Mitan

Vikipediya, ochiq ensiklopediya
Jump to navigation Jump to search

Mitan, moʻyton — oʻzbek va krraqalpoq xalqi tarkibiga singib ketgan kabila. M.ning koʻpchiligi hozirgi Qoraqalpogʻistonning Taxtakoʻpir va Moʻynoq tumanlarida yashagan (Qoʻngʻirot tumanidagi oʻzbeklar tarkibida ham uchrar edi). M. larning ayrim guruxdari Afgʻoniston (Balx viloyati)da yashaydi. Qoraqalpoq M.lari oʻtmishda bir qancha katta va kichik qabila-urugʻlarga boʻlingan. Oʻzbek M.larining koʻpchiligi 19-asrning oxiri va 20-asrning boshlarida Zarafshonning oʻrta oqimida yashagan. 1920 yilda Samarqand viloyati M.lardan 7 mingga yaqin kishi roʻyxatga olingan. Ishtixon, Nurota, Bulun-gʻur tumanlarida ozroq qismi Karmana atroflarida hamda Qashqadaryoning quyi oqimlarida yashagan. Zarafshon vodiysida yashovchi M.larning bir kismi oʻtroq oʻzbeklarga aralashib, oʻz urugʻ nomlarini unutganlar.

M. etnogenezi toʻliq oʻrganilmagan. Ayrim olimlar miloddan avvalgi 6-asr va milodiy 1-asr oʻrtalarida Shim. Mesopotamiyada, Eronda, Ozarbayjonda (Urmiya koʻli atrofida), Armanistonning togʻli hududlarida yashagan, Gerodot, Gekatey, Strabon, Polibiy kabi antik tarixchilar matiyenlar deb nomlagan xalqlarni M.larning ilk ajdodlari deb taxmin qiladilar.

Adabiyot[tahrir]

  • Materiali Vserossiyskoy perepisi, vip. 5, ch. T., 1923; Materiali po rayonirovaniyu Sredney Azii, kn.1,ch,1, Buhara — T., 1926.[1]

Manbalar[tahrir]

  1. OʻzME. Birinchi jild. Toshkent, 2000-yil