Oʻzbekiston davlat jismoniy tarbiya va sport universiteti
| Oʻzbekiston davlat jismoniy tarbiya va sport universiteti (OʻzDJTSU) | |
|---|---|
| Asos solingan | 1955 |
| Rektori | Mahmudjon Boltaboyev |
| Bakalavriat | 4 yil |
| Magistratura | 2 yil |
| Manzili | Toshkent, Oʻzbekiston |
| Vebsayti | uzdjtsu.uz |
Oʻzbekiston jismoniy tarbiya instituti — jismoniy tarbiya oʻqituvchilari va sport turlari boʻyicha mutaxassislar tayyorlovchi oliy taʼlim muassasasi. 1955 yilda Toshkentda jismoniy tarbiy texnikumi asosida tashkil etilgan. Hozirgi kunda Institutda 4 ta ft (sport oʻyinlari, yakkakurash sport turlari, sirtqi taʼlim va malaka oshirish), 19 ta kafedra, 4 ta muammolar laboratoriya, doktorantura, aspirantura, nashriyot, bosmaxona, 170 ming asar jamgʻarmasiga ega kutubxona, 6 ta sport zali, 12 ta sport maydoni, 240 oʻrinli talabalar uyi mavjud. Shuningdek, institut qoshida Oʻzbekiston Olimpiya akademiyasi, ixtisoslashgan ilmiy kengash, "Fan — sportga" ilmiy jurnal tahririyati faoliyat koʻrsatadi. 2004/05 oʻquv yilida Institutda 2123 talaba taʼlim oldi, 156 professoroʻqituvchi, jumladan, 11 fan doktori, 41 fan nomzodi va dotsent ishladi. Institutda sport turlari va kasbiy taʼlim (jismoniy tarbiya va jismoniy madaniyat) yoʻnalishlari boʻyicha bakalavrlik hamda 16 mutaxassislik boʻyicha magistrlar tayyorlanadi. institut talabalar sport jamoasi respublikada oʻtkazilayotgan "Universiada" oʻyinlarida yetakchilik qilib kelayapti. "Toʻmaris" (voleybol) va Jismoniy tarbiya instituti sport klubi (basketbol) ayollar jamoalari esa Oʻzbekiston chempionatlarining koʻp karra gʻolibidir. Institutda tahsil olgan Sobir Roʻziyev, Rufat Risqiyev, Lina Cheryazova, ArTur Grigoryan, Oksana Chusovitina, Mirjalol Qosimov, Rustam Saidov kabi sportchilar jahon chempionatlari, olimpiada va Osiyo oʻyinlarida chempion boʻlishgan. Institutning ilmiy pedagogik faoliyati Hoji Ahmad Toʻraxoʻjayev, Roza Rafiqova, Vadim Avanesov, Ozoda Rixsiyeva, Abduhamid Hamroqulov, Toʻlqin Yunusov kabi olimlar nomlari bilan bogʻliq. institut olimlari Germaniya, Koreya Respublikasi, Polsha, Rossiya, Ukraina, Hindiston, Qozogʻiston, Qirgʻiziston davlatlaridagi turdosh oʻquv yurtlari mutaxassislari bilan ilmiy hamkorlik qilishadi.
Fakultetlar[tahrir]
YAKKAKURASH SPORT TURLARI FAKULTETI SPORT O'YINLARI FAKULTETI KO'PKURASH SPORT TURLARI FAKULTETI SPORT BOSHQARISH VA KASBIY FANLAR FAKULTETI
Bakalavr yoʻnalishlari[tahrir]
Kunduzgi[tahrir]
| # | Shifr | Taʼlim yo‘nalishi nomi |
|---|---|---|
| 1 | 5210202 | Psixologiya: sport psixologiyasi |
| 2 | 5230211 | Menejment (jismoniy tarbiya va sport menejmenti) |
| 3 | 5230213 | Menejment (sport tadbirlarini tashkil etish va boshqarish) |
| 4 | 5230401 | Marketing (sport marketingi)[1] |
Magistratura yoʻnalishlari[tahrir]
| # | Taʼlim yo‘nalishi nomi | Shifr |
|---|---|---|
| 1 | Sport faoliyati (faoliyat turlari boʻyicha) | 5A610501 |
| 2 | Jismoniy tarbiya va sport menejmenti | 5A610502[2] |
Filiallari[tahrir]
- Oʻzbekiston davlat jismoniy tarbiya va sport universitetining Fargʻona filiali[3]
- Oʻzbekiston davlat jismoniy tarbiya va sport universitetining Nukus filiali
Mashhur bitiruvchilari[tahrir]
- Sobirjon Roʻziyev
- Rufat Risqiyev
- [[]]Lina Cheryazova, ArTur Grigoryan, Oksana Chusovitina, Mirjalol Qosimov, Rustam Saidov
Manbalar[tahrir]
 |
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |