yilda bir muddat Oʻzbekistonning 16 yoshgacha boʻlgan yoshlar terma jamoasini boshqarib, FACA yoshlar turnirida gʻolib chiqqan. 2018-yilning ikkinchi yarmida Afgʻonistonning „Tufan Xerirud“ klubini boshqargan va jamoa 2018-yilda Afgʻoniston Premer-ligasida gʻolib chiqqan. 2018-yilning noyabr oyida Tojikiston olimpiya (yoshlar) terma jamoasi bosh murabbiyi etib tayinlangan^[1], biroz vaqt oʻtib bir vaqtning oʻzida Tojikiston terma jamoasi bosh murabbiyi etib tayinlangan^[2].