Qatagʻon (qabila)

Vikipediya, ochiq ensiklopediya
Jump to navigation Jump to search

Qatagʻon, qatagʻonlar — oʻzbeklar tarkibidagi yirik qabila. Afgʻoniston shim. r-nlari (Qunduz va Toshqoʻrgʻon), Tojikiston (Koʻhitang togʻining sharqiy yon bagʻirlari, Vaxsh, Surxon, Panj va Yaxsu daryolarining boʻylari)da, Oʻzbekiston hududida, asosan, Qashqadaryoning Shahrisabz vohasi (Yakkabogʻ daryosining yuqori oqimi), Buxoro vohasi (Navoiy va Kattaqoʻrgʻon tumanlari), Xorazm, Fargʻona vodiysi va Toshkent vohasida yashashgan. 1924 yilda Oʻzbekiston va Tojikistonda yashovchi Q.larning umumiy soni 27,2 ming kishi boʻlgan. Fargʻona vodiysi hamda Toshkent vohasida yashagan Q.lar 18—19-asrlarda batamom oʻtroqlashgan. Q.lar bir necha urugʻlarga boʻlingan. Oʻtmishda chorvachilik bilan shugʻullanishgan, asrlar davomida oʻtroqlashib, dehqonchilik qilganlar.