Toshkent davlat iqtisodiyot universiteti

Vikipediya, ochiq ensiklopediya
Jump to navigation Jump to search
Toshkent davlat iqtisodiyot universiteti
(TDIU)
Xalqaro nomi Tashkent State University of Economics
Asos solingan 1931-yil
Oʻquv yurti turi Universitet
Rektori Xodiyev Bahodir Yunusovich
Talabalari 6 ming
Fakultetlar 5 ta
Fan doktorlari 50 ta
Manzili Toshkent, Islom Karimov koʻchasi 49, 100066 Oʻzbekiston
Vebsayti www.tsue.uz

Toshkent iqtisodiyot universiteti — yirik oliy oʻquv yurti. Oʻzbekiston Respublikasi Oliy va oʻrta maxsus taʼlim vazirligi tarkibida. 1931-yil 13-avgustda Oʻrta Osiyo moliya-iqtisod instituti tashkil etilgan, keyinchalik Toshkent moliya-iqtisodiyot institutiga aylantirildi, bu institut 1962—91 yillarda Toshkent xalq xoʻjaligi instituti nomi bilan faoliyat koʻrsatdi. 1991-yil 19-iyundan iqtisodiyot universiteti. Universitetda Iqtisodiyot, Buxgalteriya hisobi va audit, Korporativ boshqaruv, Iqtisodiyotda axborot tizimlari va Xalqaro turizm fakultetlari, Magistratura va Sirtqi bo‘limi, 24 ta kafedra bor. Unt Pedagog kadrlarni qayta tayyorlash va ularning malakasini oshirish tarmoq markazi, O‘zbekiston iqtisodiyotini rivojlantirishning ilmiy asoslari va muammolari ilmiy tadqiqot markazi, Axborot-resurs markazi, Axborot texnologiyalari markazi, universitet tarixi muzeyi faoliyat olib boradi.

Universitetda 5111000 – Kasb ta’limi (5230100 Iqtisodiyot) 5111000 – Kasb ta’limi (5330200 Informatika va axborot texnologiyalari) 5230100 – Iqtisodiyot (tarmoqlar va sohalar bo‘yicha) 5230200 – Menejment (tarmoqlar va sohalar bo‘yicha) 5230400 – Marketing (tarmoqlar va sohalar bo‘yicha) 5230700 – Bank ishi 5230900 – Buxgalteriya hisobi va audit (tarmoqlar bo‘yicha) 5230800 – Soliqlar va soliqqa tortish 5231400 – Statistika (tarmoqlar va sohalar bo‘yicha) 5231600 – Mehnat iqtisodiyoti va sotsiologiyasi 5231700 – Kadrlar menejmenti 5231900 – Korporativ boshqaruv 5330200 – Informatika va axborot texnologiyalari (iqtisodiyot) 5610100 – Xizmatlar sohasi (turizmni tashkil etish va boshqarish) kabi yoʻnalishlar boʻyicha bakalavrlar hamda 28 mutaxassislik boʻyicha magistrlar tayyorlanadi.

2018/19 oʻquv yilida untda 6000dan ortiq talaba oʻqimoqda, 404 professoroʻqituvchilar, shu jumladan 43 fan doktori va 130 fan nomzodi va dots.lar ishladi. 2018/19 o‘quv yilidan boshlab Toshkent davlat iqtisodiyot universiteti Krems amaliy fanlar universiteti (Avstriya) hamda Ural davlat iqtisodiyot universiteti bilan qo‘shma ta'lim dasturi asosida kadrlar tayyorlashni yo‘lga qo‘ydi.

Unt dunyoning rivojlangan mamlakatlaridagi yetakchi universitet va ilmiy markazlari bilan xalqaro aloqalar oʻrnatgan. 1991—2019 yillarda untda 200 dan ortiq xorijlik talabalar tahsil oldi, 700 dan ortiq xorijlik professor oʻqituvchilar ishladi. Unt AQSH, Buyuk Britaniya, Germaniya, Fransiya, Malayziya, Vengriya, Koreya, Yaponiya, Niderlandiya, Belgiya, Rossiya, Qozogʻiston, Ukrainadagi 100dan ortiq nufuzli untlar, institutlar, ilmiy maktablar bilan aloqalarga ega. Darsliklar, oʻquv qoʻllanmalari, ilmiy ishlar to‘plamlari, "Iqtisodiyot va taʼlim" jurnalini nashr etadi.

Maʼmuriyat[tahrir]

Sobiq Rektorlar[tahrir]

Fakultetlar[tahrir]

Iqtisodiyot va statistika[tahrir]

Iqtisodiyot va statistika fakulteti 1947-yilda tashkil etilgan. Fakultetni tashkil qilishda va uning taraqqiyotida taniqli olimlar va oliy maktab asoschilari B. Tursunov, M.M. Qoriev, M.H. Zaynutdinov, A.A. Azatyan va A.S. Danilovlarning xizmatlari katta.

Fakultetda 5 ta kafedra faoliyat koʻrsatadi:

  • Mehnat iqtisodiyoti va sotsiologiya(akad. Aburahmonov Q.H.)
  • Tarmoqlar iqtisodiyoti (professor B.T. Salimov)
  • Makroiqtisodiyot (prof Ishmuhamedov A.E.)
  • Statistika (dots. Ayubjonov A.H)
  • Falsafa (professor Soipnazarov I.S.)

Fakultet qoʻyidagi yoʻnalishlarda bakalavrlar tayyorlaydi:

  • Iqtisodiyot (mehnat)
  • Iqtisodiyot (makroiqtisodiyot)
  • Iqtisodiyot (agroiqtisodiyot)
  • Iqtisodiyot (ekologiya)
  • Iqtisodiyot (sanoat)
  • Statistika

Qoʻyidagi yoʻnalishlarda esa, magistrlar yetishtiradi:

  • Iqtisodiyot (mehnat)
  • Iqtisodiyot (makroiqtisodiyot)
  • Iqtisodiyot (Hudud iqtisodiyoti)
  • Statistika

°== Mashhur bitiruvchlari ==

Manbalar[tahrir]

Havolalar[tahrir]