Toshkent moliya instituti
Toshkent moliya instituti | |
Xalqaro nomi |
Tashkent institute of finance |
|---|---|
| Turi | Institut |
| Asos solingan sanasi | 1991 |
| Yopilgan sanasi | 2024-yil 7-fevral |
| Rektori | Toʻlqin Teshabayev |
| Fakultetlar | 7 ta |
| Talabalari | 10,000+ |
| Bakalavriat | 21 ta yoʻnalish |
| Magistratura | 14 ta mutaxassislik |
| Akademiklari | 3 |
| Fan doktorlari | 40 + |
| Professorlari | 160 + |
| Oʻqituvchilari | 400 + |
| Joylashuvi | |
| Veb-sayti | tfi.uz/uz-Latn |
Toshkent moliya instituti (qisqartmasi TMI) – 1991—2024-yillarda moliya-kredit sohasida mutaxassislar tayyorlagan yirik oliy oʻquv yurti[1][2].
Tarixi
[tahrir | manbasini tahrirlash]1931-yilda Toshkent shahrida Oʻrta Osiyo moliya-iqtisod instituti tashkil etilgan, unga keyinroq, Toshkent moliya-iqtisod instituti, 1962-yilda Toshkent xalq xoʻjaligi instituti nomi berilgan[2]. 1991-yil 13-mayda Toshkent xalq xoʻjaligi institutining moliya-iqtisod va hisob-iqtisod fakultetlari negizida tashkil etilgan[3][4].
1999-yildan eʼtiboran Kasb taʼlimi „Buxgalteriya hisobi va audit“ taʼlim yoʻnalishi boʻyicha oʻqishga qabul qilish yoʻlga qoʻyildi. 2004-yilga kelib, institutning „Hisob-iqtisod“ va „Kredit-iqtisod“ fakultetlari negizida „Boshqaruv“ fakulteti barpo etildi. Boshqaruv fakulteti „Kasb taʼlimi“, „Statistika“ va „Menejment“ yoʻnalishlari boʻyicha bakalavrlar tayyorlay boshladi.
Institut rektorining 2005-yil 27-avgustdagi 137-sonli buyrugʻiga asosan Moliya-iqtisod fakultetida tayyorlanayotgan „Soliqlar va soliqqa tortish“ va „Sugʻurta ishi“ taʼlim yoʻnalishlari negizida Soliq va sugʻurta ishi fakulteti tashkil qilindi. 2011—2012-oʻquv yilidan eʼtiboran fakultetning nomi Sugʻurta fakulteti, deb oʻzgartirildi.
2007-yil 19-oktyabrda „Moliya“ kafedrasi negizida institut rektorining 153-sonli buyrugʻi bilan „Gʻaznachilik ishi“ kafedrasiga asos solindi. 2007-yil „Bank ishi“ kafedrasi negizida „Bank hisobi va audit“ kafedrasi tashkil topdi va oʻz faoliyatini boshladi. 2005-yilda „Makro va Mikroiqtisodiyot“ kafedrasi „Biznes va iqtisodiyot“ kafedrasi, deb nomlandi va mutaxassis tayyorlaydigan kafedralar safiga kiritildi. 2007-yil 5-noyabrda „Moliya injiniringi“ va „Bozordagi faoliyat va operatsiyalar“, „Investitsiyalarni moliyalashtirish“ yoʻnalishlari negizida Loyihalarni moliyalashtirish fakulteti tashkil topdi.
2007-yil 30-noyabrda ikkita yangi taʼlim yoʻnalishi – „Moliya injiniringi“ va „Bozordagi faoliyat va operatsiyalar“ ochilganligi munosabati bilan „Moliya injiniringi va bozorlar“ kafedrasi ochildi va 2010-yildan „Moliya bozori va qimmatli qogʻozlar“, deb nomlandi.
2009-yil 30-mayda „Umumiqtisodiy nazariya va iqtisodiy pedagogika“ kafedrasi „Iqtisodiyot nazariyasi“ va „Pedagogika va psixologiya“ kafedralariga ajratildi. Institut rektorining 2010-yil 10-fevraldagi 44-sonli buyrugʻiga asosan institutning „Buxgalteriya hisobi“ kafedrasi negizida „Budjet hisobi“ kafedrasi tashkil etildi. 2009-yilda Umumiqtisod fakultetining nomi davr talabiga mos ravishda Budjet hisobi va gʻaznachilik fakulteti, deb oʻzgartirildi. 2009–yil sentyabr oyidan fakultet nomi Budjet hisobi va davlat jamgʻarmalari fakulteti, deb nomlandi. 2017-yil iyun oyida „Falsafa va Oʻzbekistonda demokratik jamiyat qurish nazariyasi va amaliyoti“ va „Oʻzbekiston tarixi“ kafedralari birlashtirilib, kafedraning rasmiy nomi „Ijtimoiy fanlar“, deb nomlandi.
Institutda 7 ta fakultet (iqtisod; soliqlar va sugʻurta; buxgalteriya hisobi va audit; budjet hisobi va gʻaznachilik; bank ishi; moliya; sirtqi) va magistratura, 25 kafedra, akademik litsey, soliq litseyi, bank kolleji, biznes maktabi, malaka oshirish instituti, iqtisodiy bilimlarni tarqatish markazi va boshqa boʻlimlar faoliyat koʻrsatadi.
2020—2021-oʻquv yili holatiga koʻra, institutda 8 ta fakultet hamda magistratura boʻlimida jami 9100 nafar, shundan 21 ta taʼlim yoʻnalishlarida 8600 nafar, 14 ta magistratura mutaxassisliklarida 500 nafar talabalar tahsil olgan. Institutda 354 professor oʻqituvchi, jumladan, 38 fan doktori va professor, 154 fan nomzodi va dotsent ishlagan. Institut moliya, bank ishi, soliq, sugʻurta, menejment, qimmatli qogʻozlar va fond birjasi, loyihalarni moliyalashtirish, buxgalteriya hisobi va audit, kasbiy pedagogik taʼlim yoʻnalishlari boʻyicha bakalavrlar hamda 25 iqtisodiy mutaxassislik boʻyicha magistrlar tayyorlaydi.
2020-yil 1-yanvardan oʻzini oʻzi moliyalashtirish tizimiga oʻtkazilgan[5].
Institut faoliyati M. M. Qoriyev, Yuriy Shenger, N. N. Shabanova, X. R. Sobirov, Murod Sharifxoʻjayev, Ahmad Oʻlmasov, 3. Yoʻldoshev, Yorqul Abdullayev kabi olimlar nomlari bilan bogʻliq. Institut mustaqillik yillarida 150 000 dan ortiq mutaxassis kadrlar tayyorladi[2].
Institutda aspirantura va doktorantura bor. AQSH, Angliya, Fransiya, Germaniya, Janubiy Koreya, Yaponiya, Malayziya, Belarus Respublikasi kabi rivojlangan chet el davlatlarining turdosh universitetlari bilan oʻquv-ilmiy sohalarda hamkorlik qiladi[2][6].
2024-yil 7-fevraldagi PQ-62-sonli prezident qarori bilan Toshkent davlat iqtisodiyot universitetiga qoʻshib yuborilgan[7].
Fakultetlari
[tahrir | manbasini tahrirlash]- Iqtisodiyot fakulteti
- Soliqlar va sugʻurta fakulteti
- Buxgalteriya hisobi va audit fakulteti
- Budjet hisobi va gʻaznachilik fakulteti
- Bank ishi fakulteti
- Moliya fakulteti
- Sirtqi taʼlim fakulteti[8]
Kafedralari
[tahrir | manbasini tahrirlash]- „Bank ishi“ kafedrasi
- „Soliqlar va soliqqa tortish“ kafedrasi
- „Menejment“ kafedrasi
- „Elektron tijorat va raqamli iqtisodiyot“ kafedrasi
- „Korporativ moliya va qimmatli goq’ozlar“ kafedrasi
- „Sug´urta va pensiya ishi“ kafedrasi
- "Oliy matematika, statistika va ekonometrika " kafedrasi
- „Xalqaro moliya-kredit“ kafedrasi
- „Moliya“ kafedrasi
- „Baholash ishi va investitsiyalar“ kafedrasi
- „Bank hisobi va audit“ kafedrasi
- „Budjet hisobi va gʻaznachilik ishi“ kafedrasi
- „Buxgalteriya hisobi“ kafedrasi
- „Ijtimoiy fanlar“ kafedrasi
- „Iqtisodiyot“ kafedrasi
- „Kasbiy psixologiya, jismoniy tarbiya va sport“ kafedrasi
- „Xorijiy tillar“ kafedrasi
- „Oʻzbek va rus tillari“ kafedrasi
- „Audit“ kafedrasi
- „Iqtisodiy tahlil“ kafedrasi
- „Statistika va ekonometrika“ kafedrasi
- „Iqtisodiyot“ fafedrasi(sirtqi)
- „Jismoniy madaniyat va sport faoliyati“
- ,,Axborot tizimlari va texnologiyalari kafedrasi[9]
Bakalavr
[tahrir | manbasini tahrirlash]Kunduzgi
[tahrir | manbasini tahrirlash]Institutda quyidagi yoʻnalishlarda kunduzgi taʼlim beriladi[10]:
| # | Shifr | Taʼlim yoʻnalishi nomi |
|---|---|---|
| 1 | 5230100 | Iqtisodiyot (tarmoqlar va sohalar boʻyicha) |
| 2 | 5230200 | Menejment (tarmoqlar va sohalar boʻyicha) |
| 3 | 5230600 | Moliya va moliyaviy texnologiyalar |
| 4 | 5230700 | Bank ishi va auditi |
| 5 | 5230800 | Soliqlar va soliqqa tortish |
| 6 | 5230900 | Buxgalteriya hisobi va audit
(tarmoqlar boʻyicha) |
| 7 | 5231200 | Sugʻurta ishi |
| 8 | 5231300 | Budjet nazorati va gʻaznachiligi |
| 9 | 5231500 | Baholash ishi |
| 10 | 5231700 | Birja ishi |
| 11 | 5231800 | Biznes-tahlil |
| 12 | 5232400 | Iqtisodiy xavfsizlik |
| 13 | 5232700 | Investitsion loyihalarga xizmat koʻrsatish va moliyalashtirish |
| 14 | 5232800 | Elektron tijorat |
| 15 | 5234400 | Xalqaro valyuta-kredit munosabatlari |
Sirtqi
[tahrir | manbasini tahrirlash]Institutda quyidagi yoʻnalishlarda sirtqi taʼlim beriladi[10]:
| # | Shifri | Nomi | |
|---|---|---|---|
| 1 | 5230200 | Menejment (tarmoqlar va sohalar boʻyicha) | |
| 2 | Moliya va moliyaviy texnologiyalar | ||
| 3 | 5230700 | Bank ishi va auditi | |
| 4 | Buxgalteriya hisobi va audit (tarmoqlar boʻyicha) | ||
| 5 | 5231200 | Sugʻurta ishi |
Qoʻshma taʼlim dasturlari
[tahrir | manbasini tahrirlash]- Malayziyaning Bayneriy universiteti (Binary University of Management & Entrepreneurship) bilan hamkorlikda "Binary Graduate School" qoʻshma fakulteti tashkil etilgan[11].
- Belarus Respublikasining Polotsk davlat universiteti bilan qoʻshma taʼlim dasturi (Qoʻshma fakultet) yoʻlga qoʻyilgan[12].
Milliy va xalqaro reytinglardagi oʻrni
[tahrir | manbasini tahrirlash]- Institut Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish Davlat inspeksiyasi tomonidan 2020/2021-oʻquv yili uchun eʼlon qilingan Milliy reytingda Respublikadagi Oliy taʼlim muassasalari orasida 5-oʻrinni egalladi[13].
- Buyuk Britaniyaning nufuzli reyting agentligi – Times Higher Education tomonidan ilk bor yangi turdagi reporter maqomga (reporter – mazkur maqom reytingga kirish uchun faol ishlari bilan Times Higher Education reyting agentligini eʼtirofiga sazovor boʻlgan oliy oʻquv yurtlariga beriladi) ega boʻlgan 450 ta oliy taʼlim muassasalari orasidan joy olgan[14].
Rektorlari
[tahrir | manbasini tahrirlash]- 1991—2005 – Murod Sharifxoʻjayev
- 2016-2018 – Baxodir Abdusalamovich Begalov [15].
- 2018-2020 – Ulugʻbek Azizov [16].
- 2020—2024 – Toʻlqin Teshabayev[17].
Mashhur bitiruvchilar
[tahrir | manbasini tahrirlash]- Zoir Mirzayev (1994)
- Timur Ishmetov (2000)
Manbalar
[tahrir | manbasini tahrirlash]- ↑ [1]
- ↑ 2,0 2,1 2,2 2,3 „Toshkent moliya instituti“,
Oʻzbekiston milliy ensiklopediyasi: 8-jild (Solnoma — Toʻytepa). Toshkent: „Oʻzbekiston milliy ensiklopediyasi“ Davlat ilmiy nashriyoti, 2004 — 704-bet.
- ↑ „“Toshkent moliya institutini tashkil qilish to‘g‘risida ” gi Oʻzbekiston Sovet Sotsialistik Jumhuriyati Prezidentining PF-207-sonli qarori“ (oʻzbekcha). lex.uz. Toshkent: Oʻzbekiston Respublikasi Adliya vazirligi (1991-yil 13-may). Qaraldi: 11-iyun 2025-yil.
- ↑ „“Toshkent moliya institutini tashkil qilish to‘g‘risida ” gi O‘zbekiston SSJ Prezidenti huzuridagi Vazirlar Mahkamasining VMQ-154-sonli qarori“ (oʻzbekcha). lex.uz. Toshkent: Oʻzbekiston Respublikasi Adliya vazirligi (1991-yil 3-iyun). Qaraldi: 11-iyun 2025-yil.
- ↑ „“Oliy ta’lim muassasalarini bosqichma-bosqich o‘zini o‘zi moliyalashtirish tizimiga o‘tkazish to‘g‘risida” gi Oʻzbekiston Respublikasi Vazirlar Mahkamasining VMQ-967-sonli qarori“ (oʻzbekcha). lex.uz. Toshkent: Oʻzbekiston Respublikasi Adliya vazirligi (2019-yil 3-dekabr). Qaraldi: 11-iyun 2025-yil.
- ↑ Institut tarixi
- ↑ „“Iqtisodiyot sohalari uchun kadrlar tayyorlash tizimini tubdan takomillashtirish chora-tadbirlari to‘g‘risida” gi Oʻzbekiston Respublikasi Prezidentining PQ-62-sonli qarori“ (oʻzbekcha). lex.uz. Toshkent: Oʻzbekiston Respublikasi Adliya vazirligi (2024-yil 7-fevral). Qaraldi: 11-iyun 2025-yil.
- ↑ [2]
- ↑ https://tfi.uz/uz-Latn/page/kafedralar
- ↑ 10,0 10,1 2021-2022 Qabul kvotalari
- ↑ Oliy va Oʻrta maxsus taʼlim vazirligining rasmiy telegram kanali
- ↑ Sozdanie sovmestnogo fakulteta s Tashkentskim finansovim institutom
- ↑ „Taʼlim sifatini nazorat qilish Davlat inspeksiyasi rasmiy sayti“. 2021-yil 29-noyabrda asl nusxadan arxivlangan. Qaraldi: 2021-yil 29-noyabr.
- ↑ Oliy va Oʻrta maxsus taʼlim vazirligi rasmiy sayti
- ↑ „Rektorom Tashkentskogo finansovogo instituta naznachen Baxodir Begalov“. 2021-yil 24-aprelda asl nusxadan arxivlangan. Qaraldi: 2021-yil 29-noyabr.
- ↑ Ulugʻbek Azizov Toshkent moliya instituti rektori etib tayinlandi
- ↑ Moliya institutiga yangi rektor tayinlandi
Havolalar
[tahrir | manbasini tahrirlash]- Institut rasmiy sayti
- Rasmiy kanali Telegramda
- Rasmiy sahifasi Facebookda
- Rasmiy sahifasi Instagramda
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |