Luka Modrić

Vikipediya, ochiq ensiklopediya
Luka Modrich
Shaxsiy maʼlumot
Toʻliq ismi Luka Modrić
Tavallud sanasi 9-sentyabr 1985-yil (1985-09-09) (38 yosh)
Tavallud joyi Zadar, Yugoslavia
Boʻyi 174 sm
Ampluasi yarim himoyachi
Klub maʼlumoti
Joriy klub
Luka Modrić Real Madrid
Raqami 10
Yoshligida aʼzo boʻlgan klublar
2002—2003 Dinamo Zagreb
Professional faoliyati*
Yillar Jamoa Isht. (Gol.)
2002—2008
2003—2004
2004—2005
2008—2012
2012 — hz.
Dinamo Zagreb
  Zrinski
  Inter Zapreshich
Tottenham
Real Madrid
(112 (31)
22 (8)
18 (4)
110 (11)
0 (0))
Milliy terma jamoa
2001
2001
2003
2003—2004
2004—2005
2006 — hz.
Xorvatiya U-15
Xorvatiya U-17
Xorvatiya U-18
Xorvatiya U-19
Xorvatiya U-21
Xorvatiya
(2 (0)
2 (0)
7 (0)
11 (1)
15 (2)
57 (8))
*Professional klublardagi gollari (ichki chempionat)

Luka Modrich (xorvatcha: Luka Modrić; 9-sentyabr 1985, Zadar, Yugoslavia) — Xorvatiyalik futbolchi, Xorvatiya terma jamoasi va Real Madrid klubi yarim himoyachisi.

Jamoalardagi faoliyati[tahrir | manbasini tahrirlash]

2002-yilda 16 yoshli Luka Modrich zagrebning „Dinamo“ jamoasi bilan shartnoma imzoladi. Ammo yoshlar tarkibida bir mavsum toʻp surganidan soʻng, „Zrinski“ jamoasiga ijaraga berib yuborildi. Luka u yerda oʻzining iqtidorini tezda namoyish etdi va 18 yoshida Bosniya premyer ligasining eng yaxshi oʻyinchisi nomini qoʻlga kiritdi. Keyingi yili u yana boshqa bir jamoaga, xorvatiyaning „Inter Zapreshich“ jamoasiga ijara berildi. U yerda esa u „Xorvatiya futbolining umidi“ nomiga ega boʻldi. 2005-yili „Dinamo“ga qaytgach, Modrich jamoa bilan tuzgan shartnomasini 2015-yilgacha uzaytirdi.

2008-yil 26-aprelda Modrich angliyaning „Tottenxem Hotspur“ jamoasi bilan oldindan kelishuvga erishdi, jamoaga qoʻshilguncha u tibbiy koʻrikdan oʻtishi va Buyuk Britaniyada ishlash uchun ruxsatnoma olishi kerak edi. Shartnoma 6 yilga moʻljallangan boʻlib, transfer summasi 16,5 mln. funt sterlingni tashkil etdi. Bu transfer summasi jamoa uchun rekord boʻldi, undan oldin rekord summa 2007-yilda xarid qilingan Darren Bent transferiga tegishli edi.

2012-yil 27-avgustda Modrich madridning „Real“ jamoasi bilan 5 yilga shartnoma imzoladi[1]. Ispaniya jamoasi xorvat uchun 35 mln. funt sterling toʻladi. U Real tarkibida 19 raqamli maykada toʻp suradigan boʻldi.
U „Real“ safidagi debyutini 29-avgustda jamoaning azaliy raqibi boʻlgan Barselonaga qarshi kechgan Ispaniya superkubogi musobaqasi uchrashuvida oʻtkazdi. Oʻyin 2:1 hisobida „Real“ foydasiga hal boʻldi va Luka kelganiga ikki kun boʻlganiga qaramay, Ispaniya superkubogi sohibi boʻlishga erishdi. Chempionlar ligasidagi birinchi uchrashuvi 18-sentyabrda Manchester Sitiga qarshi kechdi. Luka oʻzining birinchi golini 2012-yil 3-noyabrda „Real Saragosa“ga qarshi kechgan uchrashuvda kiritishga muvaffaq boʻldi. Ushbu oʻyinda yana bir jamoaning yangi aʼzosi Maykl Essyen ham oʻzining birinchi golini nishonladi. Oʻyin natijasiga koʻra, „Real Madrid“ 4:0 hisobida gʻalaba qozondi.

Terma jamoadagi faoliyati[tahrir | manbasini tahrirlash]

Luka Modrich Xorvatiya terma jamoasidagi oʻzi debyutini 2006-yil 1-martda Shveysariyaning Bazel shahrida Argentina terma jamoasiga qarshi kechgan uchrashuvida oʻtkazdi.
2008-yili Luka Xorvatiyaning yil oʻyinchisi deb tan olindi.
2011-yil 11-oktabrda oʻzining terma jamoa safidagi 50-nchi uchrashuvini oʻtkazdi.

Erishgan natijalari[tahrir | manbasini tahrirlash]

Jamoalardagi

  • Yevropa chempionati ramziy terma jamoasi: 2008
  • Xorvatiya chempioni: 2006, 2007
  • Xorvatiya superkubogi sohibi: 2006
  • Xorvatiya kubogi sohibi: 2007
  • Jahon chempionatida kumush medal 2018
  • Ispaniya superkubogi sohibi: 2012,2020,2021
  • UEFA Chempionlar ligasi Gʻolibi 5karra 2013/14, 3 marta ketma ket 2016/17/18 va 2022
  • 3 karra LALIGA gʻolibi 2017,2020,2022.


Shaxsiy

  • Bosniya birinchi ligasi yil oʻyinchisi: 2003
  • Xorvatiya futboli umidi (yillar boʻyicha): 2004
  • Xorvatiya birinchi ligasi yil oʻyinchisi: 2008
  • Tottenham Hotspur jamoasi mavsum oʻyinchisi: 2010/11
  • Oltin toʻp sohibi 2018

Galereya[tahrir | manbasini tahrirlash]

Manbalar[tahrir | manbasini tahrirlash]

Havolalar[tahrir | manbasini tahrirlash]